Fwile 3:10 - Kazambale lé Sebe Sauunu 1979

¹⁰ Sin, ’i go, maa dan i nwunvɔ lɛ Faraɔn va, yé i dan anlé munu Izraɛl lé nénu si lɛ Éjipiti tɛrɛ la.

Fwile 3:10 ပူးပေါင်းရင်းမြစ်များ

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

Wepélisiananu 15:14

Bɛn lé é dan pla lɛ wo nwiin bɛ, maa dan alé we ble lɛ, yé i kulunu é dan si lɛ ana fua blɛn nya.

Lɛrɛvɔ Sɛbɛ 105:26

É ’é wuozan Moizi nwunvɔ, Yee valé Arɔn lé, é a si a va, a nya.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Fwile 12:40

Izraɛl lé nénu nyana Éjipiti tɛrɛ la lɛɛ wuru fié yɔ do wɔlɛ vu.

Fwile 12:41

Lɛɛ wuru fié yɔ do wɔlɛ vu lɛ sɔɔ aan wo, a lɛsɔɔyi nya ’té lé, Gakelebale munu si Éjipiti tɛrɛ la bélé sunyanu palunu zo;

Fwile 33:12

Moizi lé Gakelebale lɛ léé: Maa léma: bii lé an lɛ léé, ’an go munu ’ko nya. Yé dé i dan mi kyɛn pa lɛ an vaa? i ’ka a fe lɛ an lɛ lo, dɔlé té bé fe léé, ’é an dɔɔ an tɔ nya, yé ’é an ye mi zin nya ’é yuɛi.

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Fwile 6:26

Arɔn valé Moizi ’ko lé Gakelebale wo bélidɔ a fele nya léé: ’Ka Izraɛl lé nénu si Éjipiti tɛrɛ la wolé sunyanu palu yɛrama.

OZÉ (Osée) 12:13

Jakɔb vɔ fli gi yé é go Aram tɛrɛ la. Izraɛl nyanama pa le lé we ma, yé é trubɛ tabin le lé we ma.

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Kelewenu 7:34

Maa anlé munu lé nyané blele ye Éjipiti tɛrɛ la. Maa wolé dunnule ’ma, yé maa zun wo sile luubale gi we ma. Sin, ’i da yé maa i pa zia Éjipiti tɛrɛ la.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Kelewenu 7:6

Kazambale lé a lɛ léma: I kulu é dan nyana lɛ tɛrɛ bɛ la; yé wo dan kɛlɛ lɛ ’bɛna munu lé luu nya, yé ’bɛnu é dan kle pa lɛ wo ta lɛɛ wuru fié.

Kelewenu 7:7

Naa, Kazambale léé, bɛn lé ’bɛnu é dan pla lɛ wo nwiin, ’é dan ’bɛnu lé we ble lɛ. ’Bɛ zuo, wo dan fwi lɛ ’bɛna yé wo dan ’é bɔ lɛ yee tɛrɛ ’ko la.

Weblezannu 6:14

Gakelebale nɔla a va yé é léma: ’I go, plɛplɛ ’ko lé ke i lee, a nya, yé ’i Izraɛl si Madian lee; maa ’ka i pa lɛ zia loo?

1 Samuɛl 12:6

Yé Samuɛl lé munu lɛ léé: Gakelebale ɛ Moizi valé Arɔn dɔ gligli yé é ko tinu si Éjipiti tɛrɛ la.

1 Samuɛl 12:8

Jakɔb dale Éjipiti tɛrɛ la zuo, ka tinu siaa Gakelebale lɛ, yé Gakelebale Moizi valé Arɔn pa zia yé wo ka tinu si Éjipiti tɛrɛ la yé wo wo nyana fɛkona.