Fwile 24:8 - Kazambale lé Sebe Sauunu 1979

⁸ Moizi nyɛ si yé é a nwɛɛn munu ta a fele nya léé: Gipawe lé Gakelebale a kɛlɛ ka va dére ’konu faa yɛrama, a dɔ plɛplɛ nyɛ lé ke ’ko.

Fwile 24:8 ပူးပေါင်းရင်းမြစ်များ

1 Minwiinzannu 8:21

Gakelebale lé gipawe lé é a kɛlɛ Izraɛl munu va, élé wo sile Éjipiti tɛrɛ la bléyi va, maa a pagikɛsu dɔrana kɛlɛ.

1 Minwiinzannu 8:9

Gɔlɛfɛn ma nyaale fié lé Moizi a pa kɛsu gi Orɛb gɔ ma, bléyian va lé Gakelebale gipawe kɛlɛ Izraɛl munu va ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

Lɛrɛvɔ Sɛbɛ 78:36

Naa, wo dabli kɛlɛ a lɛ wo ’léé dére nya, Yé wo vié wo a lɛ;

Fwile 24:6

Moizi a nyɛ gi bɔi fié, yé é a lɛ do zén kananu gi, yé é a koɛ zana balebanna ta.

Ézai 52:15

Naa, sin, é dan kɛlɛ lɛ munu kiɛre ginanamazan nya. Minwiinzan blɛnnu lɔlu lɛ é dan tan lɛ a ’lɛ, Naa, wenu lé wo ’ka wo zuo fe lɛ wo lɛ lo, wo dan a ye lɛ, Wenu lé wo ’ka tan a ’ma lɛ lo, wo dan a ’ma lɛ, ’bɛzama.

Jérémi 31:32

Gipawe lé maa a kɛlɛ wo tinu va, yian nya lé maa wo kun ’wo bɛ ma wo sile Éjipiti tɛrɛ la we ma, ’té wa sɛrɛ bɛ, dɔlé ’té maa a wozan nya, é ’ka dan kɛlɛ lɛ bélé ’bɛ gipawe zo lo. Maa Gakelebale ɛ ke a fena.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

Ézékiɛl 36:25

Maa dan ’yi sésé zén lɛ ka ta yé ka gi é dan bɔ lɛ. Maa dan ka tiri valé kalé miyilinu si lɛ ka ma, yé ka kɛlɛ tata.

Lévinu 8:30

Fɛ’lɛdɔ nyɔnɔ koo, nyɛ lé ke balebanna ta koo, Moizi wo si, yé é wo nwɛɛn Arɔn valé élé sɔnu koo, Arɔn benu valé wolé sɔnu koo, wo ta; yé Arɔn valé ’élé sɔnu koo, Arɔn benu valé ’wolé sɔnu koo, Moizi wo ’lɛ dɔ.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Zakari 9:11

Bii Izraɛl, gipawe lé é ke é dɔle gligli nyɛ nya, Alé we ma lé maa dan ilé luugimunu si lɛ guru lé ’yi ’ka a gi lo, a wɔlɛ ma.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Maak 14:24

Yé é lé wo lɛ léma: Fɛ ’ko, an nyɛ lé. Gipawe dɔ plɛplɛ nyɛ lé é zana mi kiɛre lé we ma, yee lé.

WENÉNÉ LÉ LUK A GYE (Évangile selon Luc) 22:20

A zo duo lé dé wo fɛ ble faa é ’yiminikana si yé é a nɔ wo lɛ a fele nya léé: Fɛ lé ke ’yiminikana ’ko gi, an nyɛ lé; é a gipawe dɛrɛ dɔ plɛplɛ nyɛ lé é zana kalé we gi, a nya.

1 Korent munu 11:25

’Bɛ zo duo lé, fɛblele zuo, é ’yiminikana si yé é léé: Fɛ lé ke kana ’ko gi, an nyɛ lé é gipawe dɔ plɛplɛ, yee lé. Dé ka a fɛ minina a gi yian nya, ’ka we ’ko kɛlɛ an sele dɔle ka gi we ma.

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Bélidɔwesɛbɛ Fiézan 5:2

Gakelebale, kolé Bale a fe léé, ’ko gi pa do ’wo nya, Orɛb gɔ ma.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Jozué 24:25

Yi ko nya Jozué gipawe kɛlɛ munu va yé é bélidɔwe pun valé bélidɔwe sɔnnénu nɔ wo lɛ Sisɛm.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.