Fwile 21:2 - Kazambale lé Sebe Sauunu 1979

² Dé i Ébru mi lɔ luu nya, é dan nyanama pa lɛ lɛɛ suiɛdo; naa, a lɛɛ sɔrafiézan nya é dan vo lɛ éboma yé é ’ka dan gɔɔli nɔ lɛ lo.

Fwile 21:2 ပူးပေါင်းရင်းမြစ်များ

Wepélisiananu 27:28

Kazambale ’é lagi fli vɔ i ta ma; Yé ’é tɛrɛ nyɔnɔ nɔ i lɛ ma; ’É ’sa valé dɔrɔ nɔ i lɛ kiɛre ma.

Wepélisiananu 27:36

Ézau léé: A tɔ laale Jakɔb lé we ma lé é dɔ an pa gi gɔnɔ fiéé? É an dɔna si yé sin é da anlé drɔɔ vole si lɛɛ? Yé é lé é ziin léé: I ’ka drɔɔ vole do kpen tadɔ lɛ anzé nya loo?

2 Minwiinzannu 4:1

Balelayemunu va mi do na siaa Élizé lɛ yé é léé: I wuozan, an zana, ga, yé bé gi dɔɔ léé, yee i wuozan éé kanaan Gakelebale lee; sin, vɛɛnzan da anlé nénu fié si lɛ, wo kɛlɛle luunu nya we gi.

Néémi 5:8

yé maa lé wo lɛ léé: Ko kwa kuli yé Juifinu lé wo wo dan bɛnnu lee, ko wo tabo ’naan, yé ’kaa, ka ka bwenu daan ka ke lee? Wo vo é tadɔle; wo ’ka a zi vɔ dére do ye lɛ lo.

Fwile 12:44

Luu faa lé ka wo lɔ gɔɔli nya, ’ka wo gane dɔ, a zuo wa ble.

Fwile 21:3

Dé é wɔra luu gi é do, é dan bɔra lɛ é do; dé a na a, wo dan bɔra lɛ ’bɛ nya.

Fwile 21:7

Dé mi do é lu dan luu nya, é ’ka dan bɔra lɛ bélé luunu éé bɔraan fɛan zo, a zo lo.

Lévinu 25:54

Dé a tabozan do kpen ’ka ye lɛ lo, é dan bɔra lɛ lɛɛ nyané gi, yee valé é nénu nya.

Matio 18:25

Fɛ do kpen ’ka aan wo gɔnézan lee vɛɛn banwofɛ nya lo, azan léé, ’wa dan, yee koo, a na koo, alé nénu koo, alé fɛnu faa koo, ’wo wo dan, ’élé vɛɛn banwole we ma.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

Bélidɔwesɛbɛ Fiézan 15:1

Lɛɛ suiɛdo a sɔrafiézan nya, ka dan mivoébomawe kɛlɛ lɛ.

Bélidɔwesɛbɛ Fiézan 15:18

Té a vole éboma é ’na i ma lo, naa, é ilé nyanama pa lɛɛ suiɛdo; ’bɛ fila vɔ i lɛ é mini nyanamapazan pla banwole ta gɔnɔ fié; yé we faa lé bé kɛla, Gakelebale ilé Bale é dan i drɔɔ vo lɛ a gi.

Bélidɔwesɛbɛ Fiézan 31:10

Moizi dére ’ko fe wo lɛ yé é léé: Lɛɛ suiɛdo a sɔrafiézan faa bɔle nya, mivoéboma lɛɛ nya, sɔkɔn lé fɛti kɛlɛbléyi va,