Fwile 3:7 - Kazambale lé Sebe Sauunu 1979

⁷ Gakelebale léé: Anlé munu lé ke Éjipiti, maa wolé nyanéblele ye, yé dunnu lé wa wona nyanépawotazannu lee, maa a ’ma, yé maa wolé we tɔntɔn gi dɔɔ.

Fwile 3:7 ပူးပေါင်းရင်းမြစ်များ

Wepélisiananu 16:11

Gakelebale lé lanje lé a lɛ léé: Bé ye, i bɔn a i ma. I dan né ’ko yaa lɛ gɔné nya. Gakelebale i dére ’ma ilé kleblele gi, bɛwemalé bé tɔ pa Ismaɛl.

Wepélisiananu 18:21

Bɛwemalé maa dan zun lɛ yé we lé maa ’ma an tɔné gi ’ko, dé wo kɛlɛwe a ’bɛ zo webozen nyaa? yé maa a ye; yé dé wo ’ka a kɛla ’bɛ zo loo? yé maa a gi dɔɔ.

Wepélisiananu 21:17

Kazambale né dére ’ma; yé Kazambale lé lanje Agaa laa la gi yé é lé a lɛ léé: Agaa, mɛ léé? Té i kana lo, naa, fɛana lé né ke bɛ, Kazambale a dére ’ma.

Wepélisiananu 29:32

Léa bɔn si yé é né yaa gɔné nya yé é a tɔ pa Rubɛn yé é léé: Gakelebale anlé kleblele ye, yé sin an dan sɔ lɛ an zana lɛ.

Wepélisiananu 31:12

É léé: ’I yara nwa yé bé gini. ’Blagɔnénu faa lé wa vɔna ’blanu ta, wo kɔlɛ nyɔɔ a pɔrɔpɔrɔ valé é vɔɔle valé golegole nya. We faa lé Laban a kɛlɛ i lɛ, maa a ye.

Wepélisiananu 31:42

Dé maa ’ka kɔɔn an ti zé Bale ye lɛ anzé nya lo, ’té é ke Abraam zé Bale nya, ’té Izak kanaan a lee bɛ, ’té i an pa zia an lee koro nya é pla. Kazambale anlé nyanéblele valé an panyanama ye, yé yese é we ble i va.

2 Samuɛl 22:28

Munu lé wo ’wobo kɛla kiéné, i wo sié we gi, Yé i boblɛnzannu zunwo i yuɛ vɔle wo ta nya.

2 Minwiinzannu 13:4

Joakaz zanté vɔ Gakelebale lɛ. Gakelebale a ’ma, naa, nyané lé Siri nwiinzan ke a pana Izraɛl ta, é a ye,

2 Minwiinzannu 20:5

’I diéra, bé fe anlé munu nwiinzan Ézékia lɛ léma: Gakelebale, i tra David lé Bale léma: Maa ilé bazoro dére ’ma, maa i yuɛ’yi ye. Bé ye, maa dan i béli lɛ; a yi yaazan nya i dan go lɛ Gakelebale lé kɔn gi.

Néémi 9:9

I ko tranu lé kleblele ye Éjipiti tɛrɛ la, yé i wolé siaalenu ’ma Wɛyi Sɔɔn sɔnɔ.

Lɛrɛvɔ Sɛbɛ 106:44

É wolé siaalenu ’ma aan wo, É wolé kleblele ye duowo.

Lɛrɛvɔ Sɛbɛ 12:6

Naa, woo yaan wenaané bɔmazannu ta, ’té nyanégyɛzannu éé dunnuan, Amalé sin, Gakelebale léé: Maa nwa, Yé munu lé bélilɔrɔ ke wo ma, maa dan a nya wo lɛ.

Lɛrɛvɔ Sɛbɛ 142:3

Maa an ’namawe faa gi bɔraan a lɛ, Maa anlé kleblele zuo fé a lɛ.

Lɛrɛvɔ Sɛbɛ 145:19

Munu lé woo kanaan a lee, éé wolé blibɔmawenu lɛ sɔɔan, Éé wo siaale maan yé éé wo sié we gi.

Lɛrɛvɔ Sɛbɛ 22:24

Ka lé ka kanaan Gakelebale lee, ’ka a tɔ zin fe. Ka faa lé ka ke Jakɔb kulu nya, ’ka a tɔ zin bɔ. Ka faa lé ka ke Izraɛl kulu nya, ka ma ’é nyɔɔn a ’lɛ.

Lɛrɛvɔ Sɛbɛ 34:4

’I da, ko Gakelebale tɔ kɛlɛ blɛn ma. Kaa faa a tɔ bié ma.

Lɛrɛvɔ Sɛbɛ 34:6

Dé mian nɔla a vazia yé é a nagini, a yara éé soian ginanale nya, Yé yara ’ka a gya yé é ’wuo vɔ é wuo lo.

Lɛrɛvɔ Sɛbɛ 35:22

Gakelebale, ’i wo yé, té i vo é tadɔle lo. Mizan, té i si an ma baa lo.

Lɛrɛvɔ Sɛbɛ 9:14

Gakelebale, i nyanai ’é zén maa ta, An nyanézannu an kɛlɛ nyanaizénlazan nya fɛan zo, bé ye do; ’I an si gale lee,

Fwile 1:11

Yé wo nyanagɔɔnzannu dɔ wo zuo, glanyanama tɔntɔn nɔle wo lɛ we ma. ’Bɛ zo lé wo Pitom valé Ramzɛs pa, Faraɔn lé fɛtadɔ?-?flanu nya.

Fwile 1:8

Minwiinzan dɛrɛ do nwa Éjipiti tɛrɛ la yé ’bɛ ’ka Jozɛfu dɔɔa lo.

Fwile 22:23

Dé i nyané pa wo ta, dé wo da maa va, maa dan tɔné dɔ lɛ wolé siaalenu lɛ;

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Fwile 5:10

Munu lé nyanama taginizannu valé kominu lé munu lɛ léé: Faraɔn léma: Wo ’ka lɔɔ no ka lɛ é dɛrɛ lo;

Fwile 5:6

’Bɛ yi duo nya munu lé nyanama taginizannu valé Izraɛlnu lé wo wo dɔ kominu nya ’wo bwenu zuo, Faraɔn wo bélidɔ léé:

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Kelewenu 7:34

Maa anlé munu lé nyané blele ye Éjipiti tɛrɛ la. Maa wolé dunnule ’ma, yé maa zun wo sile luubale gi we ma. Sin, ’i da yé maa i pa zia Éjipiti tɛrɛ la.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.