Fwile 25:8 - Kazambale lé Sebe Sauunu 1979

⁸ Wo dan anlé kɔn dɔ lɛ yé maa dan nyana lɛ wo méléna.

Fwile 25:8 ပူးပေါင်းရင်းမြစ်များ

1 Minwiinzannu 6:13

maa dan nyana lɛ Izraɛl lé nénu méléna yé an ’ka dan daan lɛ anlé munu Izraɛl ma monomono lo.

Minwiinzannu lé Wezuofe Sɛbɛ 22:19

Amalé sin, ’ka Gakelebale kalé Bale nagini ka bli faa valé ka boen faa nya; ’ka nwa, ’ka fɛna sauun dɔ Gakelebale lɛ, Gakelebale lé gipawe pagikɛsu koo, balelanyanama pafɛnu koo, yé ka da wo nya kɔn lé ka dan a dɔ lɛ Gakelebale tɔ gi, a gi.

Fwile 15:17

I dan go lɛ wo nya yé i dan wo nyana lɛ, gɔ lé i dan a nɔ lɛ wo lɛ wozé tɔnɔ nya, a nwiin, Fɛ lé bé na kɛlɛ i nyanana nya, ana, oo Gakelebale, Fɛna sauun lé bé kɛlɛ, ana, oo Mizan.

Fwile 15:2

Gakelebale a anlé plɛplɛ nya, yé yee ɛ tɔ zin lé maa a fé; Yee ɛ an si we gi. É a anlé Bale nya; maa dan a kɛlɛ lɛ blɛn; É a an ti lé Bale nya; maa dan a tɔ bié lɛ.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Fwile 29:46

Wo dan a gi dɔɔ lɛ léé, maa a Gakelebale nya, wolé Bale lé é wo si Éjipiti tɛrɛ la nyanale wo va we ma, a nya. Maa a Gakelebale, wolé Bale nya.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézékiɛl 37:26

Maa dan an gi pa lɛ wo va do, wo vole drɔɔ we ma, yé gipawe lé éé voo ana lɛɛfaama, maa dan a kɛlɛ lɛ wo va. Maa dan wo suni wɔra lɛ, yé maa dan wo fan lɛ, yé maa dan anlé fɛna sauun dɔ lɛ wo méléna lɛɛ faa zé nya.

Ézékiɛl 37:28

Dé maa anlé fɛna sauun dɔ wo méléna bléyi faa zé nya, ’bɛ bléyi va, bɛnnu é dan a gi dɔɔ lɛ léé, Gakelebale lé éé Izraɛl munu paan é yɛrama, maa a a nya.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Lévinu 10:4

Yé Moizi Arɔn ti bwe Uziɛl benu, Misaɛl valé Elsafan laa, yé é lé wo lɛ léé: ’Ka bié, ’ka bwenu gale si fɛna sauun ma baa, yé ’ka go wo nya sɔkɔn dɔna gini ma.

Lévinu 21:12

Té é si fɛna sauun na lo, té ’élé Bale lé fɛna sauun kɛlɛ fɛna pla nya lo; naa, alé Bale ’lɛnyɔnɔ a a nwiin bélé tɔkoro zo. Maa a Gakelebale nya.

Lévinu 26:11

Maa dan nyana lɛ ka va yé maa ’ka dan serele bo lɛ ka ma lo.

Lévinu 4:6

é dan é bɛnwɔlɛ vɔ lɛ a nyɛ va yé é dan a ma puo lɛ gɔnɔ sɔrafié Gakelebale ’lɛ, fɛna sauun na, sɔ lé wa kɛlɛ kɔnmi nya, a yara.

Zakari 2:10

Siɔn munu, ka gi ’é nana, yé ’ka siaa ginanale nya. Naa, ka ye, maa da yé maa dan nyana lɛ ka méléna. A zo lé Gakelebale a fe.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Mi Nɔnɔle 5:3

Dé é a gɔné nyaoo, dé é a le nyaoo, ’ka wo bin; ’ka wo bin sɔkɔn dɔna, sɔkɔn dɔna lé anzé nyanana ke a méléna ’ko, té a sɔnné sɛrɛ lo we gi.

Kelewenu 7:44

Zén‐ékeva sɔkɔn a kaa tranu lee bwi gi; mi lé é we fe Moizi lɛ, ’bɛzan lé a lɛ léé: Bé kɛlɛ a kɛlɛbɛ lé bé ye, a yɛrama.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Jozué 22:31

Yé Balebanzan Éléazaa be Finé lé Rubɛnnu valé Gadnu valé Manasénu lɛ léé: Sin, ko gi dɔɔ léé, Gakelebale a kaa méléna; ka ’ka we ’ko kɛlɛ lɛ tɔnégiplɛplɛ we nya Gakelebale ma lo, azama; ’bɛ zo lé ka Izraɛl lé nénu so sin Gakelebale lé bliflile lee.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.