Fwile 23:24 - Kazambale lé Sebe Sauunu 1979

²⁴ Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 23:24 ပူးပေါင်းရင်းမြစ်များ

2 Minwiinzannu 17:11

’Bɛna lé woo lasikɔrɔ kyɛ blé gɔ nwiin yobannanu faa na, bɛnnu lé Gakelebale wo bin wo ’lɛ, wa kɛlɛ fɛan zo, a zo, yé wenaanénu kɛlɛle nya lé wo Gakelebale bli fli.

2 Minwiinzannu 17:8

Bɛnnu lé Gakelebale wo bin Izraɛl munu ’lɛ, wo wolé gɔnɔlawe kɛlɛ, é valé gɔnɔlawe lé Izraɛl nwiinmunu a pélisia, wo nya.

2 Minwiinzannu 18:4

É gɔ nwiin yobannanu sɛrɛ, yé é miyilinu yéli yé é yo ’wuo ’wii, yé zénéméné lé Moizi a kɛlɛ é ’bɛ yéli télétéléné, naa, Izraɛl lé nénu éé lasikɔrɔ kyɛ blé a lɛ yifaama; wa laama Néusitan.

2 Minwiinzannu 3:2

We lé ke é naané Gakelebale yuɛ gi, yee lé é a kɛlɛ, naa, é ’ka a kɛlɛ lɛ bélé é ti valé é bu zé zo lo. Miyilinu lé a ti a kɛlɛ Baal nya, é wo zana a gi;

2 Minwiinmunu lé Wezuofe Sɛbɛ 14:2

É bɛn bɛnu lé balebannanu valé gɔ nwiin yobanna si ana; é yo’wuonu ’wii yé é miyilinu sɛrɛ.

2 Minwiinmunu lé Wezuofe Sɛbɛ 25:14

Amasia Édom munu kele, yé é go é pa gi aan wo, é léé, ’wo da Séii munu lé yonu nya, yé é wo dɔ élé balenu nya. É dia é bli la wo ’lɛ, yé é wo ban lasikɔrɔ nya.

2 Minwiinmunu lé Wezuofe Sɛbɛ 33:2

Wean é ke é naané Gakelebale yuɛ gi é a kɛlɛ, bɛnnu lé Gakelebale wo bin Izraɛlnu ’lɛ, wolé bozowenu yɛrama.

2 Minwiinmunu lé Wezuofe Sɛbɛ 33:9

Naa, Manasé lé we ma lé Juda valé Jérusalɛm munu zi san yé wo we naané kɛlɛ kiɛre é mini bɛnnu lé Gakelebale wo kulu ga Izraɛlnu ’lɛ, wo ta.

Lɛrɛvɔ Sɛbɛ 101:3

Maa ’ka dan we lɛrɛlɛrɛ do kpen vo lɛ an yuɛ gi lo. Diérazannu lé tawobɛ za a an gi; É ’ka dan vɔ lɛ an lee lo.

Fwile 20:3

Té i bale bɛnu pa an pa gi lo.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 23:13

We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Fwile 23:32

Té i gi pa do wo va lo, té i gi pa do wolé balenu va lo.

Fwile 23:33

Wo ’ka dan nyana lɛ ilé tɛrɛ la lo, dé wo da i nyunu léé, i wenyané kɛlɛ an ma; naa, dé i wolé balenu bɔ é dan kɛlɛ lɛ i kunsan nya.

Fwile 32:20

Diriné lé wa kɛlɛ, Moizi a si yé é a kyɛ ble; é a pun bo, yé é a pun ’ko nwɛɛn ’yi yuɛ la, yé é a nɔ Izraɛl lé nénu lɛ léé, ’wa mini.

Ézékiɛl 16:47

I ’ka tawo lɛ é wo wolé zi ta lo; i ’ka wolé bozowe saa kɛlɛ lɛ lo, ’bɛ a izé ma kiéné; i kɛlɛwenu faa a é vɔnle é mini wozé ta.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

Lévinu 18:3

We lé wa kɛla Éjipiti tɛrɛ lé ka nyana a ta bɛ, ana, té ka kɛlɛ lo; we lé wa kɛla Kanaan tɛrɛ lé maa a gona ka nya a ta bɛ, ana, té ka kɛlɛ lo; té ka wolé gɔnɔlawe kɛlɛ lo.

Lévinu 26:1

Té ka miyilinu kɛlɛ kabo lɛ lo, té ka fɛ do kpen foto kɛlɛ lo, té ka yobɔ kɛlɛ lo; gɔlɛ lé wa ma guru vɔ mi ’wuo foto nya, té ka do kpen dɔ kalé tɛrɛ la, ka diale wo ’lɛ we gi lo; maa a Gakelebale, kalé Bale nya, azama.

Mi Nɔnɔle 25:2

Wo Izraɛlnu laa léé, ’wo pa ’wo va ’wolé bale banna, yé munu ana fɛ ble yé wo dia wolé balenu ’lɛ.

Mi Nɔnɔle 33:52

’ka ’bɛna tɛrɛ la munu faa bin ka ’lɛ, yé ’ka wolé miyili gɔlɛnu ’wii, yé foliɛwɔlɛ lé wa foli miyilinu nya, ’ka wo sɛrɛ tata, yé ’ka wolé gɔnwiin yobannanu sɛrɛ tata.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.