Fwile 25:20 - Kazambale lé Sebe Sauunu 1979

²⁰ Sérubɛnnu é dan wo bɛa soi lɛ a ta loru yé wo nyanai zén mi la nyanana ta bua a nya, ’té wa wo ke yara ma; sérubɛnnu é dan wo yara dɔ lɛ nyanai zén mi la nyanana ta.

Fwile 25:20 ပူးပေါင်းရင်းမြစ်များ

Wepélisiananu 28:12

Yé é nyɛ gyɛ, yé bé ye, kɔngiémayili do ana; a péli a é dɔrale tɛrɛ la yé a ’wuo zun la ma; ’té Kazambale lé lanjenu woo giéma, ’té woo zunwo yee kɔngiémayili ma.

1 Minwiinzannu 6:23

É sérubɛn fié foto nyaa bwi gi ɔliviyili nya yé é wo dɔ fɛna sauun tinle na. Wa é torole mɛtrɛ soru.

1 Minwiinzannu 6:27

Salomɔn sérubɛnnu dɔ fɛna sauun tinle na kɔnguru ma. Wo bɛanu a é soile; a vininzan bɛa do bɔ kɔnguru do ma yé a fiézan bɛa do bɔ kɔnguru koɛ ma; yé wo bɛa koɛnu zɔ kee kɔn méléna.

1 Minwiinzannu 8:7

Sérubɛnnu bɛanu a é soile Bale lé kɛsu dɔrana ta loru, yé wo furɔ zén kɛsu valé é siyilinu ta.

Minwiinzannu lé Wezuofe Sɛbɛ 28:18

lasikɔrɔ kyɛ ble balebanna lé wo dan a kɛlɛ lɛ kyan tegele nya, é ’bɛ kɛlɛbɛ valé ’bɛlé kilo nagɔɔn. Goro koo, kyan sérubɛnnu lé woo bɛa soian Gakelebale lé gipawe pagikɛsu ta koo, é ’bɛnu kɛlɛbɛ nagɔɔn.

2 Minwiinmunu lé Wezuofe Sɛbɛ 3:10

Fɛna sauun tinle na, wo sérubɛn fié foto nyaa, yé wo wo ma sɔɔla kyan nya.

Fwile 25:18

I dan sérubɛn foto fié kɛlɛ lɛ kyan nya, nyanai zén mi la nyanana ’wuo fiénu ta; i dan wo kɛlɛ lɛ kyan lé wa gyɛ, a nya.

Fwile 25:19

’I sérubɛn do kɛlɛ a ’wuo do la yé ’i sérubɛn do kɛlɛ a ’wuo koɛ ta; sérubɛnnu koo, nyanai zén mi la nyanana koo, bé faa foli é ke ’léé do.

Ézékiɛl 1:20

Fɛana lé léli wo nyunu, ana lé woo goo, yé dé fɛyuɛmalenu si tɛrɛ va, ganenu éé sié tɛrɛ va wo nya. Naa, léli lé é ke fɛyuɛmalenu gi, yee léli duo ɛ ke ganenu gi.

Ézékiɛl 28:14

I a munuvɔzizan sérubɛn nya, ’té i bɛa a é soile; maa i dɔ Kazambale lé gɔ sauun nwiin, yé i kɛlɛ ana; i tawoo gɔlɛnu lé woo bié bélé kyɛ zo, wo méléna.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

WENÉNÉ LE JAN A GYE (Évangile selon Jean) 1:51

Yé é lé a lɛ léé: Ka dan la lɛ ye lɛ é sole, yé ka dan Kazambale lé lanjenu ye lɛ gona loru, ’té woo zunwo, maa blami Be ta. Maa fe ka lɛ.

1 Korent munu 11:10

Bɛwemalé, é a lé le é fɛ dɔ é ’wuo ma se lé é ke a wuo, a tɔmase nya, lanjenu lé we ma.

1 Korent munu 4:9

É dɔ an gi léé, ko lé ko ke nwunvɔzannu nya, Kazambale ko kɛlɛ mi voélazannu nya bélé munu lé wo dan wo gyɛ lɛ, wo zo. Ko kɛlɛ zanagyɛmafɛ nya fɛyuɛmalenu faa yuɛ va, ’bɛ gi léé, lanjenu valé munu yuɛ va.

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Kolɔs munu 2:10

yé kalé we faa lɛ a é sɔɔle Krist gi; é a la worona wemaplɛplɛzannu valé fɛ faa lé woo wo lɛdɔama, wo nwiinzan nya.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 9:5

Gipawe pagikɛsu ta loru Kazambale lé sérubɛnnu ana, ’té wo furɔ éé zén‐é nyanai zén mi la nyanana ta. Bléyi ’ko ’ka wo ma we do do faa febléyi nya lo.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.