Fwile 3:14 - Kazambale lé Sebe Sauunu 1979

¹⁴ Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Fwile 3:14 ပူးပေါင်းရင်းမြစ်များ

JOB (Job) 11:7

I bɔa Kazambale lé we wɔlɛ ma yele lɛ Yé i Plɛplɛfaazan dɔɔle ’wuo plaa?

Lɛrɛvɔ Sɛbɛ 68:4

Naa, mi tegelenu gi éé nanaan, woo kɛla a ’wuovolɛzannu nya Bale ’lɛ, Wo gi éé nanaan fɔɔ nɛnɛbole nya.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Fwile 15:3

Gakelebale a gulidanzan lé éé nyana woo, a nya; A tɔ lé Gakelebale.

Fwile 23:21

’I yuɛ pa ibozen va a yara, yé ’i tɔné dɔ a dére lɛ, té i dɔ a ma plɛplɛ lo, naa, é ’ka dan ka ma we vo lɛ lo, an tɔ a a gi, ’bɛzama.

Fwile 3:13

Moizi lé Kazambale lɛ léé: Maa dan go lɛ Izraɛl munu va yé maa dan a fe lɛ wo lɛ léé: Ka tinu lé Bale maa nwunvɔ ka va. Naa, dé wo a tɔ laa an lee, maa dan a fe lɛ wo lɛ nɔɔ?

Fwile 6:2

Kazambale we fe Moizi lɛ é ziin yé é lé a lɛ léé: Maa a Gakelebale nya.

Fwile 6:3

An bɔra Abraam koo, Izak koo, Jakɔb koo, wo va, Plɛplɛfaazan Bale nya; naa, wo ’ka an dɔɔ lɛ anlé Gakelebale tɔ nya lo.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Matio 18:20

Dé é a mi fié nyaoo, dé é a mi yaa nyaoo, fɛana lé woo zén‐é ékeva an tɔ gi, maa ana wo méléna.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LE JAN A GYE (Évangile selon Jean) 8:24

Bɛwemalé maa lé ka lɛ léé, ka dan ga lɛ kalé wenyanénu nya ka lee. Naa, maa a mian nya, dé ka bli ’ka vo lɛ a lɛ léé, maa a ’bɛ nya lo, ka dan ga lɛ kalé wenyanénu nya ka lee.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

WENÉNÉ LE JAN A GYE (Évangile selon Jean) 8:58

Jézu lé wo lɛ léé: Maa fe ka lɛ kyɔ webozen nya, bléyian va lé Abraam ’ka lo, ’té maa ana.

2 Korɛnt Munu 1:20

Naa, wenu lé ’bɛ ke Kazambale lé blivolɛdére faa lé we nya bɛ, yee ɛ ke iin nya Kazambale gi. Bɛwemalé, ko amɛɛn fé Kazambale tɔ bɔle nya alé we ma.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.