Fwile 24:10 - Kazambale lé Sebe Sauunu 1979

¹⁰ Wo Izraɛl lé Bale ye; a gane wuofɛ a bélé safiigɔlɛ wezan lé woo yɛrɛ yé a zi, a zo; a gi a é bɔle bélé la boen zo.

Fwile 24:10 ပူးပေါင်းရင်းမြစ်များ

Wepélisiananu 32:30

Jakɔb fɛkona tɔ pa Péniɛl, naa, é léé: Maa Kazambale yara ye, yé an béli.

Wepélisiananu 32:31

É si Péniɛl bléyian va, ’té yiri a nwana. Jakɔb boro sona é ke ’léé lé we ma lé é tun bo,

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

2 Minwiinmunu lé Wezuofe Sɛbɛ 6:17

Gakelebale, Izraɛl lé Bale, blivolɛdére lé bé fe i leezan David lɛ, ’i a tawe kɛlɛ ma.

Fwile 24:11

É ’ka é bɛ nwa lɛ Izraɛl lé nénu va mi vabole ma lo. Wo Kazambale ye yé wo fɛ ble yé wo ’yi mini.

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 33:20

Gakelebale léé: I ’ka bɔa an yara yele lɛ lo, naa, mi ’ka bɔa an yele lɛ yé é vo é yuɛma lo.

Fwile 33:23

Dé an bɛ si ana bléyian va, i dan an zuozia ye lɛ, naa, wo ’ka an yara yé lo.

Wegɔné Ma Lɛrɛ 5:14

A bɛnu a bélé bɛmakyan zo, ’Té wo krisolitegɔlɛ vɔ a ma; A kɔlɛ a bélé vwii suiɛ lé wa ma gɔrɔla, a zo, ’Té wo safiigɔlɛ vɔ a ma.

Wegɔné Ma Lɛrɛ 6:10

De ɛ dan bélé tukinile zo bɛɛ? A nɔnɔmi a bélé moné lé, éé bié bélé yiri lé, Naa, é a kanamafɛ nya bélé sunya palunu lé woo dan ’wolé draponu wuo, wo zo. De léé? —

Jérémi Lé Wuvɔ Sɛbɛ 4:7

A nwiinzannu kɔlɛ éé bié é mini tɔrɛ ta, A fu mini dirinyɔyi ta. Wo kɔlɛ a sɔɔn, kɔlɛ lé wa vɔ zéri’yi va, a zo. Wo yara a bélé safiigɔlɛ zo.

Ézékiɛl 1:1

A lɛɛ yɔ do wɔlɛ vuzan lé moné ziɛnzan lé yi soruzan nya, ’té maa a luugimunu va mi do nya Kébaa yuu sɔnɔ. La lɛ so an lɛ, yé yuɛzi wenu si Bale va yé maa a ye.

Ézékiɛl 10:1

Maa a nagini, ’té fɛ do lé é ke safiigɔlɛ zo, é a la lé é ke é dunle baworona sérubɛnnu nwiin loru, a ta. Yé fɛ do a wo ta loru, fɛ lé é ke bélé webleblin zo, yee lé.

Daniɛl 10:17

Anzan, i wuozan é bɔa wefele lɛ kaa? Sin, an fuu do kpen ’ka an ta lo, an tunu an gi.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

Matio 17:2

A yara dɔbɛ nɔla wo yuɛ va, yé a yara bi nyananyana bélé yiri zo, yé alé sɔnu kɛlɛ fu tata bélé san zo.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 14:9

Jézu lé a lɛ léé: Filip, ana mɔn ’té maa a ka va, yé i ’ka tan an dɔɔ lɛ loo? Mi lé é an ye, é an Ti ye. É kɛlɛ kaa yé i léé, an Ti nagɔɔn ’wo lɛɛ?

WENÉNÉ LE JAN A GYE (Évangile selon Jean) 6:46

É ’ka kɛlɛ lɛ léé, mi do kpen an Ti ye lo, ’té dé é ’ka maa lé an si Kazambale va, an nya lo; maa ɛ an Ti ye.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.

Wegɔɔnle 1:16

Monéné sɔrafié a a bɛyi lee. Gwɔun ’léé fié sorosoro bɔra a ’léé; yé a yara a bélé yiri lé é ke bina plɛplɛ, a zo.

Wegɔɔnle 21:11

Kazambale lé fuasan a a ta, yé a san a bélé gɔlɛwezan baba san zo, bélé jasipegɔlɛ lé woo yɛrɛ yé a zi bélé vlinvlin wezan zo, a zo.

Wegɔɔnle 4:3

Mi lé é ke é nyanale é a bélé jasipegɔlɛ valé saadɔanegɔlɛ zo; yé webleblin zi lɛ a é sɔɔle bɔmlɛ lé é ke émérodegɔlɛ zo, a nya.