Fwile 3:16 - Kazambale lé Sebe Sauunu 1979

¹⁶ ’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Fwile 3:16 ပူးပေါင်းရင်းမြစ်များ

Wepélisiananu 1:7

Yé ’yinu lé ke fɛna pla ta loru koo, ’yinu lé ke a wuo koo, Kazambale wo kini ékema yé é wo méléna vo é pla.

Wepélisiananu 21:1

We faa lé Gakelebale a fe Sara lɛ, a sele dɔ Gakelebale gi yé blivolɛdére lé é a fe Sara lɛ léé, é dan a kɛlɛ lɛ é a lɛ sɔɔ.

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Wepélisiananu 48:15

É Jozɛfu drɔɔ vo yé é léé: Bale lé, an tinu Abraam valé Izak tawo a yuɛ va, ’té é ke Bale lé é an pa an yaabléyi va fɔɔ kyɔ, a nya,

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

Lɛrɛvɔ Sɛbɛ 102:21

Luugimunu lé dunnule ’male koo, Munu lé wo dan zamaga wo lɛ, wo vole woboma koo, a we gi.

Lɛrɛvɔ Sɛbɛ 33:18

Bé ye, Gakelebale yuɛ a é dɔle munu lé woo kanaan a lee, wo ta, Munu lé wo bli ke alé zin lɛ, a yuɛ a wo va,

Lɛrɛvɔ Sɛbɛ 8:4

Lanu lé wo ke i bɛnu panyanama nya koo, Moné valé monénénu lé i wo kɛlɛ koo, dé an gi bɔrɔ wolé we ma,

Fwile 1:8

Minwiinzan dɛrɛ do nwa Éjipiti tɛrɛ la yé ’bɛ ’ka Jozɛfu dɔɔa lo.

Fwile 13:19

Moizi go Jozɛfu wɔlɛnu nya é lee; naa, Jozɛfu lé Izraɛl lé nénu lɛ léé, ’wo bale ’nyɔɔn, a fele nya léé: Kazambale é dan bɔra lɛ ka va, yé dé ka fwi ’ko, ’ka go an wɔlɛnu nya fɛkona ma baa.

Fwile 15:14

Munu a maan yé wo kɔlɛ ma éé nyɔɔn‐an: Kana blɛn zén Filisiti munu gi;

Fwile 17:5

Gakelebale lé Moizi lɛ léé: ’I gié munu ’lɛ, yé ’i go Izraɛl lé mi segelenu nya i va; tawomayili lé i fɛ duun yuu lɛ a nya, ’i goan i lee é ziin, yé ’i tawo.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 2:25

Kazambale yuɛ vɔ Izraɛl lé nénu ta, yé a nyanai zén wo ta.

Fwile 24:11

É ’ka é bɛ nwa lɛ Izraɛl lé nénu va mi vabole ma lo. Wo Kazambale ye yé wo fɛ ble yé wo ’yi mini.

Fwile 3:2

Gakelebale lé lanje bɔra a va kyɛnéné gi, yiliné méléna. Moizi a nagini; yé bé ye, kyɛ a yiliné blena, ’té a yee ’ka zanaan lo.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 4:1

Moizi lé Bale lɛ léé: ’A, wo ’ka dan bli pa lɛ an lɛ lo, yé wo ’ka dan tɔné dɔ lɛ an dére lɛ lo. Naa, wo dan a fe lɛ léé, Gakelebale ’ka bɔra lɛ i va lo.

Fwile 4:29

Moizi valé Arɔn go, yé wo Izraɛl lé nénu lé mi segelenu faa zén ékeva.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Fwile 4:5

Gakelebale léé: We lé i dan a kɛlɛ lɛ, yee lé ke bɛ, wo dɔle a ta we gi léé, Gakelebale, wo tinu lé Bale, Abraam koo, Izak koo, Jakɔb koo, wolé Bale bɔra i va.

Matio 26:3

Balebanmunu segelenu valé mi segelenu zén ékeva Balebanmunu ’lɛzan lé wa laama Kaifu, alé gɔrɔ gi.

WENÉNÉ LÉ LUK A GYE (Évangile selon Luc) 1:68

Mizan, Izraɛl zé Bale da élé munu va yé é wo tabo, Amalé a drɔɔ ’é vo ma.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.

Kelewenu 11:30

Yé wa kɛlɛ a zo, yé wa pa Banabas valé Sɔl lee yé ’bɛnu go a nya yé wa nɔ léglizi gi mi segelenu lɛ.

Kelewenu 15:14

An bwenu, ’ka tɔné dɔ an lɛ. Fɛan zo lé Kazambale bɛnnu nagini sin yé é mi lɛ do si wo va yé é ’é tɔ pa wo ma, yee lé Simɔn a fe bɛ.

Kelewenu 20:17

Naa, duowo, bléyian va lé Pɔl a Milɛ é munu pa zia léé, ’wo go Éfɛz léglizi gi mi segelenu laa.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

RUT (Ruth) 1:6

’Bɛ zuo Naomi a ’ma Moab tɛrɛ la léé, Gakelebale da élé munu va yé é fɛblele nɔ wo lɛ, amalé é nwa, yee valé é benu nanu nya, sile Moab tɛrɛ la we gi.