Fwile 3:18 - Kazambale lé Sebe Sauunu 1979

¹⁸ Wo dan tɔné dɔ lɛ i dére lɛ; yé i dan go lɛ Éjipiti mununwiinzan blɛn va, bii valé Izraɛl mi segelenu nya, yé ka dan a fe lɛ a lɛ léé: Gakelebale, Ébru munu lé Bale bɔra ko va. ’I zi nɔ ko lɛ léé, ’ko yi yaa tawo nyéné la sarakanu bole Gakelebale, kolé Bale lɛ we gi.

Fwile 3:18 ပူးပေါင်းရင်းမြစ်များ

Wepélisiananu 12:1

Gakelebale lé Abram lɛ léé: ’I si ilé tɛrɛ la, i lelenu va, ’i si i ti lé kɔn ’léé, yé ’i go tɛrɛ lé maa dan ana gɔɔn lɛ i lɛ, a ta.

Wepélisiananu 14:13

Yé vlanburuzan do da yé é a zuo fe Ébru mi Abram lɛ. Mi ’ko a é nyanale Mamré lé sɛnéyilinu méléna. Mamré a Amoré mi nya. Yee koo, a bwe Esikɔl koo, a zuané Anɛɛ koo, wonu ɛ gi pa do Abram va.

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 48:3

Jakɔb lé Jozɛfu lɛ léé: Plɛplɛfaazan Bale bɔra an yuɛ va Luz, Kanaan tɛrɛ la, yé é an drɔɔ vo.

2 Minwiinmunu lé Wezuofe Sɛbɛ 30:12

Bale nyanama pa é ziin Juda munu bli gi yé wo bli kɛlɛ do yé dére lé minwiinzan blɛn valé mi segelenu a fe Gakelebale dére yɛrama, yé wo dɔ a ta.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Fwile 17:5

Gakelebale lé Moizi lɛ léé: ’I gié munu ’lɛ, yé ’i go Izraɛl lé mi segelenu nya i va; tawomayili lé i fɛ duun yuu lɛ a nya, ’i goan i lee é ziin, yé ’i tawo.

Fwile 19:1

Wo sile Éjipiti tɛrɛ la zuo moné yaa, Izraɛl lé nénu bɔ Sinai bwi la ’bɛ yi nya.

Fwile 25:22

’Bɛna lé ko dan kee lɛ i nya; maa dan anlé bélidɔwenu faa nɔ lɛ i lɛ Izraɛl lé nénu zé nya, nyanai zé mi la nyanana ta loru, sérubɛnnu lé i wo dɔ wenayefɛ pagikɛsu ta, wo méléna.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Fwile 30:36

Bé pun dɔ yé bé pla wenayefɛ ’lɛ, zén‐ékevasɔkɔn gi, fɛana lé maa valé bii é dan kee lɛ, ana. É dan kɛlɛ lɛ fɛ ’lɛzan baba nya ka lɛ.

Fwile 30:6

I dan balebanna dɔra lɛ, sɔ lé ke wenayefɛ pagikɛsu ’lɛ, a ’lɛ zia, nyanai zén mi la nyanana lé ke wenayefɛ pagikɛsu ta, ’té maa valé bii é dan kee lɛ ana bɛ, a yɛrama.

Fwile 4:1

Moizi lé Bale lɛ léé: ’A, wo ’ka dan bli pa lɛ an lɛ lo, yé wo ’ka dan tɔné dɔ lɛ an dére lɛ lo. Naa, wo dan a fe lɛ léé, Gakelebale ’ka bɔra lɛ i va lo.

Fwile 4:23

É lé i lɛ léé, ’i daan ’é be ma yé ’é é bɔ; dé i ’ka daan a ma lo, ’é dan i be, ilé né vininzan gyɛ lɛ.

Fwile 4:24

Moizi a ta la bléyian va, fɛana lé wo yii, Gakelebale da Moizi va yé é a a va léé, ’é a gyɛ.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Fwile 5:1

’Bɛ zuo Moizi valé Arɔn go Faraɔn va yé wo lé a lɛ léé: Gakelebale, Izraɛl lé Bale léma: ’I daan ’élé munu ma, ’wo go fɛti kɛlɛ nyéné la ’é tɔ bɔle we gi.

Fwile 5:3

Wo léé: Ébrunu lé Bale bɔra ko va. ’I zi nɔ ko lɛ léé, ko yi yaa tawo nyéné la yé ko sarakanu bo Gakelebale lɛ, té é ko gyɛ migyɛgyɛ valé gwɔun nya lo we gi.

Fwile 7:16

yé bé fe Faraɔn lɛ léma: Gakelebale, Ébrunu lé Bale maa nwunvɔ i va, a fele i lɛ we gi léé, ’i daan élé munu ma, yé wo ’é bɔ nyéné lé fɛna. Yé fɔɔ bléyi ’ko va i ’ka tɔné dɔ lɛ lo.

Fwile 8:1

Gakelebale lé é ziin Moizi lɛ léé: Bé fe Arɔn lɛ léé, ’é bɛ valé tawomayili soi yuunu koo, ’yibalenu koo, ’yigurunu koo, wo ta, yé ’é da yolunu nya Éjipiti tɛrɛ la.

Fwile 8:20

Gakelebale a kɛlɛ a zo. Dirimabounu kiɛre kiɛre da Faraɔn valé é wuozannu lé kɔnnu gi, yé dirimabounu Éjipiti tɛrɛ faa sɛrɛ.

Fwile 8:23

Ko dan tawo lɛ yi yaa nyéné la, yé ko dan sarakanu bo lɛ Gakelebale, kolé Bale lɛ ’bɛna, é dan fe lɛ ko lɛ fɛan zo, a zo.

Fwile 9:1

Gakelebale lé Moizi lɛ léé: ’I go Faraɔn va, bé fe a lɛ léma: Gakelebale, Ébrunu lé Bale léma: ’I daan élé munu ma, ’wo go ’é bɔ.

Fwile 9:13

Gakelebale lé Moizi lɛ léé: ’I nwa bladi tutu, yé ’i go Faraɔn va. Bé fe a lɛ léma: Gakelebale, Ébrunu lé Bale léma: ’I daan ’élé munu ma, ’wo go ’é bɔ.

Ézai 64:5

Ko faa tiri a é dɔle, kolé wetegele faa a bélé sɔ tiridɔle zo; yé ko faa ma yuru bélé blalaa zo; kolé wenyané blɛn éé ko sian bélé fu lé.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Mi Nɔnɔle 17:4

’I wo pla zén‐ékevasɔkɔn gi, wenayekɛsu lé maa valé ka éé keeé ana, a ’lɛ.

Jozué 1:17

Ko dan i lɛdɔ lɛ a ma tegele fɛan zo lé ko Moizi lɛdɔama, a zo. Naa, Gakelebale izé Bale ’é kɛlɛ i va ma, fɛan zo lé é kɛlɛ Moizi va, a zo ma.