Fwile 20:3 - Kazambale lé Sebe Sauunu 1979

³ Té i bale bɛnu pa an pa gi lo.

Fwile 20:3 ပူးပေါင်းရင်းမြစ်များ

1 Minwiinzannu 11:4

Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.

Lɛrɛvɔ Sɛbɛ 29:2

’Ka tɔ blɛn nɔ Gakelebale lɛ. ’Ka dia ka bli la Gakelebale ’lɛ, ’té kalé Bale la ’lɛrɛfɛnu a ka ta.

Lɛrɛvɔ Sɛbɛ 73:25

De ɛ ke anzé nya la gii? Bii do kpen kaan loo? Yé an gi éé nanaan bii do ɛ gi tɛrɛ la ’ko.

Lɛrɛvɔ Sɛbɛ 81:10

Té bale bɛ do kpen é kɛlɛ ana ka va lo, Té ka dia ka bli la bale bɛnu ’lɛ lo.

Lɛrɛvɔ Sɛbɛ 81:9

Anlé munu, ’ka tɔné dɔ yé maa dan we do lɛ kini lɛ ka lɛ; Izraɛl munu, ’ka tɔné dɔ an lɛ ma.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 20:23

Té ka gɔɔlifubalenu valé kyanbalenu kɛlɛ, wo pale an va we ma lo; té ka wo kɛlɛ monomono lo.

Fwile 22:19

Dé mian yi gyɛ wi va, wo dan ga dɔ lɛ a nwiin.

Fwile 23:24

Té i dia i bli la wolé balenu ’lɛ lo, té i wo bɔ lo; té i wolé tawobɛ zuo sona lo, naa, ’i wo guru zana a gi, yé ’i wolé miyilinu yéli.

Fwile 32:8

Zi lé maa a gɔɔn wo lɛ, wa saan é kele; wo diriné selele kɛlɛ ’wobo lɛ, yé wo dia ’wo bli la a lɛ; wo sarakanu bo a lɛ, yé wo léé: Izraɛl, ilé bale lé é i fwi Éjipiti tɛrɛ la, yee lo.

Fwile 34:14

Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Ézai 26:4

’Ka pa Gakelebale ta, té ’bɛ glɛ é dɔ lo, Naa, Gakelebale a gɔlɛgɔ nya lɛɛfaama zé nya.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Jérémi 25:6

Té ka go bale bɛnu zuo, wo bɔle valé ka diale wo ’lɛ we ma lo, té ka an bli fli ka bɛ kɛlɛfɛnu nya lo, yé maa ’ka dan wenaané do kɛlɛ lɛ ka lɛ lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 7:9

Mɛ ɛ kɛlɛɛ? Ka kyeen woo, ka mi gya, ka mi bɛ na valé mi bɛ zana ginian, ka bale ’nyɔɔn‐an vié nya, ka lasikɔrɔpo kyɛ blé Baal lɛ, ka goo bale bɛnu lé ka ’ka wo dɔɔa lo, wo zuo.

Daniɛl 3:18

Naa, dé ’bɛ kaan lo, é a lé bé gi dɔɔ léé, ko ’ka dan ilé balenu bɔ lɛ lo, yé kyan miyili lé bé dɔ, ko ’ka dan a bɔ lɛ duowo lo.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

Matio 4:10

Jézu lé a lɛ léé: Satan, ’i si an ma. É a é gyɛle Kazambale lé sɛbɛ gi léé: ’I ’wuo tua Mizan izé Bale lɛ, yé ’i yee do kpen ɛ bɔ.

1 Korent munu 8:4

Yobanwi blele lé we a ’ko zo: ko a gi dɔɔ léé, miyili ’ka we do nya tɛrɛ la lo, yé Bale a do kpen.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Bélidɔwesɛbɛ Fiézan 5:7

Té i bale bɛnu pa ’é pa gi lo.

Bélidɔwesɛbɛ Fiézan 6:14

Munu lé ka dan nyana lɛ wo méléna bɛ, té ka go wolé balenu zuo lo;

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

Kolɔs munu 2:18

Munu lé ’wobo kɛlɛ kiéné mi yuɛ va, ’té woo lanjenu bɔa, té ’wo kalé za kɛlɛle ma ban so ka lee ’wolé blibɔmawe nya lo. ’Bɛ zo mi é ébo no élé yuɛziwenu lɛ, é fan boblɛn nya é pla é dɔbɛ kyɛn lé gibɔrɔle we ma.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.

Wegɔɔnle 22:9

Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.

Weblezannu 6:10

Maa lé ka lɛ léé, maa a Gakelebale, kazé Bale nya; Amorénu lé ka ke é nyanale wolé tɛrɛ la bɛ, té ka kana wolé balenu lee lo. Naa, ka ’ka an dére ’ma lɛ lo.