Fwile 28:2 - Kazambale lé Sebe Sauunu 1979

² I dan i bwe Arɔn lé balelasɔnu kini lɛ, a segele gɔɔnle valé a ’lɛrɛle we ma.

Fwile 28:2 ပူးပေါင်းရင်းမြစ်များ

JOB (Job) 40:10

I ’ka bolu yé loo? Maa vole é yuɛma nɔ a lɛ bélé bii zo. Éé lu blé bélé diri zo.

Lɛrɛvɔ Sɛbɛ 132:16

Maa dan Siɔn Balebanzannu kɛlɛ lɛ sile we gi zanadɔɔzannu nya, Yé alé yarapawelazannu wo dan siaa lɛ ginanale nya.

Lɛrɛvɔ Sɛbɛ 132:9

Ilé Balebanzannu, ’wo we tegele zén ’wo ta bélé varɔ zo ma, Yé ilé yarapawelazannu ’wo siaa ginanale nya ma,

Lɛrɛvɔ Sɛbɛ 149:4

Naa, Gakelebale lé munu sɔ ’é lɛ, Wenaanébɔmazan tɔ é dan vɔ lɛ munu va, Bale lé wo bélile we ma.

Lɛrɛvɔ Sɛbɛ 96:6

Zevɔfɛ blɛnblɛnnu a kolé Bale blɛɛn zi, Fuasan alé kɔn sauun nɔnɔmi fan.

Fwile 28:40

Varɔ bɛ grɔgrɔnu koo, bɔn‐in kunsɔnu koo, sɔ koronu koo, i dan wo kɛlɛ lɛ Arɔn benu zé nya, wo segele gɔɔnle valé wo ’lɛrɛle we ma.

Fwile 29:28

Wa Arɔn valé é benu zé nya, bélidɔwe lé a glɛ ’ka lo, a yɛrama; é a lé Izraɛl lé nénu ’é tawo bélidɔwe ’ko ta, naa, nwale valé tuale blan lé; bɔvɔ sarakanu lé Izraɛl lé nénu a boo, wo va saraka lé ke a nwale valé a tuale blan nya, é a Gakelebale zé nya.

Fwile 31:10

nyanama pa varɔnu koo, Balebanzan Arɔn lé balelasɔnu koo, sɔnu lé Arɔn benu a zén‐é ’wo ta balebannyanama pale we ma koo,

Fwile 40:13

I dan balelasɔ zén lɛ Arɔn ta, i dan nyɔnɔ zén lɛ a ta, yé i dan i bɛ pla lɛ a ta, alé balebannyanama pale an lɛ we gi.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 52:1

Siɔn munu, ’ka vuo‐oo, ’ka vuo. ’Ka ’lɛrɛfɛ zén ka ta é ziin. Fla sauun Jérusalɛm, ’ka fɛtikɛlɛ?-?varɔ zén ka ta. Naa, mi lé a gane ’ka é dɔle lo, ’bɛ valé mi tiridɔle ’ka dan wɔra lɛ i va é dɛrɛ lo.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

Ézai 64:6

Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

Lévinu 8:30

Fɛ’lɛdɔ nyɔnɔ koo, nyɛ lé ke balebanna ta koo, Moizi wo si, yé é wo nwɛɛn Arɔn valé élé sɔnu koo, Arɔn benu valé wolé sɔnu koo, wo ta; yé Arɔn valé ’élé sɔnu koo, Arɔn benu valé ’wolé sɔnu koo, Moizi wo ’lɛ dɔ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Galasi munu 3:27

Ka faa lé wo ka batizéwo Krist gi, ka Krist zén ka ta sɔ zo.

Ébrunu 2:9

Fɛ lé ko yé, yee lé ke Jézu nya. Jézu kɛlɛ kiéné é mini lanjenu ta bléyi sɛ nya, yé sin ko a yé, ’té fuasan valé tɔbɔle a a lee, plale mi nwiin tɔmase nya, ga lé é a wo, a we ma. Kazambale lé zin nya lé é mi faa gi ga wo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

2 Piɛri 1:17

Naa, é tɔbɔle valé fuasan ye Tibale va, bléyian va lé dére do si fuasan blɛn va, a bléyi va, yé é léé: Mi ’ko a an Be lé, é sɔ an lɛ é baba, a nya; anlé sɔlɛle faa a yee ɛ ta.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

Wegɔɔnle 19:8

yé wa se kɛlɛ lezan lɛ léé, ’é lɛnsɔ zima nyananyana gibɔle zén ’é ta. Naa, lɛnsɔ a Kazambale lé munu kɛlɛwe tegelenu nya.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.