Fwile 25:22 - Kazambale lé Sebe Sauunu 1979

²² ’Bɛna lé ko dan kee lɛ i nya; maa dan anlé bélidɔwenu faa nɔ lɛ i lɛ Izraɛl lé nénu zé nya, nyanai zé mi la nyanana ta loru, sérubɛnnu lé i wo dɔ wenayefɛ pagikɛsu ta, wo méléna.

Fwile 25:22 ပူးပေါင်းရင်းမြစ်များ

Wepélisiananu 18:33

Gakelebale nyaa aan wo wefele nya Abraam lɛ, é go. Yé Abraam go élé kɔn ’léé.

2 Samuɛl 6:2

David valé é vamunu faa tawole sia Baalé‐Juda, Bale lé kɛsu sile we ma; lai sunyanu lé Gakelebale lé éé nyanaan sérubɛnnu méléna kɛsu ta loru, wa tɔ laan kɛsu ’lɛ.

2 Minwiinzannu 19:15

yé é bazoro Bale lɛ ’ko zo léé: Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Minwiinzannu lé Wezuofe Sɛbɛ 13:6

David valé Izraɛlnu faa go Baala lé ke Kiijat‐Jéarim nya bɛ, ’té é ke Juda tɛrɛ la fla do nya bɛ, ana, Kazambale lé kɛsu sile we ma; Gakelebale lé éé nyanaan sérubɛnnu méléna, wa tɔ laan kɛsu ’ko ta.

Lɛrɛvɔ Sɛbɛ 80:1

Azafa lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bolu lé goo, ’wa gyɛ a va. Lɛrɛ lé.

Lɛrɛvɔ Sɛbɛ 80:2

Izraɛl tabinzan, bii lé i goo Jozɛfu nya bélé trubɛ zo, ’I an ban i tɔné nya. Bii lé i ke é nyanale sérubɛnnu ta, ’I da ilé fua blɛn tagɔɔn.

Lɛrɛvɔ Sɛbɛ 90:1

Bale lé mi Moizi lé bazorole lé. Mizan, i a ko vɔzizan nya, Ko kulu é kulunu zé nya.

Lɛrɛvɔ Sɛbɛ 99:1

Gakelebale a é plale munu nwiin, gligli éé zén‐é munu gi; É mini sérubɛnnu ta; tɛrɛ ma éé nyɔɔn‐an.

Fwile 20:24

’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Fwile 30:36

Bé pun dɔ yé bé pla wenayefɛ ’lɛ, zén‐ékevasɔkɔn gi, fɛana lé maa valé bii é dan kee lɛ, ana. É dan kɛlɛ lɛ fɛ ’lɛzan baba nya ka lɛ.

Fwile 30:6

I dan balebanna dɔra lɛ, sɔ lé ke wenayefɛ pagikɛsu ’lɛ, a ’lɛ zia, nyanai zén mi la nyanana lé ke wenayefɛ pagikɛsu ta, ’té maa valé bii é dan kee lɛ ana bɛ, a yɛrama.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 31:6

Yé maa Dan bɛngizan Aisamak be Ooliab nɔ a lɛ a bɔlu do nya. Maa blabozannu faa fan ’wuoatawe nya, fɛnu faa lé maa i bélidɔ, wolé a kɛlɛle we ma,

Ézai 37:16

Lai sunyanu lé Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ faa la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Ézékiɛl 43:6

Yé maa mi do dére ’ma yee kɔn ’ko gi, ’té mi do a é dɔle an sɔnɔ.

Lévinu 1:1

Gakelebale Moizi laa, yé é we fe a lɛ zén‐ékevasɔkɔn gi yé é léma:

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Mi Nɔnɔle 17:4

’I wo pla zén‐ékevasɔkɔn gi, wenayekɛsu lé maa valé ka éé keeé ana, a ’lɛ.

Mi Nɔnɔle 7:89

Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.

Weblezannu 20:27

’Bɛ bléyi va Bale lé gipawe pagikɛsu a Bétɛl, ’té Arɔn be Éléazaa be Finé ɛ ke Balebanzan nya, yé Izraɛl lé nénu we laa Gakelebale lee léé: É a lé an guli dan é ziin an bwe Bɛnjamɛn va, taa, té maa go loo? Gakelebale a zi pa léé: ’Ka nwa, naa, tɛlɛ maa dan wo pa lɛ ka lee.

1 Samuɛl 4:4

Wo munu nwunvɔ Silo, yé lai sunyanu lé Gakelebale lé gipawe pagikɛsu lé éé nyanaan a ta sérubɛnnu méléna, wa si, yé wo da a nya. Éli be fiénu Ofoni valé Finé ana bɛ, Bale lé gipawe pagikɛsu va.