Fwile 3:15 - Kazambale lé Sebe Sauunu 1979

¹⁵ Kazambale lé é ziin Moizi lɛ léé: I dan we fe lɛ ’ko zo Izraɛl lé nénu lɛ, léé: Gakelebale, wo tinu lé Bale, Abraam koo, Izak koo, Jakɔb koo, wolé Bale i nwunvɔ wo va. Yee Gakelebale ɛ ke an tɔ nya lɛɛfaama, ’bɛ ɛ ke an tɔ nya mi kulu é kulu gi.

Fwile 3:15 ပူးပေါင်းရင်းမြစ်များ

Wepélisiananu 24:12

Yé é léma: Gakelebale, anzan Abraam zé Bale, ilé zanté, we lé an bli bɔ a ma, bé kɛlɛ an lɛ kyɔ ma, yé ’i wezin kɛlɛ anzan Abraam lɛ ma.

Minwiinzannu lé Wezuofe Sɛbɛ 16:16

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

Minwiinzannu lé Wezuofe Sɛbɛ 29:18

Gakelebale ko tranu Abraam koo, Izak koo, Izraɛl koo, wolé Bale, ’i bligiwe ’ko valé gibɔrɔle ’ko vo ilé munu bli gi yifaama, yé i wo dɔ gligli i va.

2 Minwiinmunu lé Wezuofe Sɛbɛ 28:9

Gakelebale lé balelayezan do ana mi, wa laama Odɛd. Sunyanu lé wo ke dana wo pa gi Samari, é go wo ’lɛ, yé é lé wo lɛ léma: Gakelebale, ka tranu lé Bale bli fli Judanu ma, amalé é wo pa ka lee yé ka wɛwɛ dɔ wo ma, yé ka wo gyɛ, yé we ’ko bɔ fɔɔ lanu gi.

Lɛrɛvɔ Sɛbɛ 102:12

Anlé yinu a bélé nyanadi furɔ zo, Yé an zɔrɔan bélé lu zo.

Lɛrɛvɔ Sɛbɛ 102:13

Naa, bii Gakelebale, ilé plale mi nwiin glɛ ’ka lo, Yé i tɔ sele a mi kulu faa gi.

Lɛrɛvɔ Sɛbɛ 135:13

Gakelebale, i tɔ ana lɛɛfaama, Gakelebale, i sele a mi kulu é kulunu gi.

Lɛrɛvɔ Sɛbɛ 30:4

Gakelebale, i anboen si gamunu nyanana, Munu lé wo vɔ guru blɛn gi, i an si wo va baa yé i an vo é yuɛma é ziin.

Lɛrɛvɔ Sɛbɛ 30:5

’Kaa‐an, Gakelebale sɔ ka lɛ, ’ka lɛrɛ vɔ a lɛ. É a sauun fɛan zo, dé ’bɛ sele dɔ ka gi, ’ka a tɔ bié a tɔ zin fele nya.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 72:17

A tɔ é dan kɛlɛ lɛ ana yifaama, A tɔ é dan vo lɛ ana bélé yiri mɔnle zo, A tɔ gi lé wo dan wo ke drɔɔ vo lɛ, Yé bɛnnu faa é dan a fe lɛ léé, azé a néné.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 15:3

Gakelebale a gulidanzan lé éé nyana woo, a nya; A tɔ lé Gakelebale.

Fwile 3:13

Moizi lé Kazambale lɛ léé: Maa dan go lɛ Izraɛl munu va yé maa dan a fe lɛ wo lɛ léé: Ka tinu lé Bale maa nwunvɔ ka va. Naa, dé wo a tɔ laa an lee, maa dan a fe lɛ wo lɛ nɔɔ?

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 4:1

Moizi lé Bale lɛ léé: ’A, wo ’ka dan bli pa lɛ an lɛ lo, yé wo ’ka dan tɔné dɔ lɛ an dére lɛ lo. Naa, wo dan a fe lɛ léé, Gakelebale ’ka bɔra lɛ i va lo.

Fwile 4:5

Gakelebale léé: We lé i dan a kɛlɛ lɛ, yee lé ke bɛ, wo dɔle a ta we gi léé, Gakelebale, wo tinu lé Bale, Abraam koo, Izak koo, Jakɔb koo, wolé Bale bɔra i va.

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 26:8

Gakelebaleoo Gakelebale, ko a i lɛbɛnna é ziin, ilé weblebɛ yɛrama. I sele ’é dɔ ko gi, i tɔ lɔrɔ ma lé ko flin‐é.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 63:12

té éé zi gɔɔn‐an Moizi bɛyi lɛ ébo bɛ plɛplɛ nya, é a kyɛɛn? Mi lé é ’yi fén gyɛ wo ’lɛ, tɔ lé a glɛ ’ka lo, a yele we ma,

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 33:2

Gakelebale lé é we ’konu kɛla, é léma: Gakelebale lé éé wenu bɔrɔan é ’wuo gi, ’té éé wo kɛla, yee lé a tɔ ke Gakelebale bɛ, é léma:

Daniɛl 2:23

An tranu lé Bale, maa i tɔ zin fe yé maa i bɔ vɔa léé, i wedɔɔle valé plɛplɛ nɔ an lɛ, yé we lé ko a laa i lee, bé nagɔɔn an lɛ, yé i minwiinzan blɛn lé we yɔɔle gi bɔra ko lɛ.

OZÉ (Osée) 12:5

É buo si lanje va, yé a ’wuo vo a lɛ. É wuvɔ yé é zanté vɔ a lɛ. Jakɔb Bale ye Bétɛl; ’bɛ fɛkona lé Bale we fe ko lɛ.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

Lévinu 24:11

Izraɛl le be ’ko, é Bale sɔnɔ yé é Bale tɔ sauun sɔnɔ. Wo goan Moizi va. Wa bu laama Dibri lu Sélomit; Dan bɛn gi le lé.

Misé 4:5

Dé munu faa a tawona ’wolé bale tɔ gi do do‐oo, naa, ko, ko é dan tawo lɛ Gakelebale kolé Bale tɔ gi, yifaama, a glɛ ’ka lo.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Matio 22:32

É léé: Abraam koo, Izak koo, Jakɔb koo, maa a wolé Bale nya. Dé Kazambale a fe léé, ’é a mi do lé Bale nya, ’té azan a é yuɛma. Dé é gaoo, é a é yuɛma duowo.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

Kelewenu 7:32

yé ’bɛ léé: I tranu lé Bale lé an nya, Abraam koo, Izak koo, Jakɔb koo, wolé Bale lé an nya. Moizi kɔlɛ manyɔɔn yé é ’ka dɔ lɛ a gi léé, é yuɛ vɔ a ta é dɛrɛ lo.

Bélidɔwesɛbɛ Fiézan 1:11

Gakelebale, ka tranu lé Bale, ’é ka fan kiɛre é ziin gɔnɔ wuru soru ma, yé ’é ka drɔɔ vo, é a fe ka lɛ fɛan zo, a zo ma.

Bélidɔwesɛbɛ Fiézan 1:35

Tɛrɛ zin lé maa anbo ’nyɔɔn léé, maa dan a nɔ lɛ wo tranu lɛ, bléyi ’ko vamunu nyané ’ko, wo va mi do kpen ’ka dan ’bɛ tɛrɛ ye lɛ lo,

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.