Fwile 24:12 - Kazambale lé Sebe Sauunu 1979

¹² Gakelebale lé Moizi lɛ léé: ’I gɔ gié an vazia, yé ’i vo ’ko; maa dan gɔlɛfénnu nɔ lɛ i lɛ, bélidɔwenu valé an sɔnnénu lé maa wo gyɛ we paale wo gi we ma, wo nya.

Fwile 24:12 ပူးပေါင်းရင်းမြစ်များ

1 Minwiinzannu 19:11

Gakelebale léé: ’I bɔra, ’i dɔ gɔ ma Gakelebale ’lɛ. Yé bé ye, Gakelebale gié. Fu gié plɛplɛ é baba yé é gɔ fee gyɛ yé é gɔlɛnu ’wii Gakelebale ’lɛ; Gakelebale ’ka fu gi lo. Fu giéle zuo, tɛrɛ ma nyɔɔn; Gakelebale ’ka tɛrɛ ma nyɔɔnle gi lo.

Ezidras 7:10

Naa, Ezidras Gakelebale lé bélidɔwe draan yé é a ta tawo é bli faa nya, yé é bélidɔwenu valé Bale déretawenu paa Izraɛlnu gi.

Néémi 9:13

I zun Sinai gɔ nwiin, i we fe wo lɛ lagi loru, yé i déretawe tegelenu koo, bélidɔwe boennu koo, weplalenu valé bélidɔwe sɔnné zimanu koo, i wo nɔ wo lɛ.

Néémi 9:14

Ilé yi nyané lé ke flinyi nya, bé gɔɔn wo lɛ, yé bélidɔwe sɔnnénu koo, weplalenu valé bélidɔwe koo, i wuozan Moizi a paa wo gi.

Lɛrɛvɔ Sɛbɛ 19:12

Woo we paan i wuozan gi é ziin; Munu lé woo tawoo wo ta, woo tɔnɔ blɛn yé.

Fwile 19:3

Moizi gɔ gié Kazambale vazia, yé Gakelebale a laa gɔ nwiin yé é léé: ’I we fe Jakɔb lé munu, Izraɛl munu lɛ léma:

Fwile 24:15

Moizi gɔ gié yé lati bua gɔ ta.

Fwile 24:18

Moizi wɔra lati méléna yé é gɔ gié. Moizi vo gɔ nwiin yi yɔ fié, bladi nyanadi.

Fwile 24:2

Té wo faa bié Gakelebale sɔnɔ lo; té munu é gɔ gié Moizi va lo; Moizi do kpen é dan bié lɛ Gakelebale sɔnɔ.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 34:1

Gakelebale lé Moizi lɛ léé: ’I gɔlɛ fié ma nyaa bélé a vininzannu zo, yé gɔlɛ vininnu lé bé ’wii bɛ, dérenu lé ke é gyɛle wo ta, maa dan yee duo gyɛ lɛ a koɛnu ta.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Matio 5:19

Mi lé éé bélidɔwe kiiéné boen lɛganma, ’té éé we paan munu gi léé, ’wa lɛgama, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi kiiéné boen nya, naa, mi lé éé bélidɔwe lɛdɔama, ’té éé a paan munu gi léé, ’wa lɛdɔma, dé Kazambale lé plale mi faa nwiin da bléyian va, é dan ’bɛzan kɛlɛ lɛ mi blɛn nya.

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

2 Korɛnt Munu 3:7

Bale va nyanama lé ke bélidɔwe nya, ’té é ke é gyɛle sɛbɛwɔlɛnu nya gɔlɛ ta bɛ, alé we pélisia fuasan nya, dɔlé ’té éé mi gya. Fuasan ’ko é Moizi yara bi fɔɔ yé Izraɛl munu ’ka bɔa a yara naginile lɛ lo, dɔlé ’té fuasan ’ko ’ka mɔnfɛ nya lo.

Bélidɔwesɛbɛ Fiézan 4:14

’Bɛ bléyi va Gakelebale lé an lɛ léé, maa élé bélidɔwenu valé élé gɔnɔlawenu paa ka gi, kalé wo ta tawole we gi, tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 5:22

Dérenu lé Gakelebale a fe gɔ nwiin, wo lé ke bɛ; kyɛ koo, latinu koo, gunutinu koo, é a wo méléna, té éé we fé munu faa lɛ é dére plɛplɛ nya, yé é ’ka a bɛ fe lɛ lo. É wo gyɛ gɔlɛfen fié ta, yé é wo nɔ an lɛ.

Bélidɔwesɛbɛ Fiézan 5:31

Naa, maa, maa vo ’é va ’ko; ’é sɔnnénu koo, ’élé bélidɔwenu koo, ka gɔnɔlawenu koo, ’é dan wo faa gɔɔn lɛ an lɛ, yé maa dan wo paa lɛ ka gi, kalé wo ta tawole we gi, tɛrɛ lé é dan a nɔ lɛ ka lɛ kazé nya, a ta. A zo lé Gakelebale a fe an lɛ.

Ébrunu 9:4

Balebanna lé wa kɛlɛ kyan nya, ’té é ke lasikɔrɔ zé nya bɛ, é valé gipawe pagikɛsu lé wo kyan sele a ma, wa ’bɛna. Kyanbɔ lé mana ke a gi koo, Arɔn lé tawomayili lé é nɛɛ yé a vwi bi koo, gɔlɛfén lé gipawe ke é gyɛle a ta koo, wa gipawe pagikɛsu gi.