Fwile 23:14 - Kazambale lé Sebe Sauunu 1979

¹⁴ Lɛɛ do gɔnɔ yaa, ’ka fɛti kɛlɛ an tɔ bɔle we gi.

Fwile 23:14 ပူးပေါင်းရင်းမြစ်များ

1 Minwiinzannu 9:25

Salomɔn Bale ban, balebanwi lé wa kyɛ blé, a nya, yé é bɔvɔ sarakanu bo lɛɛ do gɔnɔ yaa, balebanna lé é a kɛlɛ Gakelebale zé nya, a ta, yé é lasikɔrɔnu kyɛ ble, balebanna lé ke Gakelebale ’lɛ, a ta. Yé é kɔn dɔle lɛ sɔɔ.

2 Minwiinmunu lé Wezuofe Sɛbɛ 8:13

Fɛan Moizi a fe léé, wa nɔ yi faa do do ma koo, flinyinu koo, moné dɛrɛ bɔralenu koo, fɛtinu koo, wozé bléyi va, yee lé Salomɔn a no; lɛɛ do do gi fɛti yaa, buru lé lévɛn ’ka a va lo koo, flɛyinu lé fɛti koo, fɛti lé wa kɛla faa wuo koo, é ’bɛnu é kɛlɛ.

Fwile 23:17

Lɛɛ do gɔnɔ yaa gɔnénu faa é dan da lɛ Mizan, Gakelebale ’lɛ.

Fwile 34:17

Té i fɛ do kpen sele yé é kɛlɛ ilé bale nya pelo.

Fwile 34:18

Buru lé lévɛn ’ka a va lo, i dan alé fɛti kɛlɛ lɛ; yi sɔrafié nya, bléyi lé wa dɔ ’sa sola moné nya, a nya; buru lé lévɛn ’ka a va lo, i dan a ble lɛ, maa i bélidɔ fɛan zo, a zo, naa, ’sa sola moné nya lé ka fwi Éjipiti tɛrɛ la.

Ézékiɛl 46:9

Naa, zén‐ékeva plɛplɛnu bléyi va, dé tɛrɛ ’ko la munu a dana Gakelebale ’lɛ, diale ’wo bli la we gi, mian é dan wɔra lɛ yirinwana bɛbolazia zi léé, é dan bɔra lɛ yirinwana bɛyilazia, yé mian é dan wɔra lɛ yirinwana bɛyilazia zi ’léé. É ’ka lé mi é bɔra gɔrɔ ’léé lé é wɔra ana, ana lo, naa, é a lé mi é bɔra gɔrɔ ’léé lé é ke a ’lɛzia, ana.

Lévinu 23:16

’Ka yi yɔ fié wɔlɛ vu nɔnɔ fɔɔ yé é bɔ flinyi sɔrafiézan ta tu kinile ma; yé ka dan blɛ dɛrɛ kɛlɛ lɛ Gakelebale lɛ.

Lévinu 23:34

Bé fe Izraɛl lé nénu lɛ léma: Moné sɔrafiézan ’ko lé yi vu ta soruzan nya, é dan kɛlɛ lɛ fɛti lé wa kɛla faa wuo, a nya, Gakelebale tɔ bɔle we gi, yi sɔrafié.

Lévinu 23:4

Gakelebale lé fɛtinu, zénle ékeva plɛplɛnu lé ka dan wo zana dɔɔ lɛ wozé bléyi va, wo lé ke ’ko:

Lévinu 23:5

Moné vininzan lé yi vu ta ziɛnzan nya, nyanadi yiri zɔrɔ nya, é dan kɛlɛ lɛ Gakelebale lé Taboyi nya.

Bélidɔwesɛbɛ Fiézan 16:1

’Sasola moné nya lé Gakelebale, kalé Bale ka si Éjipiti tɛrɛ la é béli, amalé ’ka ’sasola moné lé fɛti kɛlɛ yé ’ka Taboyi lé fɛti kɛlɛ Gakelebale, kalé Bale tɔ bɔle we ma.

Bélidɔwesɛbɛ Fiézan 16:16

Lɛɛ do gɔnɔ yaa ka va gɔnénu faa é dan da lɛ Gakelebale, kalé Bale ’lɛ, fɛna do lé é dan a si lɛ a va, ana; buru lé lévɛn ’ka a va lo, ’bɛlé fɛti a do; flɛyinu lé fɛti a do; fɛti lé wa kɛla faa wuo, ’bɛ a do. Té ’wo da Gakelebale ’lɛ wo lee koro nya lo.

1 Samuɛl 1:3

Lɛɛ do do gi, gɔné ’ko éé sié élé fla yé éé goo Silo diale é bli la we gi lai sunyanu lé Gakelebale ’lɛ, ’é valé a banle we gi. ’Bɛna lé Gakelebale banzannu fié ke, Éli benu Ofoni valé Finé lé.