Fwile 23:22 - Kazambale lé Sebe Sauunu 1979

²² Naa, dé i tɔné dɔ a dére lɛ, yé we lé maa fe i lɛ, dé bé faa kɛlɛ, maa dan kɛlɛ lɛ i nyanézannu é nyanézan nya, maa dan kɛlɛ lɛ i mazannu é mazan nya.

Fwile 23:22 ပူးပေါင်းရင်းမြစ်များ

Wepélisiananu 12:3

Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.

Lɛrɛvɔ Sɛbɛ 35:1

David zé lé. Gakelebale, ’i an ta guli dan an mazannu va, Munu lé woo guli daan an va, ’i guli dan wo va ma.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Jérémi 30:20

Wo benu é dan kɛlɛ lɛ bélé é vinin zo, Wo dan zén lɛ ékeva yifaama an ’lɛ, Munu lé woo yaan wo ta, maa dan we lɛdɔ lɛ ’bɛnu faa gi.

Zakari 2:8

Lai sunyanu lé Gakelebale léma: Tɔbɔle é dan kɛlɛ lɛ ’bɛ zuo. É an pa zia bɛnnu lé wo kalé fɛnu sia gla nya, wo va, naa, mi lé é mane ka ma, é bɛ mane a yuɛzooné ma.

Mi Nɔnɔle 24:8

Bale wo si Éjipiti tɛrɛ la, É a wo lɛ plɛplɛ bélé du lé plɛplɛ zo. Bɛnnu lé woo nwaan a ma, éé wo gya, Éé wo wɔlɛnu yélié, yé éé wo fɔn‐o ’élé sawɔlɛnu nya.

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

Bélidɔwesɛbɛ Fiézan 28:1

Dé ka Gakelebale, kalé Bale dére lɛdɔma, bélidɔwe ’konu faa lé maa wo fe ka lɛ kyɔ, dé ka wo ta tawo, Gakelebale, kalé Bale é dan ka mini lɛ tɛrɛ la bɛnnu faa ta.

Bélidɔwesɛbɛ Fiézan 30:7

Gakelebale, kalé Bale é dan balepadérenu ’ko faa dia lɛ ka nyanézannu lé ka za ke wo gi, ’té woo nyané paan ka ta bɛ, wo ta.

2 Tɛsalɔnik munu 1:6

Kazambale éé we kɛla tegele amalé munu lé woo kle paan ka ta bɛ, é dan kle pa lɛ wo ta.

Jozué 9:7

Izraɛl munu a zi pa Éévinu lɛ léé: Un, dé ka nyanaan ko mélénaa? Kaa gi paan do kaa?