Fwile 20:24 - Kazambale lé Sebe Sauunu 1979

²⁴ ’I an banna kɛlɛ tɛrɛ nya, yé balebanwi lé wa kyɛ blé koo, ilé bɔvɔ sarakanu koo, ilé ’blanu koo, ilé dirinu koo, ’i an ban wo nya a ta. Dé maa an tɔ sele dɔ ka gi fɛofɛana, maa dan da lɛ i va ’bɛna, yé maa dan i drɔɔ vo lɛ.

Fwile 20:24 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

2 Samuɛl 6:12

Wo da a fe lɛ minwiinzan David lɛ léé: Bale lé kɛsu we ma, Gakelebale Obɛd‐Édom valé élé fɛnu faa drɔɔ vo. Yé David zi sia yé é Bale lé kɛsu si Obɛd‐Édom lé kɔn gi yé é goan David lé fla gi nanale blɛn nya.

1 Minwiinzannu 8:29

Kɔn ’ko, fɛna lé bé ma we fe léé, ana lé ’é tɔ é dan kɛlɛ lɛ, i yuɛ ’é vo é fuole a va bladi nyanadi ma. Ba lé i leezan a zorona fɛkona, ’i tɔné dɔ a lɛ ma.

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

2 Minwiinzannu 5:17

Yé Naaman léé: Dé i sɔn vɔ anlé blɛ ma, ’i zi nɔ an lɛ, ’an tɛrɛ si sokofale fié sikɔné nya; naa, maa ’ka a va léé, an wi kyɛ ble yé an saraka bo bale bɛnu lɛ é dɛrɛ lo, Gakelebale do kpen lɛ léé, an dan wo bo lɛ.

2 Minwiinmunu lé Wezuofe Sɛbɛ 12:13

Minwiinzan blɛn Roboam pla munu nwiin Jérusalɛm yé é dɔ ana gligli. É kɛlɛ minwiinzan blɛn nya bléyian va, ’té a lɛɛ a yɔ fié wɔlɛ do yé é pla munu nwiin Jérusalɛm lɛɛ vu ta sɔrafié, Jérusalɛm lé Gakelebale a si Izraɛl bɛnnu faa va, léé, ’é tɔ ’é kɛlɛ ana, a ta. A bu a Amɔn le lé wa laama Naama, a nya.

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

2 Minwiinmunu lé Wezuofe Sɛbɛ 7:16

Sin, an kɔn ’ko si a va yé maa a pa é yɛrama léé, an tɔ ’é kɛlɛ ana yifaama, yé an yuɛ valé an bli é dan kɛlɛ lɛ ana lɛɛfaama.

Ezidras 6:12

Dé é a minwiinzan blɛn do nyaoo, dé é a bɛn do nyaoo, dé é an dére lɛgama, dé é Bale lé kɔn ’ko sɛrɛ Jérusalɛm Bale lé é tɔ pa fɛkona ma, ’é ’bɛzan gyɛ ma. Maa, Darius, maa we ’ko fe. ’Wa lɛdɔma é kele.

Néémi 1:9

naa, dé ka da an va é ziin, yé dé ka an sɔnnénu pa yé dé ka wo ta tawo, dé wo ka bin fɔɔ yé ka bɔ la glɛ sinaoo, maa dan ka si lɛ ’bɛna yé maa ka zén ékeva, yé fɛ lé maa ana si a va an tɔ pale ’bɛna we ma, maa dan da lɛ ka nya ’bɛna é ziin.

Lɛrɛvɔ Sɛbɛ 101:2

Maa dan an yara pa lɛ zi tegele ta tawole ta, Dé i dan da lɛ an va mɛ bléyi vaa? An dan tawo lɛ anlé munu va, Bli lé, gun ’ka a ma lo, a nya.

Lɛrɛvɔ Sɛbɛ 122:2

Jérusalɛm, ko ganenu zun kyɔ Ilé gɔrɔ gi.

