Fwile 20:4 - Kazambale lé Sebe Sauunu 1979

⁴ Té i miyili nyaa lo; fɛnu lé wo ke lanu gi koo, wo lé wo ke tɛrɛ la koo, wo lé wo ke ’yinu va tɛrɛ sɔnɔ mi koo, té i wo va fɛ do kpen foto kɛlɛ lo.

Fwile 20:4 ပူးပေါင်းရင်းမြစ်များ

1 Minwiinzannu 12:28

Dé é ’é gi bɔrɔ faa minwiinzan kyandiriné kɛlɛ fié yé é lé munu lɛ léé: Izraɛl munu, ka gole Jérusalɛm bɔ é yi; kalé Bale lé é ka si Éjipiti tɛrɛ la, yee lo.

2 Minwiinzannu 17:12

Miyilinu lé Gakelebale wo ma we fe léé, té ’wo wo bɔ lo, wo wo bɔ.

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

Lɛrɛvɔ Sɛbɛ 78:58

Wa bli fli wolé gɔ nwiin yobannanu nya, Yé walé maawole nwa wolé miyilinu nya.

Lɛrɛvɔ Sɛbɛ 97:7

Munu faa lé woo miyilinu bɔa, ’Té woo miyilinu tɔ bɔa, yara wo gyɛ. Balenu faa éé diaan a ’lɛ.

Fwile 20:23

Té ka gɔɔlifubalenu valé kyanbalenu kɛlɛ, wo pale an va we ma lo; té ka wo kɛlɛ monomono lo.

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Fwile 32:23

Wo lé an lɛ léé, ’an bale do kɛlɛ ’wo lɛ, yé é tawo wo ’lɛ; naa, Moizi ’ko lé é ’wo fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ’wo ’ka ’bɛ gi dɔɔa lo.

Fwile 32:4

É wo si wo lee yé é wo zén folibofɛ gi yé é sele yé é wo kɛlɛ diriné nya. Yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:17

Té i fɛ do kpen sele yé é kɛlɛ ilé bale nya pelo.

Ézai 42:17

Wo dan gyɛ lɛ ’wo zuo, yaragyɛwe é dan bɔ lɛ wo ma, Munu lé woo paan miyilinu ta, Munu lé wa fé miyili selelenu lɛ léé, ka a kolé bale nya, woo lé.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 45:16

Yaragyɛwe é dan bɔ lɛ miyilinyaazannu ma, Yé yara é dan wo gyɛ lɛ, ’Té woo goo yowuli yowuli.

Ézékiɛl 20:7

Maa lé wo lɛ léma: Bozofɛnu lé woo ka sian ana, ’ka sɔn vɔ wo faa ma. Té ka kabo tiri dɔ Éjipiti munu lé miyilinu nya lo. Maa lé ke Gakelebale, kalé Bale nya.

Ézékiɛl 8:10

An wɔra, yé maa nagini, ’té tawoplɛlawinu koo, wi naanénu koo, Izraɛl munu lé miyilinu faa koo, wo fotonu a é dɔle guru ma fɛfaana.

Ézékiɛl 8:3

Yé fɛ do lé ke mi bɛ zo, é a soi yé é an kun an nwun ma. Yé Léli an si an pɔlɛ gi yé é go an nya tɛrɛ valé la méléna, yé é go an nya yuɛzi gi Jérusalɛm, flagɔrɔ ’léé lé ke yirinwana bɛbolazia, ana, miyili lé, éé Gakelebale lé maawole nwaan, é ke fɛana, ana.

Lévinu 19:4

Té ka go miyilinu zuo lo, yé té ka bale selelenu kɛlɛ kabo lɛ lo.

Lévinu 26:1

Té ka miyilinu kɛlɛ kabo lɛ lo, té ka fɛ do kpen foto kɛlɛ lo, té ka yobɔ kɛlɛ lo; gɔlɛ lé wa ma guru vɔ mi ’wuo foto nya, té ka do kpen dɔ kalé tɛrɛ la, ka diale wo ’lɛ we gi lo; maa a Gakelebale, kalé Bale nya, azama.

Mi Nɔnɔle 12:8

Ko valé yee éé we fé ko ke lɛ kpaklaa, ’té we yɔɔle ’ka a gi lo, yé maa, Gakelebale a fɛan zo, éé a yé. Mɛmalé ka ’ka kanaan we fele ma an wuozan Moizi ma loo?

Kelewenu 17:29

Bɛwemalé, dé ko a Kazambale dɔgɔnɔ nya, té é dɔ ko gi léé, Bale a bélé kyan koo, gɔɔli fu koo, gɔlɛ lé munu a nyaa gi kini valé nyanama pale nya koo, wo zo lo.

Rom munu 1:23

yé Bale lé é ’ka gaan lo, wo alé fuasan tavɔɔ mi lé ’bɛ éé gaan, a yili nya, ’bɛ valé mianénu koo, ganelawinu koo, tawoplɛlawinu koo, wo yili nya.

Bélidɔwesɛbɛ Fiézan 16:22

Té ka yowɔlɛnu kɛlɛ lo; Gakelebale, kalé Bale léabo ’bɛ ma.

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Bélidɔwesɛbɛ Fiézan 5:8

Té i miyili nyaa lo; fɛnu lé ke lanu gi koo, wo lé ke tɛrɛ la koo, wo lé ke ’yi va tɛrɛ wuo koo, té i wo va fɛ do kpen foto kɛlɛ lo.

Wegɔɔnle 16:2

A vininzan go yé é élé kana gi bliflile zana tɛrɛ va. Yé manɔn naané tɔntɔn vɔ munu lé, wi lé tɔmase ke é gyɛle wo ma, ’té woo buaan ’wo bli la a yili ’lɛ bɛ, wo ma.

Wegɔɔnle 9:20

Mi koɛnu lé, fɛ yaa ’ko ’ka ’bɛnu gyɛ lɛ lo, ’bɛnu ’ka ’wo bli si lɛ ’wo bɛ kɛlɛfɛnu lɛ lo; miyilinu lé wa kɛlɛ kyan koo, gɔɔlifu koo, zéné koo, gɔlɛ koo, yili koo, wo nya, ’té wo ’ka bɔa fɛ yele valé we ’male valé tawole lɛ lo, munu ’ka daan lɛ wo bɔle valé yonu bɔle ma lo;

Weblezannu 17:3

É gɔɔlifu sikla wuru soru yɔ soru nɔ é bu lɛ; yé a bu léé: Maa gɔɔlifu ’ko pa é yɛrama Gakelebale zé nya, miyili nyaale valé miyili folile an be zé nya we gi; ’bɛ zo lé maa dan a nɔ lɛ i lɛ é ziin.