Fwile 30:10 - Kazambale lé Sebe Sauunu 1979

¹⁰ Lɛɛ do gɔnɔ do Arɔn é dan wenyané ’yibofɛ gié lɛ balebanna bélinu ma; wenyané ’yibofɛ lé wa gyɛ, a nyɛ nya lé é dan wenyané ’yibowe kɛlɛ lɛ lɛɛ do do gi, ka kulunu faa va. É a fɛ ’lɛzan nya é baba Gakelebale yuɛ gi.

Fwile 30:10 ပူးပေါင်းရင်းမြစ်များ

1 Minwiinzannu 1:50

Adonija kana Salomɔn lee; é nwa é ziin yé é go yé é kun balebanna bélinu ma.

Minwiinzannu lé Wezuofe Sɛbɛ 6:49

Arɔn valé é kulunu woo saraka boo balebanna lé woo balebanwi kyɛ blé ana bɛ, a ta, yé woo saraka boo balebanna lé woo lasikɔrɔ kyɛ blé ana bɛ, a ta; woo fɛna sauun tinle gi nyanama faa paan, yé woo Izraɛl munu lé wenyané ’yi boo, fɛan zo lé Bale a fe é leezan Moizi lɛ, a yɛrama.

Fwile 30:11

Gakelebale lé Moizi lɛ léma:

Fwile 30:9

Lasikɔrɔ bɛ koo, balebanwi lé wa kyɛ blé koo, Bale blan koo, té ka wo nɔ balebanna ’ko ta lo, dé é a saraka bo ’yioo ’yian nya, té ka zén a ta lo.

Lévinu 16:16

’Bɛ zo lé é dan saraka bo lɛ fɛna sauun zé nya, Izraɛl lé nénu lé tiridɔwenu valé wo ’é bélidɔwe sɛrɛlenu lé wo wenyané kɛlɛ a nya bɛ, wo we ma. É dan a kɛlɛ lɛ yee duo zo, zén‐ékevasɔkɔn lé we ma, ’té é ke wo va wolé tiridɔwenu méléna.

Lévinu 16:18

Dé é bɔra é dan go lɛ balebanna lé ke Gakelebale ’lɛ, ana, yé é dan saraka bo lɛ balebanna zé nya; é dan dirigɔné nyɛ valé boligɔné nyɛ si lɛ, yé ’é a gié balebanna bélinu faa ma.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Lévinu 23:27

Moné sɔrafiézan ’ko lé yi vuzan nya, é a wenyané ’yiboyi nya; ka dan zénle ékeva plɛplɛ kɛlɛ lɛ, yé ka dan kabo kɛlɛ lɛ kiéné, yé sarakanu lé wa kyɛ blé, ka dan wo bo lɛ Gakelebale lɛ.

Lévinu 4:18

É dan a nyɛ boo lɛ balebanna lé ke Gakelebale ’lɛ zén‐ékevasɔkɔn gi, a bélinu ma; yé é dan nyɛ faa zana lɛ balebanna lé woo balebanwi kyɛ blé ana, zén‐ékevasɔkɔn ’léé, a punma.

Lévinu 4:7

Balebanna lé woo Bale baan lasikɔrɔ nya a ta, ’té é ke Gakelebale ’lɛ zén‐ékevasɔkɔn gi, Balebanzan é dan a nyɛ boo lɛ ana bélinu ma; yé é dan dirigɔné nyɛ faa zana lɛ balebanna lé woo balebanwi kyɛ blé ana zen‐ékevasɔkɔn ’léé, a punma.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 9:25

É ’ka wɔra lɛ ’bɛna ébozen nɔle saraka nya gɔnɔ kiɛre nya lo, bélé fɛan zo lé Balebanmunu ’lɛzan éé wɔraan lɛɛ do gɔnɔ do wi nyɛ nya é lee fɛna sauun na, a zo lo;

Ébrunu 9:7

Naa, Balebanmunu ’lɛzan do kpen ɛ goo kɔnmi zi lɛɛ do gɔnɔ do. Dé abozen lé wenyané valé munu lé wenyané ma wi nyɛ ’ka a lee lo, é ’ka goo ’bɛna lo.

Wegɔɔnle 9:13

Lanje suiɛdozan béli fɛn, yé maa dére do ’ma sina balebanna lé wa kɛlɛ kyan nya, ’té é ke Kazambale ’lɛ, a béli ziɛn gi,