Lɛrɛvɔ Sɛbɛ 128:5

Gakelebale lé ke Siɔn, é dan i drɔɔ vo lɛ. I dan fua ye lɛ é zénle Jérusalɛm Ilé tɛrɛla faa gi.

Lɛrɛvɔ Sɛbɛ 134:3

Gakelebale lé ke Siɔn, ’Té é la valé tɛrɛ kɛlɛ bɛ, ’é i drɔɔ vo ma.

Lɛrɛvɔ Sɛbɛ 74:7

Wo ilé kɔn kyɛ ble, Kɔn lé wo i tɔ pa a ma, wa guru zana a gi, yé wa sɔnné sɛrɛ.

Lɛrɛvɔ Sɛbɛ 76:2

Wo Bale dɔɔ Juda tɛrɛ la, A tɔ a blɛn Izraɛl tɛrɛ la.

Lɛrɛvɔ Sɛbɛ 78:68

É Juda bɛn si a va ézé nya, Siɔn gɔblɛn lé, é sɔ a lɛ, é a si.

Fwile 10:25

Moizi a zi pa léé: Fɛnu lé ko dan sarakanu bo lɛ wo nya, é valé winu lé ko dan wo kyɛ ble lɛ Gakelebale, kolé Bale lɛ, biibozen é dan wo nɔ lɛ ko lɛ.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 20:25

Dé i an banna kɛlɛ gɔlɛ nya, té bé kɛlɛ gɔlɛnu lé wa nyaa, wo nya lo; dé i zaané zun gɔlɛ ma, ’té i gɔlɛ sɛrɛ.

Fwile 24:4

Moizi Gakelebale dérenu faa gyɛ. ’Bɛ zuo é nwa bladi tutu; é balebanna kɛlɛ gɔ nyana ma yé é gɔlɛ vu ta fié pla é ke la Izraɛl bɛn vu ta fié zé nya.

Fwile 24:5

É Izraɛlnu va pɛniɛnu nwunvɔ Gakelebale banle we gi, balebanwi lé wa kyɛ blé, a nya, ’bɛ valé bɔvɔ sarakanu bole dirigɔnénu nya we gi.

Fwile 27:1

I dan balebanna kɛlɛ lɛ akasiayili nya; a sangi é dan kɛlɛ lɛ mɛtrɛ fié é buu, yé a ’wuola é dan kɛlɛ lɛ mɛtrɛ fié é buu. Balebanna sangi valé é ’wuola faa é dan bɔ lɛ ékema do yé a nwale loru é dan kɛlɛ lɛ mɛtrɛ do é buu.

Ézai 64:5

Ko faa tiri a é dɔle, kolé wetegele faa a bélé sɔ tiridɔle zo; yé ko faa ma yuru bélé blalaa zo; kolé wenyané blɛn éé ko sian bélé fu lé.

Lévinu 17:9

yé é ’ka da lɛ Gakelebale ban lɛ a nya zén‐ékevasɔkɔn ’léé lo, mi ’ko, wo dan a si lɛ ’élé munu va.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Matio 18:20

Dé é a mi fié nyaoo, dé é a mi yaa nyaoo, fɛana lé woo zén‐é ékeva an tɔ gi, maa ana wo méléna.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:21

Fɛna do lé Gakelebale, kalé Bale é dan a si lɛ a va, yé é tɔ pa a ma, dé ’bɛ a baa ka ma, a se a ka lɛ léé, ka diri valé ’bla gyɛ, maa a fe ka lɛ fɛan zo, a zo, yé ka a ble kalé fla, é sɔ ka lɛ fɛan zo, a yɛrama.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

1 Timoté 2:8

Bɛwemalé é sɔ an lɛ léé, munu ’é bazoro fɛfaana, wo bɛ sauun nwale nya, ’té bliflile valé zavɔbli ’ka wo gi lo.