Fwile 23:31 - Kazambale lé Sebe Sauunu 1979

³¹ Maa dan ilé tɛrɛ glɛ dɔ lɛ, é sia Wɛyi Sɔɔn ma fɔɔ yé é bɔ Filisitinu lé wɛyi ma, yé é sia bwi ma fɔɔ yé é bɔ yuu ma; naa, maa dan ana tɛrɛlamunu pa lɛ ka lee, yé ka dan wo bin lɛ ka ’lɛ.

Fwile 23:31 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

1 Minwiinzannu 11:2

Bɛnnu lé Gakelebale wo ma we fe Izraɛl lé nénu lɛ léé, té ka go wo va lo, té wo da ka va lo; wo dan ka bli nɔla lɛ wozé balenu va webozen nya bɛ, woo lomu ’konu si ’bɛ bɛnnu gi. Wo va sɔlɛle Salomɔn sia ana, amalé é yere bɛn ’konu ma.

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

1 Minwiinzannu 4:21

Salomɔn pla bɛntɛrɛnu faa nwiin, é sia yuu ma fɔɔ yé é bɔ Filisitinu lé tɛrɛ la, fɔɔ yé é bɔ Éjipiti tɛrɛ glɛ la; woo dan Salomɔn blan nya yé wo pla a wuo alé tɛrɛla faa gi.

1 Minwiinzannu 4:24

Tɛrɛ lé ke yuu zi, é sia Tifasak fɔɔ yé é bɔ Gaza, é a é plale a faa nwiin, yé é a é plale yuu zi minwiinzannu faa nwiin. Yé a zi munu faa vo a va drɔɔ.

1 Minwiinzannu 8:65

’Bɛ bléyi va Salomɔn valé Izraɛl faa fɛti kɛlɛ. Mi gbau lé wo si Amata zi fɔɔ yé é bɔ Éjipiti lé yuu ma, wo zén ékeva Gakelebale kolé Bale ’lɛ yi sɔrafié, a zuo wo yi sɔrafié kɛlɛ é ziin, a faa kɛlɛ yi vu ta ziɛn nya.

2 Minwiinmunu lé Wezuofe Sɛbɛ 9:26

Salomɔn pla minwiinmunu faa nwiin, é sia yuu ma fɔɔ yé é bɔ Filisiti tɛrɛ glɛ la yé é bɔ Éjipiti tɛrɛ glɛ la.

Lɛrɛvɔ Sɛbɛ 72:8

É dan pla lɛ munu nwiin, é sia wɛyi ’ko ma yé é bɔ a koɛ ma, É sia yuu ma yé é bɔ fɔɔ tɛrɛ glɛ sina.

Mi Nɔnɔle 21:34

Gakelebale lé Moizi lɛ léé: Té i kana a lee pelo, maa dan a pa lɛ i lee, yee koo, alé munu faa koo, alé tɛrɛ koo, wo nya; wean bé kɛlɛ Amorénu nwiinzan Sioni lé ke Esibɔn, a lɛ, yee duo lé i dan a kɛlɛ lɛ wo lɛ.

Mi Nɔnɔle 34:2

Bé fe Izraɛlnu lɛ léma: Dé ka bɔ Kanaan tɛrɛ la, ana tɛrɛ é dan kɛlɛ lɛ kalé zarafɛ nya. Kanaan tɛrɛ lé. A glɛnu lé ke ’ko:

Bélidɔwesɛbɛ Fiézan 1:7

É léé: ’Ka nwa, ’ka zi sia. ’Ka go Amorénu lé gɔ valé é zi tɛrɛ faa la; fɛna pɛblɛɛna koo, gɔ ma koo, pɛngurunu koo, yirinwana bɛyilazia koo, wɛyi vazia koo, Kanaan munu lé tɛrɛ valé Liban tɛrɛ koo, ’ka go wo faa na, fɔɔ yé ka bɔ yuu blɛn Yufrat ma.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.

Bélidɔwesɛbɛ Fiézan 2:33

Gakelebale, kolé Bale a pa ko lee, yé ko a kele, yee valé é benu koo, ’élé munu faa koo, wo nya.

Bélidɔwesɛbɛ Fiézan 2:36

É sia Aroɛɛ lé ke Aanɔn yuu gɔ la, ’bɛ valé fla lé ke gɔnu worona, fɔɔ yé é bɔ Galaad ma, fla lé é ko kele, ’bɛ ’ka lo. Gakelebale, kolé Bale a faa pa ko lee.

Bélidɔwesɛbɛ Fiézan 20:16

Naa, bɛnnu lé Gakelebale, kalé Bale a wolé tɛrɛnu nɔna ka lɛ tɔnɔfɛ nya, dé fɛofɛan ke flinna, té ka a vo é yuɛma lo.

