Fwile 23:8 - Kazambale lé Sebe Sauunu 1979

⁸ Té i blɛ si lo; naa, blɛfɛnu sile éé yuɛ fuozan yuɛ ’wiié, yé éé mi tegelenu dére sɛra.

Fwile 23:8 ပူးပေါင်းရင်းမြစ်များ

Lɛrɛvɔ Sɛbɛ 15:5

Alé gɔɔli lé wa drɔn gyɛ a lee, a ma we ’ka a taa gi pelo, Yé gɔɔli lé wo we dɔ a nya weanwiinlo munu nwiin, é ’ka ’bɛ blɛ ’ko sile nyi sié pelo. Mian éé we kɛla ’bɛ zo, é ’ka dan dia lɛ monomono lo.

Lɛrɛvɔ Sɛbɛ 26:10

Wo bɛnu a wenyané blɛn kɛlɛbɛnu nya, ’Té wo bɛyi a é fanle blɛfɛ nyanénu nya.

Wegɔnévɔlenu 15:27

Mi lé a bli ke blɛn, é ébo lé kɔn gi kyɛ dɔa, naa, mi lé éé blɛnu za paan, é dan vo lɛ é yuɛma.

Wegɔnévɔlenu 17:23

Minaané éé blɛfɛ sié kyeen gi, zi tegelenu sɛrɛle we gi.

Wegɔnévɔlenu 17:8

Blɛfɛnu a gɔlɛwezan nya munu lé woo wo yé, wo lɛ; dé wo nɔla fɛofɛana, woo fɛ yé.

Wegɔnévɔlenu 19:4

Fuablezan béénu a kiɛre, naa, nyanégyɛzan valé é béé éé kinié ékema.

Bale Lé We Gifezan 7:7

Yaale mi ta éé wedɔɔzan kinin‐é ’tugyɛzan nya, yé blɛfɛnu éé mi ’wuo sɛra.

Ézai 1:13

Té ka an ban boafɛ nya é dɛrɛ lo; lasikɔrɔpo koo, moné dɛrɛ fɛtinu koo, flinyinu valé zénle ékevanu koo, wo faa an bli la naanaa. Wenyané lé ka kɛla kalé fɛti blɛnnu bléyi va, maa ’ka dɔa ’bɛ nyi wuo lo.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Ézai 5:22

Munu lé wo wobo no nwɛ minile ’té woo dɔrɔ ’lɛ plɛplɛ vɔɔan ’wo zua, wenaané ’é kɛlɛ wo lɛ ma.

Ézai 5:23

Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

OZÉ (Osée) 4:18

Wo nyaa nwɛ minile nya tɔɔn, wobo nɔ bɔrɔdɛ lomu lɛ. Wo nwiinzannu bli bɔ yaragyɛwe ma.

Amɔs 5:12

Naa, maa gi dɔɔ léé, kalé wenyané blɛnnu a kiɛre, kalé wenyanénu gi gyɛ. Ka yaan mi tegelenu ta, ka blɛfɛ sié gla nya, yé ka nyanégyɛmunu lé se sié wo lee weblena.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 16:19

Té ka we tegele bɛ gi plɛn lo; té ka dɔ mi zuo é leefɛ ma lo, té ka fɛ si munu lee weblele we gi lo, naa, éé wedɔɔmunu yuɛ ’wiié yé éé mi tegelenu dére sɛra.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.