Fwile 22:20 - Kazambale lé Sebe Sauunu 1979

²⁰ Mian éé bale bɛnu baan Gakelebale pa gi, wo dan a si lɛ tɛrɛ la tata.

Fwile 22:20 ပူးပေါင်းရင်းမြစ်များ

1 Minwiinzannu 18:40

Éli lé wo lɛ léé: ’Ka Baal lé balelayezannu kun. Té wo va mi do kpen é so a ta lo. Yé wo wo kun. Éli zun wo nya Kizɔn yuubɛ gɔɔn ma yé é wo bɔrɔ bo ’bɛna.

2 Minwiinzannu 10:25

É nyaa winu kyɛblele nya aan wo, Jéu lé vlanburuzannu valé sunyanu nwiinzannu lɛ léé: ’Ka wɔra, ’ka wo gyɛ, té a do kpen é bɔra lo. Yé wo wo gyɛ gwɔun nya. Vlanburuzannu valé sunyanu nwiinzannu go wo gyɛle nya yé wo bɔ Baal lé kɔn wɔlɛ ma.

2 Minwiinmunu lé Wezuofe Sɛbɛ 15:13

yé dé miomian ’ka Gakelebale Izraɛl lé Bale naginian lo, dé é a mi kiéné nyaoo, dé é a mi blɛn nyaoo, dé é a gɔné nyaoo, dé é a le nyaoo, é a lé wa gyɛ.

Fwile 23:9

Té i yaa bɛn ta lo; ka a turu bɛnnu nya Éjipiti tɛrɛ la, amalé bɛn éé ’wuo dɔa wean wuo, ka a gi dɔɔ.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:15

’I yuɛ pa ibo va, té i gi pa do ana tɛrɛlamunu va lo, dé wa gona ’wolé balenu zuo, bélé bɔrɔdɛ le éé goo gɔnénu zuo fɛan zo, a zo, ’té woo ’wolé balenu baan, dé wo da ka laa yé ka wolé balebanwi ble;

Ézékiɛl 20:7

Maa lé wo lɛ léma: Bozofɛnu lé woo ka sian ana, ’ka sɔn vɔ wo faa ma. Té ka kabo tiri dɔ Éjipiti munu lé miyilinu nya lo. Maa lé ke Gakelebale, kalé Bale nya.

Lévinu 17:7

Yonu lé wo go wo zuo bélé bɔrɔdɛ le zo, té ’wo wo ban é dɛrɛ lo. É a bélidɔwe lé a glɛ ’ka lo, a nya, wo valé ’wo kulunu zé nya.

Lévinu 19:33

Dé bɛn bɛ mi da nyana lɛ ka va kalé tɛrɛ la, té ka yaa a ta lo.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Mi Nɔnɔle 21:3

Gakelebale Izraɛl dére ’ma, yé é Kanaan munu pa wo lee. Wo bale pa fla valé a tamunu faa ma yé wo wo sɛrɛ tata, yé wo fɛkona tɔ pa Ooma.

Bélidɔwesɛbɛ Fiézan 10:18

éé we tegele kɛla bugalazannu valé tigalazannu valé gyɛzaralomu lɛ; éé bɛn lɔrɔ paan yé éé fɛblele valé sɔ no wo lɛ.

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Bélidɔwesɛbɛ Fiézan 23:8

wo kulu yaazan é bɔa wɔrale lɛ Gakelebale lé zén‐ékeva na.

Bélidɔwesɛbɛ Fiézan 24:17

Bɛn bɛ gi mi koo, ti valé bugalazan koo, té ka wolé se si wo lee lo; té i zanagalale lé sɔ si a bɛfɛ nya lo.