Fwile 29:18 - Kazambale lé Sebe Sauunu 1979

¹⁸ ’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Fwile 29:18 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Maak 12:33

yé a lɔrɔ pale i bli faa koo, ilé gibɔrɔle faa koo, i boen faa koo, ilé plɛplɛ faa koo, wo nya, é valé i bɔluzan lɔrɔ pale bélé biibozen zo, a fila vɔ é mini balebanwi lé wa kyɛ blé, ’bɛ valé saraka bole faa ta.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Lɛrɛvɔ Sɛbɛ 50:8

Kalé sarakanu bole ma‐an an we pla ka lɛ yara tɔntɔn nya lo; Kalé balebanwi lé wa kyɛ blé, a gini a an gi yifaama.

1 Minwiinzannu 18:38

Yé Gakelebale lé kyɛ dia yé diriwi koo, kyɛ yilinu koo, gɔlɛnu koo, tɛrɛ koo, é wo ble, yé ’yi lé ke guru gi, é ’bɛ béli.

1 Minwiinzannu 3:4

Minwiinzan go Gabaɔn Bale banle we gi, naa, é a gɔnwiin balebannanu va balebanna segele nya. Balebanwi lé wa kyɛ blé, Salomɔn a wuru soru nɔ balebanna ta.

1 Samuɛl 7:9

Samuɛl nyɔ ma ’blané si yé é a kyɛ ble Gakelebale lɛ é ta lé é kɔn‐an. É siaa Gakelebale lɛ Izraɛl lé we ma, yé Gakelebale a ’ma.

Lévinu 9:24

Kyɛ si Gakelebale va yé é balebanwi valé winyɔnɔ ble balebanna ta. Munu faa ’bɛna ye; yé wo siaa ginanale nya, yé wo dia ’wo yara.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Fwile 29:25

’Bɛ zuo yé bé si wo lee, yé bé kyɛ ble balebanna ta, wi lé wa kyɛ blé, a ta loru; saraka lé kyɛ a blé Gakelebale ’lɛ, ’té a gin sɔ Gakelebale lɛ, yee lé.

Wepélisiananu 22:13

Abraam é yara nwa yé é ’blagɔné do ye é zuo, ’té a béli fié a é kuale yiliné ma; yé Abraam go yé é ’blagɔné si yé é a kyɛ ble Bale blan nya é be pa gi.

Wepélisiananu 22:7

Yé Izak lé é ti Abraam lɛ léé: An ti. Yé ’bɛ léé: An be, maa lo. Yé Izak léé: Kyɛléékyɛ valé kyɛdin a ko lee ’ko, naa, ’blané lé wa kyɛ blé, é a kyɛɛn?

Wepélisiananu 22:2

Yé Kazambale léé: ’I be si; i be wɔlɛ do kpen lé é ke Izak nya, ’té é sɔ i lɛ é baba bɛ, bé si yé ’i goan Morija tɛrɛ la yé gɔnu va gɔ do lé maa dan a gɔɔn lɛ i lɛ, bé kyɛ ble an lɛ blɛ nya a nwiin.

Fwile 29:17

’I ’blagɔné wi kini yé bé bun‐annu valé a ganenu zuru, yé ’i wo pla wi kurunu valé a ’wuo ta.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 8:21

É a bun‐annu valé a mɛnnu ma saa, yé é ’blagɔné faa kyɛ ble balebanna ta; balebanwi lé wa kyɛ blé, yee lé; saraka lé wa kyɛ ble, ’té Gakelebale a gin sié néné, yee lé, Gakelebale a fe Moizi lɛ fɛan zo, a zo.

Wepélisiananu 8:20

Noé bale banna do dɔ. É wi kenu si wi zinzinnu faa va, yé é miané kenu si miané zinzinnu faa va, yé é wo kyɛ ble Bale zé nya, balebanna ta.