Fwile 23:13 - Kazambale lé Sebe Sauunu 1979

¹³ We faa lé maa a fe ka lɛ, ka dan a kɛlɛ lɛ, yé té ka bale bɛnu tɔ fe lo; té wa ’ma boenwo ka ’léé monomono lo.

Fwile 23:13 ပူးပေါင်းရင်းမြစ်များ

Lɛrɛvɔ Sɛbɛ 16:4

Wo miyilinu kɛlɛ di, yé woo vlanburuwo bale bɛnu zuo; Nyɛ lé wa zanaan yobanfɛ nya, maa ’ka ’bɛ zanaan lo. Maa wo tɔ fé an lɔlu nyaa? Pelo!

Lɛrɛvɔ Sɛbɛ 39:1

David lɛrɛ ’ko vɔle gɔɔn lɛrɛvɔzannu zilɛzan Jédutun lɛ. David a vɔ.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 23:32

Té i gi pa do wo va lo, té i gi pa do wolé balenu va lo.

Jérémi 10:11

’Ka fe wo lɛ léma: Balenu lé wo ’ka lanu valé tɛrɛ kɛlɛ lɛ lo, Wo dan san lɛ tɛrɛ la, yé wo dan san lɛ lanu wuo.

OZÉ (Osée) 2:17

’Bɛna lé maa dan alé dɔrɔféinu nɔ lɛ a lɛ, yé maa dan Akɔɔ pɛnguru gi nɔ lɛ a lɛ léé, sin, zi a a lɛ, yé ’bɛna lé é dan lɛrɛ vɔ lɛ bélé a boroné la bléyi va zé zo, bélé a sile Éjipiti tɛrɛ la bléyi va zé zo.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Mi Nɔnɔle 32:38

Nébo koo, Baal‐Méɔn koo, Rubɛn munu wo pa. Wo wo tɔnu nɔla, yé wo Sibima pa. Yé flanu lé wo wo pa, wo wo tɔ pa.

Éfez munu 5:12

Naa, we lé wa kɛla kyeen gi, a fele a yaragyɛwe nya;

Éfez munu 5:15

Bɛwemalé, ’ka yuɛ pa ka giégane va; té ka tawo bélé ’tugyɛmunu zo lo; naa, ’ka tawo bélé wedɔɔmunu zo.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 4:15

Yian nya lé Gakelebale we fe ka lɛ kyɛ worona Orɛb gɔ nwiin, ka mi yara yee? Amalé ’ka yuɛ pa kabozennu va é zima,

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

1 Timoté 4:16

’I yuɛ pa ibozen valé ilé we paale va; ’i yara pa we ’konu ta. Naa, dé i wo kɛlɛ i dan ibozen si lɛ we gi, yé wo lé woo i dére maan, i dan wo si lɛ we gi é ziin.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

Jozué 23:11

’Ka yuɛ pa kabozen va é zima Gakelebale, kalé Bale lɔrɔ pale we gi.

Jozué 23:7

Bɛn ’konu lé wo vo ka méléna, té ka vɔɔ wo nya lo, té ka wolé balenu tɔ fe lo, yé té ka bale ’nyɔɔn wolé balenu tɔ nya lo, té ka wo bɔ lo, yé té ka dia wo ’lɛ lo.