Fwile 23:20 - Kazambale lé Sebe Sauunu 1979

²⁰ Bé ye, maa lanje do nwunvɔ i ’lɛ, i takuunle zia we gi, gole we gi i nya fɛana lé maa a ma’lɛrɛ, ana.

Fwile 23:20 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 24:40

Yé é lé maa lɛ léé, Gakelebale lé ’é tawo a ’lɛ, é dan ’élé lanje do pa lɛ maa va, yé anlé tawowe é dan vɔ lɛ a ma, yé an le do si ’é be na nya ’é ti lé kɔn gi, ’é ti lé munu va.

Wepélisiananu 24:7

Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

Lɛrɛvɔ Sɛbɛ 91:11

Naa, é dan fe lɛ élé lanjenu lɛ léé, ’Wo yuɛ pa ilé tawozi faa ta;

Fwile 14:19

Kazambale lé lanje lé éé tawoo Izraɛl lé sɔkɔndɔna ’lɛ, é si ana yé é go wo zuo; yé lati pɔrɔlɔ lé éé goo wo ’lɛ, é si ana yé é dɔ wo zuo.

Fwile 15:16

Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.

Fwile 15:17

I dan go lɛ wo nya yé i dan wo nyana lɛ, gɔ lé i dan a nɔ lɛ wo lɛ wozé tɔnɔ nya, a nwiin, Fɛ lé bé na kɛlɛ i nyanana nya, ana, oo Gakelebale, Fɛna sauun lé bé kɛlɛ, ana, oo Mizan.

Fwile 23:23

Anlé lanje é dan tawo lɛ i ’lɛ, yé é dan go lɛ i nya, Amorénu koo, Étinu koo, Férézinu koo, Kanaannu koo, Éévinu koo, Jébusinu koo, wo va, yé maa dan wo si lɛ tɛrɛ la tata.

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Fwile 33:14

Gakelebale léé: Maabozen é dan go lɛ i va, yé maa dan flinle nɔ lɛ i lɛ.

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Mi Nɔnɔle 22:22

Bale bli fli a gole ma, yé Gakelebale lanje do dɔ a ’lɛ, zi dɔle a lee we ma. ’Té Balaam a é nyanale élé sokofale tina ta, ’té a wuomi fié a a va.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

WENÉNÉ LE JAN A GYE (Évangile selon Jean) 14:3

Yé dé maa go, dé maa ka nyanana ma’lɛrɛ faa, maa dan da lɛ é ziin, yé maa dan ka sia lɛ yé maa go ka nya, yé fɛana lé an ke, yé ka kɛlɛ ana é ziin.

Bélidɔwesɛbɛ Fiézan 33:2

É léma: Gakelebale si Sinai; É nwa Séii wolé we gi, Élé fuasan gɔɔn Paran gɔ la, É bɔra mi sauun kiɛre kiɛre méléna; Bélidɔwe lé é ke bélé kyɛ zo, é a pa wo lɛ zia é bɛ nya.

Jozué 23:5

Gakelebale, kalé Bale, é dan wo nyunu lɛ ka ’lɛ yé é dan wo bin lɛ ka ’lɛ; yé ka dan wolé tɛrɛ si lɛ kazé nya, Gakelebale, kalé Bale a fe ka lɛ fɛan zo, a zo.

Jozué 5:13

Naa, Jozué bɔ aan wo Jériko sɔnɔ, é yara nwa loru, yé é a nagini yé bé ye, mi do a é dɔle a yara tegele, élé gwɔun nya é lee. Jozué go a va yé é lé a lɛ léé: I a ko va laa, i a ko nyanézannu vaa?

Jozué 5:14

É a zi pa léé: Gba, naa, maa a Gakelebale lé gulizilɛzan nya; da lé maa a wo bɛ. Jozué dia é bli la yé é ’wuo wɔra a gane wuo, yé é lé a lɛ léé: Mɛ we lé anzan é dan a fe lɛ ’é wuozan lɛɛ?

Jozué 6:2

Gakelebale lé Jozué lɛ léé: Bé ye, Jériko koo, a nwiinzan koo, alé gulizilɛ sunyanu koo, an wo nɔ i lɛ.