Fwile 3:12 - Kazambale lé Sebe Sauunu 1979

¹² Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 3:12 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 15:8

Abram lé a lɛ léé: Anzan, Gakelebale, mɛ fɛ ma lé maa dan a dɔɔ lɛ léé, é dan kɛlɛ lɛ anzé nyaa?

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 31:3

Yé Gakelebale lé Jakɔb lɛ léé: ’I nɔla i tinu lé tɛrɛ la, i yaafla la, yé maa dan kɛlɛ lɛ i va.

2 Minwiinzannu 19:29

We ’ko é dan kɛlɛ lɛ tɔmase nya i lɛ: Lɛɛ ’ko gi, fɛwɔlɛ lé é dia yé é tin é boan, yee lé ka dan a ble lɛ; lɛɛ fiézan gi, fɛ lé éé tin‐é é boan, yee lé ka dan a ble lɛ; naa, lɛɛ yaazan gi, ka dan fɛwɔlɛ nwɛɛn lɛ, ka dan fɛ gyɛ lɛ, ka dan dɔrɔ suru lɛ yé ka dan a poro ble lɛ.

Minwiinzannu lé Wezuofe Sɛbɛ 9:20

yé Éléazaa be Finé a wo zilɛzan nya, yé Gakelebale a a va.

Lɛrɛvɔ Sɛbɛ 86:17

’Ilé zin kɛlɛ an lɛ tɔmase nya, Yé an nyanézannu ’é ’bɛ ye yé yara ’é wo gyɛ. Naa, oo Gakelebale, i bɔa an va yé i an tɔrɔ paan.

Fwile 18:5

Moizi na ti Jétro koo, Moizi benu valé a na koo, wo da fɛana lé wo ke é nyanale bwi gi, ana, Kazambale lé gɔ wuo.

Fwile 3:1

Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Fwile 3:13

Moizi lé Kazambale lɛ léé: Maa dan go lɛ Izraɛl munu va yé maa dan a fe lɛ wo lɛ léé: Ka tinu lé Bale maa nwunvɔ ka va. Naa, dé wo a tɔ laa an lee, maa dan a fe lɛ wo lɛ nɔɔ?

Fwile 33:14

Gakelebale léé: Maabozen é dan go lɛ i va, yé maa dan flinle nɔ lɛ i lɛ.

Fwile 4:12

Amalé ’i go, maa dan kɛlɛ lɛ i nɛnɛ va yé we lé i dan a fe lɛ maa dan a paa lɛ i gi.

Fwile 4:15

I dan we fe lɛ a lɛ yé i dan dérenu pa lɛ a ’léé; yé maa dan kɛlɛ lɛ i ’léé valé a ’léé va, yé we lé ka dan a kɛlɛ lɛ, maa dan a paa lɛ ka gi.

Fwile 8:27

We lé Moizi a laa, Gakelebale a kɛlɛ; dirimabounu si Faraɔn koo, é wuozannu koo, élé munu koo, wo ma baa. A do kpen ’ka vo lɛ lo.

Ézai 37:30

We ’ko é dan kɛlɛ lɛ tɔmase nya i lɛ: Lɛɛ ’ko gi, fɛwɔlɛ lé é dia yé é tin é boan, yee lé ka dan a ble lɛ; lɛɛ fiézan gi, fɛ lé éé tin‐é é boan, yee lé ka dan a ble lɛ; naa, lɛɛ yaazan gi, ka dan fɛwɔlɛ nwɛɛn lɛ yé ka dan fɛ gyɛ lɛ, ka dan dɔrɔ suru lɛ yé ka dan a poro ble lɛ.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 43:2

Dé i a ’yi kinina, maa dan kɛlɛ lɛ i va; Dé i a yuunu kinina, wo ’ka dan i mini lɛ lo; Dé i tawo kyɛ va, i kyɛ ’ka dan ble lɛ lo, Kyɛnɛnɛ ’ka dan vɔ lɛ i ma lo.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 1:8

Té i kana wo lee pelo, naa, maa a i va, i ta béli dɔle we ma. Maa Gakelebale ɛ fe.

Mi Nɔnɔle 16:28

Moizi léé: We ’ko ma lé ka dan a gi dɔɔ lɛ léé, Gakelebale an nwunvɔ we ’konu faa kɛlɛle we gi; maa ’ka wo kɛlɛna anbo ’wuo gi lo.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Maak 16:20

Yé wo go Bale lé we fe lɛ fɛfaana. Mizan vo nyanama pana wo va, yé é dére dɔ gligli gyɛzorowenu lé wa kɛlɛna, wo nya.

Kelewenu 11:21

Mizambale bɛ zin a wo ta yé munu kiɛre dɔ wo dére ta, yé ’bɛnu nɔla Mizan va.

Kelewenu 7:7

Naa, Kazambale léé, bɛn lé ’bɛnu é dan pla lɛ wo nwiin, ’é dan ’bɛnu lé we ble lɛ. ’Bɛ zuo, wo dan fwi lɛ ’bɛna yé wo dan ’é bɔ lɛ yee tɛrɛ ’ko la.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Weblezannu 6:12

Gakelebale lé lanje bɔra a va yé é léé: Gakelebale a bii, nyanazan baba, va.

Weblezannu 6:16

Gakelebale lé a lɛ léé: Naa, maa dan kɛlɛ lɛ i va, yé i dan Madiannu gyɛ lɛ bélé mi do zo.

Weblezannu 6:17

Jédéɔn lé a lɛ léé: Dé maa i yuɛi bɔ, ’i tɔmase do kɛlɛ an lɛ a gɔɔnle we gi léé, bii ɛ we fe an lɛ.

Weblezannu 6:21

Yé é a kɛlɛ a zo. Tawomayili lé ke Gakelebale lé lanje lee, é a soi, yé é a ’léé zun wi valé burunu lé lévɛn ’ka a va lo, wo ma. Yé kyɛ bɔra gɔlɛ gi yé wi valé buru lé lévɛn ’ka a va lo, é wo ble. Yé Gakelebale lé lanje ta san a yuɛ va.

Weblezannu 7:11

We lé wo dan a fe lɛ i dan a ’ma lɛ yé ’bɛ zuo i bɛ é dan dɔ lɛ plɛplɛ, amalé ’i zun sɔkɔndɔna. É zun é wuozan Pura nya é va fɔɔ yé é bɔ sɔkɔn vinin ma.

1 Samuɛl 14:10

Naa, dé wa fe léé: ’Ka da ko va, ’té Gakelebale wo pa ko lee, amalé ko dan go lɛ wo va. ’Bɛ é dan kɛlɛ lɛ tɔmase nya ko lɛ.