Fwile 3:1 - Kazambale lé Sebe Sauunu 1979

¹ Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Fwile 3:1 ပူးပေါင်းရင်းမြစ်များ

1 Minwiinzannu 19:19

Éli si ’bɛna yé é Safat be Élizé ye, ’té éé nyanama paan. Dirigɔné fié fié a a ’lɛ vu ta fié, ’té yee ɛ ke a vu ta fiézan va. Éli bié a va yé élé sɔ zén a ta.

1 Minwiinzannu 19:8

É nwa, é fɛ ble yé é fɛ mini; yé plɛplɛ lé fɛblele ’ko a nɔ a lɛ, a nya lé é tawo yiéyi yɔ fié valé béli yɔ fié fɔɔ yé é bɔ Bale lé gɔ Orɛb ma.

Lɛrɛvɔ Sɛbɛ 106:19

Wo diriné kɛlɛ Orɛb gɔ ma, Wo dia ’wo bli la kyan diriné ’ko ’lɛ.

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 19:11

’Wo ’wo ma’lɛrɛ yi yaazan lé we ma ma; naa, a yi yaazan nya, maa Gakelebale é dan zun lɛ munu faa yuɛ va Sinai gɔ nwiin.

Fwile 19:2

Wo si Réfidim aan wo, wo bɔ Sinai bwi la yé wo sɔkɔnnu dɔ bwi la; Izraɛl nyana ’bɛna, gɔ ’ko yara.

Fwile 19:3

Moizi gɔ gié Kazambale vazia, yé Gakelebale a laa gɔ nwiin yé é léé: ’I we fe Jakɔb lé munu, Izraɛl munu lɛ léma:

Fwile 2:16

Madian balebanzan lunu a sɔrafié. Wo da ’yi tɔ lɛ yé wa zén winu lé ’yiminifɛ gi wo ti lé trubɛnu lé ’yi minile we ma.

Fwile 2:18

Wo nɔla ’wo ti Réuɛl va aan wo, é léé: Mɛmalé ka da é kele kyɔɔ?

Fwile 2:21

É dɔ Moizi gi léé, ’é nyanaan gɔné ’ko va, yé é nyana a va. Yé ’bɛ é lu Séfora nɔ a lɛ a na nya.

Fwile 24:13

Moizi nwa, ’té Jozué lé, ’bɛ alé nyanama paan, ’té ’bɛ a a va, yé Moizi Kazambale lé gɔ gié.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 3:5

Kazambale léé: Té i bié ’ko lo, fɛana lé i ke é dɔle bɛ, ana tɛrɛ a é tinle, amalé ’i sawala si i gane ma.

Fwile 33:6

Bléyian va lé Izraɛl lé nénu si Orɛb gɔ ma, ’bɛ bléyi va wo ’wo ’lɛrɛfɛnu si ’wo ta.

Fwile 4:18

Moizi go; é bɔ é na ti Jétro va aan wo, é lé a lɛ léé: Ilé zanté, ’i zi nɔ an lɛ, an go an bwenu lé ke Éjipiti tɛrɛ la, wo va, yé dé wa é yuɛmaa? yé maa ye. Jétro lé Moizi lɛ léé: ’I go drɔɔ.

Fwile 4:27

Gakelebale lé Arɔn lɛ léé: ’I go Moizi va nyéné saa lé fɛna. Arɔn go; wo kee Moizi nya Bale lé gɔ ma, yé é a tuu gyɛ.

Amɔs 1:1

Trubɛ tabinmunu lé wo ke Tékoa, wo vazan do lé wa laama Amɔs, é Izraɛl lé we ye yuɛzi gi Juda nwiinzan blɛn Ozias valé Izraɛl munu nwiinzan blɛn Joas be Jéroboam bléyi va, ’té é vo lɛɛ fié yé tɛrɛ ma é nyɔɔn.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Mi Nɔnɔle 10:29

Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

Mi Nɔnɔle 10:33

Wo si Gakelebale lé gɔ nwiin yé wo tawo yi yaa. Gakelebale lé gipawe pagikɛsu go wo ’lɛ. Wo tawo yi yaa wo nyanana naginile we ma.

WENÉNÉ LÉ LUK A GYE (Évangile selon Luc) 2:8

’Bɛna mi, ’blatabinzannu éé yiié féi, yuɛpale wolé trubɛnu va we gi é béli.

Kelewenu 7:30

’Bɛ zuo lɛɛ yɔ fié, lanje do da a va Sinai gɔ lé bwi la, yiliné lé kyɛ ke a blena, alé kyɛnɛnɛ gi.

Bélidɔwesɛbɛ Fiézan 1:2

Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Bélidɔwesɛbɛ Fiézan 1:6

Gakelebale, kolé Bale lé kaa lɛ Orɛb a yi la léé, kaa nyanale gɔ ’ko ma sɔ.

Bélidɔwesɛbɛ Fiézan 4:10

Yian nya lé ka dɔ Gakelebale, kalé Bale ’lɛ Orɛb, a sele ’é dɔ ka gi ma; ’bɛ yi la lé Gakelebale lé an lɛ léé, ’maa munu zén ékeva ’é sɔnɔ. É a a va léé, wo ’é dére ’ma, yé wo kanale ’é lee gi dɔɔ wolé tɛrɛla faa gi, yé wo ’é dérenu paa wolé nénu gi; a sele ’é dɔ ka gi ma.

Weblezannu 4:11

Kéni mi Éébɛɛ si Kéni munu va yé élé sɔkɔn dɔ Sanaim sɛnéyili wuo, Kédɛs sɔnɔ. Kéninu a Moizi na ti Obab kulunu nya.

1 Samuɛl 16:11

Yé Samuɛl lé Izai lɛ léé: I benu faa lé ke ’koo? Yé é léé: É vo a voélazan nya, naa, é a ’blanu tabinna. Yé Samuɛl lé Izai lɛ léé: ’I mi pa zia a laana, naa, ko ’ka dan nyana lɛ fɛ zi lo fɔɔ ’té é da é wo.