Fwile 25:31 - Kazambale lé Sebe Sauunu 1979

³¹ I dan fintran kɛlɛ lɛ kyan tegele nya. ’I dan fintran ’ko kɛlɛ lɛ kyan gyɛle nya; a gane koo, a pun koo, a bɔnu koo, a ma gininu koo, a vwinu koo, wo faa ’é kɛlɛ é ke ’léé do.

Fwile 25:31 ပူးပေါင်းရင်းမြစ်များ

1 Minwiinzannu 6:18

Wo zoo lé kuo valé flɛri foele fotonu dɔ kɔn gi sɛdrɛyili ta. A faa a sɛdrɛyili nya, wo ’ka gɔlɛ do kpen yé lo.

1 Minwiinzannu 7:24

Yé wo zéné’woli kana lɔlu zi lɛ sɔɔ, mɛtrɛ buu do zoo lé kuo foto vu, mɛtrɛ buu do zoo lé kuo foto vu, a zo; zoo lé kuo bale fié lé, ’té wa é serele é ke ’léé yee kana nya do.

1 Minwiinzannu 7:49

fintrannu lé wa kɛlɛ kyan tegele nya, ’té woo wo dɔraan fɛna sauun tinle ’lɛ, ’té a soru a bɛyilazia yé a soru a bɛbolazia, wo koo, wo valé flɛri valé kyɛbɔnu valé fintran dirifɛ lé wa kɛlɛ kyan nya koo,

Minwiinzannu lé Wezuofe Sɛbɛ 28:15

Kyanfintrannu valé ’wolé kyɛbɔ kiénénu, é ’bɛ kilo fe, yé é fintran do do valé élé kyɛbɔné do do lé kilo fe. É gɔɔlifu fintrannu zé kilo ’léé fe, yé é fintran do do valé élé kyɛbɔnénu do do kilo ’léé fe, wo dɔnama a fɛan zo, a yɛrama.

2 Minwiinmunu lé Wezuofe Sɛbɛ 13:11

Bladi valé nyanadi faa do do ma, winu lé wa kyɛ blé, ko a no Gakelebale lɛ; ko lasikɔrɔ ginzan kyɛ blé; ko Bale ’lɛburu plaan tablé tegele ta, yé ko kyan fintran valé alé kyɛbɔnu bié; naa, ko Gakelebale, kolé Bale lé bélidɔwenu kɛla. Yé kaa, ka sɔn vɔ a ma.

2 Minwiinmunu lé Wezuofe Sɛbɛ 4:20

fintrannu valé ’wolé kyɛbɔnénu lé wa kɛlɛ kyan tegele nya, ’té é a lé wa bi, wo dɔnama lé wa fe, a yɛrama bɛ, wo koo,

2 Minwiinmunu lé Wezuofe Sɛbɛ 4:7

É kyan fintran vu kɛlɛ wo kɛlɛbɛ lé wa fe, a yɛrama, yé é wo dɔra Balebangikɔn gi; a soru a bɛyilazia yé a soru a bɛbolazia.

Fwile 25:34

Bɔ ziɛn lé ke bélé amandé wɔlɛ zo, é dan kɛlɛ lɛ fintran pun ma, é ma gini do do valé vwi do do nya.

Fwile 25:36

Fintran ma gininu valé é blannu wo dan kɛlɛ lɛ é ke ’léé do; a faa é dan kɛlɛ lɛ kyan gyɛle nya, kyan tegele nya.

Fwile 31:8

tablé valé é ma nyanamapafɛnu koo, kyan tegele fintran valé é ma nyanamapafɛnu faa koo,

Fwile 35:14

fintran valé é ma nyanamapafɛnu koo, élé bɔnénu koo, fintran lé nyɔnɔ koo,

Fwile 39:37

kyan tegele fintran valé alé bɔnénu, ’té wo ma a é ’lɛrɛle, wo valé fintran ma nyanamapafɛnu valé alé nyɔnɔ koo,

Lévinu 24:4

É dan kyanfintran nɛnɛnu ma’lɛrɛ lɛ a bile yifaama we ma Gakelebale ’lɛ.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Mi Nɔnɔle 3:31

Fɛnu lé wo wo bɛ pa wo lee, yee lé ke ’ko: gipawe pagikɛsu koo, tablé koo, fintran koo, balebantafɛnu koo, fɛna sauun lé nyanamapafɛnu koo, sɔ valé é dunmafɛnu koo, woo lé.

Mi Nɔnɔle 4:10

É a lé wo yee valé a ma nyanamapafɛnu faa pla dofɛn kɔlɛ gi, ’bɛ zuo wa pa kɔnésigaan gi.

Mi Nɔnɔle 4:9

’Wo glayivayou sɔ si yé ’wa zén fintran koo, alé kyɛbɔnu koo, a dirifɛnu koo, alé kyɛyee zéngifɛnu koo, alé nyɔnɔzénbɔnu koo, fɛnu faa lé woo fintran ma nyanama paan a nya bɛ, wo ta.

Mi Nɔnɔle 8:1

Gakelebale we fe Moizi lɛ, yé é léé:

Mi Nɔnɔle 8:4

Wo fintran kɛlɛ kyan gyɛle nya, fɔɔ yé é bɔ a ganenu valé a vwinu ma, wo wo faa foli kyan nya; Moizi fintran kɛlɛ fɛan zo lé Gakelebale a kɛlɛbɛ gɔɔn a lɛ, a zo.

Ébrunu 9:2

Wo sɔkɔn dɔ webozen nya. Wa gi vininzan laama fɛna sauun, yé fintran koo, tablé koo, Bale ’lɛburunu koo, wo ana ’bɛna.

Wegɔɔnle 1:12

Maa nɔla, dé de ɛ ke we fena an lɛɛ? a dɔɔle we gi. An nɔlale zuo an kyan fintran sɔrafié ye,

Wegɔɔnle 1:20

Monéné sɔrafié lé i wo ye an bɛyi lee, é valé kyan fintran sɔrafié, wolé we a é yɔɔle. A gi lé é ke ’ko: monéné sɔrafié a léglizi sɔrafié lé lanjenu nya, yé fintran sɔrafié a léglizi sɔrafié nya.

Wegɔɔnle 2:5

Bɛwemalé, fɛana lé we ’ko san i lee, ’i gi bɔrɔ ’bɛ ma; ’i bli nɔla yé ’i kɛlɛwe vininnu kɛlɛ ma. Dé i ’ka i bli nɔla lɛ lo, maa dan da lɛ i va, yé maa dan ilé fintran si lɛ é dɔrana.

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

1 Samuɛl 3:3

Wo ’ka tan Bale lé kyɛbɔ diri lɛ lo, ’té Samuɛl a é yiale Gakelebale lé kɔn gi, fɛana lé Bale lé kɛsu ke, ana.