Fwile 3:6 - Kazambale lé Sebe Sauunu 1979

⁶ Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 3:6 ပူးပေါင်းရင်းမြစ်များ

Wepélisiananu 12:1

Gakelebale lé Abram lɛ léé: ’I si ilé tɛrɛ la, i lelenu va, ’i si i ti lé kɔn ’léé, yé ’i go tɛrɛ lé maa dan ana gɔɔn lɛ i lɛ, a ta.

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 17:3

Abram dia é bli la yé Kazambale we fe a lɛ yé é léé:

Wepélisiananu 24:12

Yé é léma: Gakelebale, anzan Abraam zé Bale, ilé zanté, we lé an bli bɔ a ma, bé kɛlɛ an lɛ kyɔ ma, yé ’i wezin kɛlɛ anzan Abraam lɛ ma.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 28:17

Kana zén a gi yé é léé: Fɛkona éé kana zén‐é mi gi. Fɛkona lé Bale lé kɔn ke, yé fɛkona lé lanu’léé ke.

Wepélisiananu 31:42

Dé maa ’ka kɔɔn an ti zé Bale ye lɛ anzé nya lo, ’té é ke Abraam zé Bale nya, ’té Izak kanaan a lee bɛ, ’té i an pa zia an lee koro nya é pla. Kazambale anlé nyanéblele valé an panyanama ye, yé yese é we ble i va.

Wepélisiananu 32:9

Jakɔb léé: An ti Abraam zé Bale, an ti Izak zé Bale, Gakelebale, bii a fe an lɛ léé, ’an go anlé tɛrɛ la an yaafla la yé ’é dan wezin kɛlɛ lɛ an lɛ.

1 Minwiinzannu 18:36

Saraka bo bléyi bɔ aan wo, balelayezan Éli bié yé é léé: Gakelebale, Abraam koo, Izak koo, Izraɛl koo, wozé Bale! É a lé wa gi dɔɔ kyɔ léé, bii ɛ ke Bale nya Izraɛl, yé maa a i wuozan nya, yé maa we ’konu faa kɛlɛ i dére ta ma.

1 Minwiinzannu 19:13

Éli a ’ma aan wo é sɔ bua é yara yé é bɔra yé é dɔ gɔmaguru ’léé. Yé bé ye, dére do lé a lɛ léé: Éli, i a mɛ kɛlɛna ’koo?

Néémi 9:9

I ko tranu lé kleblele ye Éjipiti tɛrɛ la, yé i wolé siaalenu ’ma Wɛyi Sɔɔn sɔnɔ.

Esitɛɛ 3:4

Fɛan zo lé wo we ’ko fé a lɛ yi faa do do ma, ’té é ’ka é tɔné dɔa wo lɛ lo, amalé wo we ’ko zuo fe Aman lɛ, léé, dé Maadosé é bɔalɛ é vo we ’ko kɛlɛna yifaama a zoo? yé wa ye. Naa, Maadosé lé wo lɛ léé, ’é a Juifi mi nya, azama.

Lɛrɛvɔ Sɛbɛ 132:2

É Gakelebale ’nyɔɔn, É Jakɔb lé Mi Plɛplɛ ’nyɔɔn, a fele nya léé:

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Fwile 33:20

Gakelebale léé: I ’ka bɔa an yara yele lɛ lo, naa, mi ’ka bɔa an yele lɛ yé é vo é yuɛma lo.

Fwile 4:5

Gakelebale léé: We lé i dan a kɛlɛ lɛ, yee lé ke bɛ, wo dɔle a ta we gi léé, Gakelebale, wo tinu lé Bale, Abraam koo, Izak koo, Jakɔb koo, wolé Bale bɔra i va.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 11:20

léé, ’wo an déretawenu kɛlɛ, yé ’wo anlé bélidɔwenu lɛdɔma yé wa sɔnnénu pa, yé wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Matio 17:6

A zuomunu dére ’ko ’ma aan wo, wo dia ’wo bli la yé kana blɛn zén wo gi.

Matio 22:32

É léé: Abraam koo, Izak koo, Jakɔb koo, maa a wolé Bale nya. Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo.

Maak 12:26

Dé é a gamunu nwale lé we nya, we lé Kazambale a fe Moizi lɛ yiliné kyɛblena, ka ’ka tan a ta fe lɛ Moizi lé sɛbɛ gi loo? É léé: Abraam koo, Izak koo, Jakɔb koo, maa a wolé Bale nya.

WENÉNÉ LÉ LUK A GYE (Évangile selon Luc) 20:37

Yiliné kyɛblele lé we kɛlɛ bléyian va, Moizi a nagɔɔn léé, mi éé nwaan gale va. É Mizambale laa, Abraam lé Bale, Izak lé Bale, Jakɔb lé Bale.

WENÉNÉ LÉ LUK A GYE (Évangile selon Luc) 5:8

Simɔn Piɛri ’bɛ ye aan wo, é ’wuo wɔra Jézu gane wuo yé é léé: Mizan, maa a wenyanékɛlɛzan nya, amalé ’i si an sɔnɔ.

Kelewenu 7:32

yé ’bɛ léé: I tranu lé Bale lé an nya, Abraam koo, Izak koo, Jakɔb koo, wolé Bale lé an nya. Moizi kɔlɛ manyɔɔn yé é ’ka dɔ lɛ a gi léé, é yuɛ vɔ a ta é dɛrɛ lo.

Kelewenu 7:34

Maa anlé munu lé nyané blele ye Éjipiti tɛrɛ la. Maa wolé dunnule ’ma, yé maa zun wo sile luubale gi we ma. Sin, ’i da yé maa i pa zia Éjipiti tɛrɛ la.

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 12:21

Yé we lé é kɛlɛ wo yuɛ va bɛ, é a kana zén migiwe nya fɔɔ yé Moizi léé, ’bɛ kana blɛn valé gligli zén é gi.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Weblezannu 13:22

yé é lé é na lɛ léé: Ko Bale ye, amalé ko dan ga lɛ.