Fwile 3:8 - Kazambale lé Sebe Sauunu 1979

⁸ Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 3:8 ပူးပေါင်းရင်းမြစ်များ

Wepélisiananu 11:5

Gakelebale zun yé é da, fla valé kɔn kiilii torole lé munu ke a dɔna bɛ, wo nagini lɛ.

Wepélisiananu 11:7

Kaa go, kaa zun, kaa wo dére kini ékema mi, té wo wo ke dére ’ma é ziin lo.

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

Wepélisiananu 15:14

Bɛn lé é dan pla lɛ wo nwiin bɛ, maa dan alé we ble lɛ, yé i kulunu é dan si lɛ ana fua blɛn nya.

Wepélisiananu 18:21

Bɛwemalé maa dan zun lɛ yé we lé maa ’ma an tɔné gi ’ko, dé wo kɛlɛwe a ’bɛ zo webozen nyaa? yé maa a ye; yé dé wo ’ka a kɛla ’bɛ zo loo? yé maa a gi dɔɔ.

Wepélisiananu 43:11

Wo ti Izraɛl lé wo lɛ léé: An ’ka bɔa we ’ko lɛ lo. ’Ka kɛlɛ ’ko zo: ka tɛrɛ ’ko la fɛ zinnu si; ’ka a zén kalé pulunu gi yé ’ka go wo nya gɔné ’ko lɛ a blan nya: baumélia kiéné koo, zɔrɔnyɔnɔ kiéné koo, zianbla ginzannu koo, mirélia koo, bɛɛ koo, amandé koo, woo lé.

Wepélisiananu 46:4

Maabozen ’é dan go lɛ i va Éjipiti tɛrɛ la. Maabozen é dan i si lɛ ana é ziin, yé Jozɛfu é dan kɛlɛ lɛ ana i gabléyi va.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Minwiinzannu lé Wezuofe Sɛbɛ 1:15

Éévinu koo, Aakinu koo, Sininu koo,

Néémi 9:8

Bii ɛ bli ye tegele i ’lɛ, i gipawe kɛlɛ a va, yé i blivolɛdére nɔ a lɛ, léé, tɛrɛ lé ke Kanaannu koo, Étinu koo, Amorénu koo, Férézinu koo, Jébusinu koo, Giigazinu koo, wozé nya, i dan a nɔ lɛ a kulu lɛ, yé i dɔ i dére ta, naa, i a tegele.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 12:6

Naa, woo yaan wenaané bɔmazannu ta, ’té nyanégyɛzannu éé dunnuan, Amalé sin, Gakelebale léé: Maa nwa, Yé munu lé bélilɔrɔ ke wo ma, maa dan a nya wo lɛ.

Lɛrɛvɔ Sɛbɛ 34:8

Munu lé woo kanaan Gakelebale lee, alé lanje éé yiié wo zi, Yé dé gawe bɔ wo ma, éé wo sié a gi.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 34:11

We lé maa i bélidɔ a nya kyɔ, bé kɛlɛ ma. Amoré munu koo, Kanaan munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ ka ’lɛ.

Fwile 5:23

É sia bléyian va lé maa go Faraɔn va wefele i tɔ nya we gi, éé nyané paan munu ’ko ta, yé i ’ka ilé munu si lɛ we gi lo.

Ézai 36:17

fɔɔ, yé é da yé é go ka nya, tɛrɛ lé ke bélé kalé tɛrɛ zo, ’té ’sa valé dɔrɔ ana kiɛre, ’té fɛblele valé dɔrɔféinu ana kiɛre, a ta.

Ézai 64:1

bélé yili gale lé a kyɛ bi, a zo, béli ’yi lé é ke flina bɔ gi, ’té éé bélié, a zo; ’té i nyanézannu é dan i tɔ dɔɔ lɛ, yé bɛnnu ma é dan nyɔɔn lɛ i ’lɛ.

Jérémi 11:5

Anbo kundére lé maa a fe ka tranu lɛ, maa dan a lɛ sɔɔ lɛ; maa léé, maa dan tɛrɛ nyɔnɔzan nɔ lɛ wo lɛ bélé ka yé kyɔ fɛan zo, a zo. Yé maa a zi pa léé: Gakelebale, amɛɛn!

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 32:22

I tɛrɛ ’ko nɔ wo lɛ, tɛrɛ lé ibo ’nyɔɔn léé, i dan a nɔ lɛ wo tranu lɛ, yee lé, tɛrɛ nyɔnɔzan lé.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Mi Nɔnɔle 13:18

Ka dan tɛrɛ ye lɛ fɛan zo lé é ke, a zo, yé munu lé wo ke a ta, dé wa plɛplɛɛ? dé wa tɔɔtɔɔ? dé wo ’léé a kiénéé? dé wa kiɛree?

Mi Nɔnɔle 13:19

Tɛrɛ lé wo ke a ta, dé é a kaa? dé é a é zimaa? dé é a naanéé? Flanu lé wo ke a ta, dé wa kaa? dé wo zi a é plaa? dé gɔrɔ a wo zii?

Mi Nɔnɔle 13:27

Wo sina gle lé wa wo Moizi lɛ, yee lé ke ’ko: Ko go tɛrɛ lé i ko nwunvɔ ana, a ta. Webozen lé, é a tɛrɛ nyɔnɔzan nya. Ana fɛnu lé ke ’ko.

WENÉNÉ LE JAN A GYE (Évangile selon Jean) 3:13

Mi vinin ’ka tan go lɛ la gi lo, ’té dé é ’ka mi lé é si la gi, maa blami Be lé an ke la gi mi, an nya lo.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

Bélidɔwesɛbɛ Fiézan 1:25

Yé wo tɛrɛ ’ko la féifɛnu si yé wo da a nya ko lɛ; yé wo ana tɛrɛlawe zuo fe ko lɛ yé wo léé, tɛrɛ lé Gakelebale, kolé Bale a nɔ kaa lɛ, é a tɛrɛ zima nya.

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Bélidɔwesɛbɛ Fiézan 27:3

’Ka bélidɔwe ’konu faa gyɛ gɔlɛ ’konu ta, ’té dé ka Juudɛn yuu kini yé ka bɔ tɛrɛ lé Gakelebale, kalé Bale a nɔ ka lɛ, a ta, Gakelebale ka tranu lé Bale a fe ka lɛ fɛan zo, a zo. Tɛrɛ ’ko a tɛrɛ nyɔnɔzan nya.

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Jozué 5:6

Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.

Jozué 9:1

Minwiinzannu faa lé ke Juudɛn bɛ ’ko la zia, gɔ nwiin koo, gɔ worona koo, wɛyi blɛn gɔ ma faa koo, fɔɔ é bɔ Liban sɔnɔ, Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wo we ’konu ’ma aan wo, wo zén ékeva bli do nya gulidanle Izraɛl valé Jozué va we gi.

Jozué 9:7

Izraɛl munu a zi pa Éévinu lɛ léé: Un, dé ka nyanaan ko mélénaa? Kaa gi paan do kaa?