Fwile 22:30 - Kazambale lé Sebe Sauunu 1979

³⁰ I dan ilé diri valé ilé ’bla lé né vinin nɔ lɛ an lɛ é ziin; é dan vo lɛ é bu va yi sɔrafié; a yi sɔraazan nya, yé ’i da a nya an lɛ.

Fwile 22:30 ပူးပေါင်းရင်းမြစ်များ

Wepélisiananu 17:12

’Ka ka va gɔnénu faa gane dɔ wo yi sɔraazan nya, wo kulu é kulunu nya; dé wa yaa ilé kɔn gioo, dé bé lɔ bɛn bɛ mi lee yé é ’ka i bɛn nya looo, ’ka wo gane dɔ.

Fwile 13:12

ka dan né vininnu faa pa lɛ é yɛrama Gakelebale zé nya, dé é a kalé winu lé né vininnu nyaoo, gɔnénu a Gakelebale zé nya.

Ézékiɛl 4:14

Yé maa léé: Aa, Mizan Gakelebale, bé ye, anboen tiri ’ka dɔ lɛ monomono lo; é sia an kiéné ma fɔɔ bléyi ’ko va, dé é a wi gale nyaoo, dé é a wi lé fɛ a gyɛ, a nyaoo, maa ’ka tan a vinin ble lɛ lo. Yé wi nɛ tiridɔle ’ka tan wɔra lɛ an ’léé lo.

Lévinu 11:44

Naa, maa a Gakelebale, kalé Bale nya; maa a sauun, amalé ’ka kabo pa é yɛrama, yé ’ka kɛlɛ sauun; té ka kabo gi sɛrɛ wi kénénénu faa lé woo giéan tɛrɛ va bɛ, wo nya lo.

Lévinu 11:45

Naa, maa a Gakelebale lé é ka si Éjipiti tɛrɛ la, a nya, kɛlɛle kalé Bale nya we gi, ’bɛ valé ka kɛlɛle sauun we gi lé maa kɛlɛ; naa, maa a sauun.

Lévinu 12:3

A yi sɔraazan nya, ’wo né gane dɔ.

Lévinu 17:15

Dé flami léé, dé bɛn bɛ mi léé, mi faa lé wo wigale ble, ɛɛ, dé wi lé fɛ a kini ékema, dé mi do a ble, é dan élé sɔnu zuru lɛ yé ébozen zuru yé é dan vo lɛ duowo é naané fɔɔ nyanadi, ’bɛ zuo yé ’é kɛlɛ tegele.

Lévinu 22:27

dé diri léé, dé ’bla léé, dé boli léé, dé é né yaa, a né é dan vo lɛ é bu va yi sɔrafié; é sia a yi sɔraazan ma, wa nyi sié léé, saraka lé kyɛ a blé, ’wo ’bɛ bo a nya Gakelebale lɛ.

Lévinu 22:8

Dé wi gale léé, dé wi lé a kɔlɛ ma mian, dé yee léé, té é a ble lo, dé ’bɛ é da a kɛlɛ naané. Maa a Gakelebale nya.

Lévinu 7:23

Bé fe Izraɛl lé nénu lɛ léma: Diri koo, ’bla koo, boli koo, té ka wo nyɔnɔ ble lo.

Lévinu 7:24

Dé é a wi gale nyaoo, dé é a wi lé a ma mian, a nyaoo, dé é sɔ ka lɛ léé, ka kɛlɛ fɛan zo a nyɔnɔ nya, ’ka kɛlɛ, naa, té ka a ble lo.

Lévinu 7:26

Dé é a miané nyaoo, dé é a wi nyaoo, dé ka nyana fɛofɛanna, té ka wo nyɛ ble lo.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Bélidɔwesɛbɛ Fiézan 15:19

Ilé dirinu koo, ilé ’blanu koo, ilé bolinu koo, wolé né vinin lé wa yaa gɔné nya, i dan wo faa nɔ lɛ Gakelebale, ilé Bale lɛ. Té i nyanama pa ilé diri lé né vinin nya lo; té ilé ’bla lé né vinin ma kyɛɛ bɔi lo.