Fwile 23:19 - Kazambale lé Sebe Sauunu 1979

¹⁹ I lé féifɛ vinin lé ke é zima, i dan da lɛ a nya Gakelebale ilé Bale lé kɔn gi. Té i boliné dɔne é bu nyɔyi va lo.

Fwile 23:19 ပူးပေါင်းရင်းမြစ်များ

Néémi 10:35

Ko dére kɛlɛ do léé, lɛɛ do do ma ko da kolé féifɛ vininnu valé yilinu faa poro vininnu nya Gakelebale lé kɔn gi.

Néémi 10:36

Ko fe é ziin léé, ko dan da lɛ kolé négɔné vininnu koo, kolé winu lé né vininnu koo, kolé diri lé né vininnu valé kolé ’bla lé né vininnu koo, wo nya, Balebanzannu lé wo ke nyanama pana kolé Bale lé kɔn gi, wo lɛ, fɛan zo lé wa gyɛ bélidɔwe sɛbɛ gi, a zo.

Fwile 22:28

Té i bale pa Kazambale ma lo; té i bale pa ilé munu nwiinzan ma lo.

Fwile 22:29

Té i mɔn ilé féifɛ vininnu valé ilé dɔrɔféifɛ vininnu nɔna an lɛ lo. Ilé né vinin lé ke gɔné nya, i dan a nɔ lɛ an lɛ.

Fwile 34:26

Ilé féifɛ vinin lé ke é zima, i dan da lɛ a nya Gakelebale, ilé Bale lé kɔn gi. Té i boliné dɔne é bu nyɔyi va lo.

Wegɔnévɔlenu 12:10

Mi tegele élé winu paan, naa mi nyanénu gi a pɔnpɔn.

Wegɔnévɔlenu 3:9

’I Gakelebale bɔ i leefɛnu valé ilé féifɛ vininnu faa nya,

Jérémi 10:3

Naa, munu gɔnɔlawenu a boawe nya, Woo yili bɔié pɔrɔ gi; Nyanamapazan a ma nyanama paan zaa nya,

Ézékiɛl 44:30

Féifɛ vininnu valé blɛfɛnu faa lé ka dan wo nɔ lɛ wo nwale loru nya, wo dan kɛlɛ lɛ Balebanmunu zé nya. Ka kalé buruyɔɔ vininnu nɔ Balebanmunu zé nya, léé, Bale é ka drɔɔ vo.

Ézékiɛl 48:13

Lévinu zé é dan kɛlɛ lɛ Balebanmunu zé glɛ yɛrama. Wolé tɛrɛ sangi é dan kɛlɛ lɛ yili baa vu ta fié wuru soru, yé a ’wuola ’é kɛlɛ yili baa soru. A sangi faa é dan kɛlɛ lɛ do yé a ’wuola é kɛlɛ do.

Ézékiɛl 48:14

Wo ’ka bɔa a do kpen danle lɛ lo, yé wo ’ka bɔa a do kpen tavɔɔle lɛ lo. Yé té wo go tɛrɛ ’ko la féifɛ vininnu nya fɛ bɛna lo; naa, wa é pale é yɛrama Gakelebale zé nya.

Mi Nɔnɔle 15:21

’Ka maa, Gakelebale ban kalé buruyɔɔ vinin nya, lɛɛnu lé wo dan bɔ lɛ bɛ, wo gi.

1 Korent munu 15:20

Naa, webozen lé, Krist nwa gale va; é a mi vinin lé é nwa gamunu va, a nya.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Bélidɔwesɛbɛ Fiézan 26:10

Sin, oo Gakelebale, tɛrɛ lé bé nɔ an lɛ bɛ, a tafɛ vininnu lé maa da a nya i lɛ ’ko. I dan wo dɔra lɛ Gakelebale, ilé Bale ’lɛ, yé i dan dia lɛ i bli la Gakelebale, ilé Bale ’lɛ.

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;