Fwile 3:20 - Kazambale lé Sebe Sauunu 1979

²⁰ Maa dan an bɛ soi lɛ yé maa dan Éjipiti munu bla lɛ, we blɛnblɛnnu gɔnɔ faa lé maa dan a kɛlɛ lɛ wo méléna, wo nya. ’Bɛ zuo é dan daan lɛ ka ma yé ka go.

Fwile 3:20 ပူးပေါင်းရင်းမြစ်များ

Wepélisiananu 15:14

Bɛn lé é dan pla lɛ wo nwiin bɛ, maa dan alé we ble lɛ, yé i kulunu é dan si lɛ ana fua blɛn nya.

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Lɛrɛvɔ Sɛbɛ 105:27

Bale lé plɛplɛ nya lé wo weblɛnblɛnnu kɛlɛ Éjipiti munu va, Yé wo gyɛzorowenu kɛlɛ Sam tɛrɛ la.

Lɛrɛvɔ Sɛbɛ 105:38

Éjipiti munu gi nana wo gole we ma, Naa, wo kana wo lee, azama.

Lɛrɛvɔ Sɛbɛ 106:22

Yé é gyɛzorowenu kɛlɛ Sam tɛrɛ la, Yé é we blɛnblɛnnu kɛlɛ Wɛyi Sɔɔn sɔnɔ, wo gi san a ma.

Fwile 11:1

Gakelebale lé Moizi lɛ léé: Maa dan da lɛ dunuvɔmagyɛ do nya é ziin Faraɔn valé Éjipiti va. ’Bɛ zuo é dan daan lɛ ka ma yé ka si fɛkona. Dé é zi nɔ ka lɛ webozen nya, é dan ka bin lɛ boenwo.

Fwile 12:39

Wo wo bin Éjipiti tɛrɛ la, yé wo ’ka bɔa lɛ léé, wo mɔn lo, yé wo ’ka bɔa lɛ léé, wo go fɛ nya wo lee lo, amalé buruyɔɔ lé wo si Éjipiti tɛrɛ la a nya, ’té wo ’ka tan lévɛn vɔɔ lɛ a va bɛ lo, wa si yé wa kɛlɛ trala nya.

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 13:9

É dan kɛlɛ lɛ i lɛ bélé tɔmase zo i bɛ ta, bélé weseledɔmigifɛ zo i yarapɛla, Gakelebale lé bélidɔwe kɛlɛle i ’léé we gi; naa, Gakelebale ka fwi Éjipiti tɛrɛ la é bɛ plɛplɛ nya.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 15:6

Oo, Gakelebale, i bɛyibɛ ilé plɛplɛ nagɔɔn; Oo, Gakelebale, i bɛyibɛ ko nyanézan ’wii.

Fwile 4:21

Gakelebale lé Moizi lɛ léé: I a gona Éjipiti tɛrɛ la sin, amalé we blɛnblɛnnu lé maa wo bɛ pa i lee, ’i gi bɔrɔ wo ma; i dan wo kɛlɛ lɛ Faraɔn yuɛ va. Yé maa dan a bli kɛlɛ lɛ plɛplɛ, yé é ’ka dan daan lɛ munu ma wo go lo.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Fwile 9:15

Dé é a lé ’é bɛ soi kɔɔn yé é bii valé ilé munu gyɛ, ’té ka ta saan tɛrɛ la.

Ézai 19:22

’Bɛ zo lé Gakelebale é dan Éjipiti munu bla lɛ. É dan wo bla lɛ, naa, é dan wo béli lɛ yé wo dan ’wo péli vɔ lɛ Gakelebale va yé é dan é tɔné dɔ lɛ wo lɛ yé é wo béli.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézékiɛl 20:33

Mizan Gakelebale léma: Maa a é yuɛma. Maa dan pla lɛ ka nwiin an bɛ plɛplɛ valé an bɛ soile nya, ’é valé an wɛwɛ dɔle nya ka ma.

Misé 7:15

Maa dan we blɛnblɛnnu kɛlɛ lɛ ka yuɛ va, bélé fɛan zo lé maa kɛlɛ yian nya lé maa ka si Éjipiti tɛrɛ la, a yi nya, a zo.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 6:22

Gakelebale gyɛzorowenu valé tadanmawe blɛnblɛnnu kɛlɛ ko yuɛ va, Éjipiti tɛrɛ koo, Faraɔn koo, alé kɔngimunu koo, wo lɛ;

Weblezannu 6:8

Gakelebale balelayezan do pa Izraɛl lé nénu lɛ zia. É lé wo lɛ léma: Gakelebale, Izraɛl lé Bale léma: Maa ka bɔra Éjipiti tɛrɛ la yé maa ka si luubale gi.

Weblezannu 8:16

Yé é fla mi segelenu si, yé é we lɛdɔ Sukɔt munu gi bwiléli valé danna nya.