Fwile 29:41 - Kazambale lé Sebe Sauunu 1979

⁴¹ ’I ’blané fiézan nɔ nyanadi yiri zɔrɔ nya, yé baleblan valé saraka bo’yi lé bé nɔ bladi, ’i yee duo nɔ ’blané fiézan va; saraka lé kyɛ a blé, ’té a gin sɔ Gakelebale lɛ, yee lé.

Fwile 29:41 ပူးပေါင်းရင်းမြစ်များ

1 Minwiinzannu 18:29

Yiéyi gié aan wo, wo vo balelawe fena fɔɔ yé Bale lé saraka bobléyi bɔ. Naa, dére koo, we zi pale koo, tɔné dɔle tɔmase koo, a do kpen ’ka kɛlɛ lɛ lo.

1 Minwiinzannu 18:36

Saraka bo bléyi bɔ aan wo, balelayezan Éli bié yé é léé: Gakelebale, Abraam koo, Izak koo, Izraɛl koo, wozé Bale! É a lé wa gi dɔɔ kyɔ léé, bii ɛ ke Bale nya Izraɛl, yé maa a i wuozan nya, yé maa we ’konu faa kɛlɛ i dére ta ma.

2 Minwiinzannu 16:15

Minwiinzan blɛn Akaz lé Balebanzan Uri lɛ léma: Balebanwi lé wa kyɛ blé bladi, é valé nyanadi bale blan koo, wi lé minwiinzan blɛn a no a kyɛblele we ma valé alé bale blan koo, wi lé tɛrɛ ’ko la munu faa a no wo kyɛblele we ma, é valé wolé bale blannu koo, ’i wo kyɛ ble balebanna blɛn ta, yé ’i wolé baleban’yinu zana ’bɛna, yé balebanwi lé wa kyɛ blé, ’i ’bɛ faa nyɛ valé sarakabowi faa nyɛ nwɛɛn ’bɛna; dé é a balebanna lé wa kɛlɛ zéné nya, ’bɛ lé we nya, maa ’bɛ kɛla.

2 Minwiinmunu lé Wezuofe Sɛbɛ 2:3

Salomɔn munu nwunvɔ Tii munu nwiinzan blɛn Uram va, a fele a lɛ we gi léé: I sɛdrɛyilinu pa an ti David lɛ zia léé, ’é nyanaagikɔn dɔ a nya fɛan zo bɛ, ’i anzé kɛlɛ a zo ma.

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Fwile 12:6

Ka dan yuɛ pa lɛ a va fɔɔ yé moné ’ko yi vu ta ziɛnzan é bɔ; Izraɛl munu faa é dan ’wozé gyɛ lɛ nyanadi yiri zɔrɔ nya.

Fwile 29:40

’I burupun zima si suoné nya do, yé bé vɔɔ ɔlivi wɔlɛnu lé wa zɔn, a nyɔnɔ litré do nya, yé i dɔrɔ litré do si saraka bo’yi nya, yé ’i da wo fiénu nya yé ’i ’bɛ valé ’blané vininzan nɔ ékeva.

Fwile 29:42

Balebanwi lé wa kyɛ blé, ’té a nɔle glɛ ’ka lo, ’té ka kulunu é kulunu é dan a nɔ lɛ zén‐ékevasɔkɔn ’léé, Gakelebale ’lɛ, yee lé ke bɛ; ana lé maa valé ka é dan kee lɛ yé maa dan we fe lɛ ka lɛ.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.