Fwile 3:2 - Kazambale lé Sebe Sauunu 1979

² Gakelebale lé lanje bɔra a va kyɛnéné gi, yiliné méléna. Moizi a nagini; yé bé ye, kyɛ a yiliné blena, ’té a yee ’ka zanaan lo.

Fwile 3:2 ပူးပေါင်းရင်းမြစ်များ

Wepélisiananu 21:17

Kazambale né dére ’ma; yé Kazambale lé lanje Agaa laa la gi yé é lé a lɛ léé: Agaa, mɛ léé? Té i kana lo, naa, fɛana lé né ke bɛ, Kazambale a dére ’ma.

Wepélisiananu 22:11

Yé Gakelebale lé lanje a laa la gi yé é léé: Abraam! Abraam! Yé é léé: Maa lo.

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

Lɛrɛvɔ Sɛbɛ 66:12

Bé kɛlɛ léé, munu é pla ko nwiin; Ko gié kyɛ valé ’yi va, Naa, i ko si we ’konu gi fɛ kiɛre nɔle ko lɛ we ma.

Fwile 19:18

Gakelebale zun kyɛ méléna, amalé kyɛgoi sɔɔla Sinai gɔ ta; kyɛgoi ’ko nwa bélé pɔrɔ bli kyɛgoi zo, ’té gɔ faa ma éé nyɔɔn‐an plɛplɛ.

Fwile 23:20

Bé ye, maa lanje do nwunvɔ i ’lɛ, i takuunle zia we gi, gole we gi i nya fɛana lé maa a ma’lɛrɛ, ana.

Fwile 24:17

Gakelebale lé fuasan lé ke gɔ nwiin, é a Izraɛl lé nénu yuɛ gi bélé kyɛ lé, éé fɛnu blé, a zo.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Daniɛl 3:27

Yé minisinu koo, minwiinzan blɛn bɛgizannu koo, gbɔrɔnamanu koo, we pla minwiinzan lɛzannu koo, wo zén ékeva yé wa ye léé, kyɛ ’ka we do kpen kɛlɛ lɛ munu ’ko kɔlɛ ma lo, yé kyɛ ’ka wo nwiin nwin gɔ do kpen ble lɛ lo, yé wo ma sɔnu kyɛ ’ka ble lɛ lo, yé kyɛ gin boen ’ka wo ma lo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Maak 12:26

Dé é a gamunu nwale lé we nya, we lé Kazambale a fe Moizi lɛ yiliné kyɛblena, ka ’ka tan a ta fe lɛ Moizi lé sɛbɛ gi loo? É léé: Abraam koo, Izak koo, Jakɔb koo, maa a wolé Bale nya.

WENÉNÉ LÉ LUK A GYE (Évangile selon Luc) 20:37

Yiliné kyɛblele lé we kɛlɛ bléyian va, Moizi a nagɔɔn léé, mi éé nwaan gale va. É Mizambale laa, Abraam lé Bale, Izak lé Bale, Jakɔb lé Bale.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

Rom munu 8:3

Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.

Bélidɔwesɛbɛ Fiézan 33:16

Tɛrɛ valé é tafɛnu faa mafɛnu va fɛ zimanu koo, woo lé. Mi lé ébo nagɔɔn yiliné kwɛɛ va, Alé zin ’é vo Jozɛfu gɔnɔ gi ma, Mi lé é ke é plale é bwenu nwiin, ’é vo a gɔnɔ gi ma.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

Weblezannu 13:13

Gakelebale lé lanje lé Manoas lɛ léé: Fɛ faa lé maa a fe lezan lɛ, ’é a faa sɔn.