Bélidɔwesɛbɛ Fiézan 3:2

Gakelebale lé an lɛ léé, té maa kana lo, naa, Ɔg valé élé munu faa koo, wolé tɛrɛ koo, ’é wo pa an lee; é léé, fɛan zo lé maa kɛlɛ Amorénu nwiinzan Sioni lé é ke é nyanale Esibɔn, a lɛ yi la, a zo duo lé ’maa kɛlɛ Ɔg lɛ.

Bélidɔwesɛbɛ Fiézan 6:19

’té dé é ka nyanézannu faa bin ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Jozué 1:4

Tɛrɛ lé é dan kɛlɛ lɛ kazé nya, é sia nyéné saa lé fɛna valé Liban fɔɔ yé é bɔ Yufrat yuu blɛn ma, Étinu lé tɛrɛ faa lé, fɔɔ yé é bɔ wɛyi blɛn ma yirivɔnazia.

Jozué 10:19

Yé ’kaa, té ka dɔ lo, ’ka nyanézannu zuo bin, yé ’ka baa wo ta wo zuo zia, té ka wo vo, wo bɔ ’wolé fla lo, naa, Gakelebale, kalé Bale wo pa ka lee.

Jozué 10:8

Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 13:6

gɔma munu, é sia Liban fɔɔ yé é bɔ Misréfɔt‐Maim koo, Sidɔn munu faa koo, woo tɛrɛnu lé. Maa dan wo bin lɛ Izraɛl lé nénu ’lɛ. ’I tɛrɛ ’ko nɔ Izraɛl lɛ wozé nya, ’munnu zunle nya fɛan zo lé maa fe i lɛ, a zo;

Jozué 2:24

Wo lé Jozué lɛ léé: Gakelebale tɛrɛ ’ko faa nɔ ko lɛ weboen nya. Yé gligli zén ana tɛrɛlamunu faa gi kolé we ma.

Jozué 21:44

Gakelebale flinle nɔ wo lɛ bɛ faa ma, é a fe wo tranu lɛ ébo ’nyɔɔnle nya fɛan zo, a zo; wo nyanézan do kpen ’ka bɔa dɔle lɛ wo ma lo, yé Gakelebale wo faa pa wo lee.

Jozué 23:14

Ka ye, sin maa a gona tɛrɛ faa lé zi siana. Ka gi dɔɔ ka bli faa valé ka boen faa nya léé, dére zinnu faa lé Gakelebale kalé Bale a fe ka ma we nya, a do kpen ’ka kɛlɛ lɛ boadére nya lo; wo faa lɛ sɔɔ ka lɛ, a do kpen ka kɛlɛ lɛ boadére nya lo.

Jozué 24:11

Ka Juudɛn kini yé ka bɔ Jériko. Jériko munu guli dan ka va, Amorénu koo, Férézinu koo, Kanaannu koo, Étinu koo, Giigazinu koo, Éévinu koo, Jébusinu koo, woo lé.

Jozué 24:12

Maa wo pa ka lee, yé maa gyebenu pa ka ’lɛ zia yé wo wo bin ka ’lɛ baa, bélé Amorénu nwiinzan fié zo; é ’ka kɛlɛ lɛ kalé gwɔunnu nya lo, é ’ka kɛlɛ lɛ kalé sanu nya lo.

Jozué 24:18

É munu faa bin ko ’lɛ, wo valé Amorénu lé woo nyanaan tɛrɛ ’ko la é ziin. Ko é ziin, ko dan Gakelebale bɔ lɛ, naa, é a kolé Bale nya.

Jozué 24:8

Maa go ka nya Amorénu lé woo nyanaa Juudɛn zi, wolé tɛrɛ la, yé wo guli dan ka va. Maa wo pa ka lee; ka wolé tɛrɛ si yé maa wo gyɛ ka ’lɛ.

Jozué 8:18

Gakelebale lé Jozué lɛ léé: Din lé ke i lee, bé soi Ai vazia, naa, maa dan a nɔ lɛ i lɛ. Yé din lé ke Jozué lee, é a soi fla vazia.

Jozué 8:7

Yé ka dan bɔra lɛ fla nwun zi, fɛana lé ka ke é yɔɔle, ana, yé ka dan fla si lɛ ’bɛna yé Gakelebale, kalé Bale, é dan a nɔ lɛ ka lɛ.

Jozué 9:7

Izraɛl munu a zi pa Éévinu lɛ léé: Un, dé ka nyanaan ko mélénaa? Kaa gi paan do kaa?

Weblezannu 1:4

Judanu nwa, yé Gakelebale Kanaannu valé Férézinu pa wo lee; yé wo mi baa soru gyɛ Bézɛk.

Weblezannu 11:21

Gakelebale, Izraɛl lé Bale, é Sioni valé élé munu faa pa Izraɛl lee, yé wo wo gyɛ. Amorénu lé ke é nyanale tɛrɛ ’ko la, Izraɛl wolé tɛrɛ faa si.

1 Samuɛl 23:4

David we laa Gakelebale lee é ziin. Gakelebale a zi pa a lɛ léé: ’I nwa, ’i go Kéila, naa, maa Filisitinu paan i lee.