Fwile 20:7 - Kazambale lé Sebe Sauunu 1979

⁷ Té i Gakelebale, ilé Bale, tɔ fe é pla lo; mi lé é Gakelebale tɔ fe é pla, Gakelebale é dan ’é lɛdɔ lɛ ’bɛzan gi.

Fwile 20:7 ပူးပေါင်းရင်းမြစ်များ

Wepélisiananu 27:20

Izak lé é be lɛ léé: I! An be, bé ye tɛkɛɛ? Jakɔb a zi pa léé: Gakelebale, ilé Bale, da a nya an lɛ.

1 Minwiinzannu 2:9

Sin, té bé vo yé wo ’ka we lɛ dɔa a gi lo lo; naa, i a wedɔɔzan nya yé we lé é a lé bé kɛlɛ a lɛ, bé gi dɔɔ. Bé kɛlɛ léé, dé a nwana bɔoo, ’é go gamunu nyanana nyɛ nya é ta.

2 Minwiinzannu 5:20

Bale lé mi Élizé wuozan Géazi lé é bli gi léé: Anzan Siri mi Naaman ’ko vo yé fɛ lé é da a nya, é ’ka a si lɛ a lee lo; Gakelebale a é yuɛma. Maa dan vlan buru lɛ a zuo yé maa dan fɛ ke si lɛ.

Lɛrɛvɔ Sɛbɛ 139:20

Woo we fé i ma mi ple lé wefebɛ nya, Woo i tɔ fé vié we gi, woan wo ke i nyanézannu nya, woo lé.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Jérémi 34:16

Naa, ka dére nɔla sin yé ka an tɔ sɛrɛ; yé luugɔnénu valé luudanénu lé ka zi nɔ wo lɛ yé ka wo vo wobo ma bɛ, ka wo si é ziin, yé ka wo kɛlɛ luunu valé ka wuozannu nya wo pa gi gla nya.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Ézékiɛl 39:7

Maa dan an tɔ sauun nagɔɔn lɛ anlé munu Izraɛl lɛ, yé maa ’ka dan a nyi si lɛ léé, wo an tɔ sauun sɛrɛ é dɛrɛ lo, yé bɛnnu é dan a gi dɔɔ lɛ léé, maa lé ke Gakelebale nya, Izraɛl lé Mi Sauun nya.

Lévinu 19:12

Té ka bale ’nyɔɔn an tɔ nya vié nya lo, naa, dé bé kɛlɛ, ’té ilé Bale tɔ kɛlɛ fɛ pla nya. Maa a Gakelebale nya.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

2 Korɛnt Munu 1:23

Naa, maa Kazambale si anbozen lé wenayezan nya léé, maa ’ka a va léé, ka bli kyɛ é dɔ lo, amalé maa ’ka go lɛ Korɛnt lo.

Bélidɔwesɛbɛ Fiézan 10:20

’Ka kana Gakelebale, kalé Bale lee, ’ka a bɔ, ’ka buvɔ a ma, ’ka bale ’nyɔɔn a tɔ nya.

Bélidɔwesɛbɛ Fiézan 5:11

Té i ’yee Gakelebale, kalé Bale tɔ fe é pla lo; mi lé é ’yee Gakelebale tɔ fe é pla, ’yee Gakelebale ’é dan ’é lɛ dɔ lɛ ’bɛzan gi,

Bélidɔwesɛbɛ Fiézan 6:13

’Ka kana Gakelebale, kalé Bale lee, ’ka a bɔ, ’ka bale ’nyɔɔn a tɔ nya.

SEBE LÉ JAK A GYE (Épitre de Jacques) 5:12

An bwenu, we faa va we blɛn lé é ke ’ko: té ka fɛ ’nyɔɔn lo. Dé é a la nyaoo, dé é a tɛrɛ nyaoo, dé é a fɛofɛan nyaoo, té ka a do kpen ’nyɔɔn lo. Naa, kalé iin ’é kɛlɛ iin nya ma, yé kalé gba ’é kɛlɛ gba nya ma, dé we é da dɔ ka nwiin.

Jozué 2:12

Sin, kalé zanté, ’ka Gakelebale ’nyɔɔn léé, an wezin kɛlɛ ka lɛ fɛan zo, ka dan wezin kɛlɛ lɛ an ti lé munu lɛ a zo.

Jozué 2:17

Munu ’konu lé a lɛ léé: Bale lé, i léé, ko ’nyɔɔn, ko dan si lɛ a gi ’ko zo:

Jozué 9:20

Ka ye, we lé ko dan kɛlɛ lɛ wo lɛ, ko dan wo vo lɛ é yuɛma, té Gakelebale lé bliflile é dia ko ta lo we gi, we lé ko fe bale ’nyɔɔnle nya, a we ma.