Fwile 29:9 - Kazambale lé Sebe Sauunu 1979

⁹ I dan kyɛsidi dɔ lɛ Arɔn valé é benu gyɛn, yé i dan sɔkoro wo lɛ Arɔn benu ’wuo ma. Balebannyanama a wozé nya bélidɔwe lé a glɛ ’ka lo, a yɛrama. ’Bɛ zo lé i dan Arɔn valé é benu bɛ pa lɛ Bale banle ta.

Fwile 29:9 ပူးပေါင်းရင်းမြစ်များ

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Fwile 28:1

’I bwe Arɔn valé é benu bié i va, yé ’i wo si Izraɛl lé nénu méléna, yé ’i bɛ pla wo ta wo kɛlɛle balebannyanama pazannu nya an ’lɛ we ma; Arɔn valé é benu Nadab koo, Abiu koo, Éléazaa koo, Itamaa koo, woo lé.

Fwile 32:29

Moizi léé: ’Kabo nɔ Gakelebale lɛ kyɔ, dé é a i be nyaoo, dé é a i bwe nyaoo, ’ka a gyɛ, yé é dan ka drɔɔ vo lɛ kyɔ.

Fwile 40:15

yé i dan nyɔnɔ zén lɛ wo ta, i nyɔnɔ zén wo ti ta fɛan zo, a zo, wolé balebannyanama pale an lɛ we gi. Nyɔnɔ zénle wo ta ’ko, ’bɛ é dan balebannyanama pale kɛlɛ lɛ wo kulunu zé nya sɔbɛla we nya lɛɛfaama, a glɛ ’ka lo.

Lévinu 8:1

Gakelebale we fe Moizi lɛ yé é léma:

Lévinu 8:13

Moizi Arɔn benu bié; é varɔ bɛ grɔgrɔ zén wo ta, yé é bɔn‐in kunsɔ dɔ wo bɔn‐in, yé é sɔkoro wo wo ’wuo ma, Gakelebale a fe Moizi lɛ fɛan zo, a zo.

Lévinu 8:33

Yi sɔrafié gi, té ka si zén‐ékevasɔkɔn ’léé lo, fɔɔ yé ka bɛ pale balebanle ta yinu lɛ é sɔɔ; naa, ka bɛ pale balebanle tawe a yi sɔrafié we nya.

Mi Nɔnɔle 16:10

É ka bié ’é sɔnɔ, bii valé i bwenu faa lé, ka ke Lévinu nya, wo nya, yé ka bli bɔ é ziin balebannyanama maa?

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

Mi Nɔnɔle 16:40

É a we sele dɔ Izraɛlnu gifɛ nya, léé, munu lé wo ’ka Arɔn bɛn gi munu nya lo, té wo va mi do kpen é bié Gakelebale banle lasikɔrɔ nya we ma lo; té wolé we é kɛlɛ bélé Koré valé é vamunu zé zo lo we ma, we lé Gakelebale a fe Moizi lɛ, a yɛrama.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Mi Nɔnɔle 25:13

É dan kɛlɛ lɛ gipawe lé a glɛ ’ka lo, a nya, yee valé é kulunu zé nya lɛɛfaama. É ’élé Bale lɛi maawo, azama, yé é Izraɛlnu lé wenyané ’yibo.

Mi Nɔnɔle 3:10

’I Arɔn valé é benu dɔ wolé balebannyanama pale we ma. Yé bɛn lé é bié wo ma, ’wo ’bɛ gyɛ yé ’é ga ma.

Bélidɔwesɛbɛ Fiézan 18:5

wo lé Gakelebale, kalé Bale a si a va ka bɛnnu faa gi, nyanama pale Gakelebale tɔ gi we ma, wo valé ’wo benu nya, yifaama.

Ébrunu 5:10

Yé Kazambale bozen a dɔ Balebanmunu ’lɛzan nya Mɛlkizédɛk dɔbɛ yɛrama.

Weblezannu 17:5

Bale lé kɔn do a Mika ’ko lee. É éfɔdi valé térafimnu kɛlɛ yé é be do pa é yɛrama yé ’bɛ kɛlɛ a lɛ balebanzan nya.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.