Fwile 20:17 - Kazambale lé Sebe Sauunu 1979

¹⁷ Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Fwile 20:17 ပူးပေါင်းရင်းမြစ်များ

Wepélisiananu 14:23

fɛnu lé é ke izé nya, an ’ka we do kpen sié ’bɛ va lo, dé é a galewɔlɛ boen nyaoo, dé é a sawalabale do nyaoo, maa ’ka ’bɛ sié lo, dé i da fe léé, yee ɛ Abram kɛlɛ fua nya.

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

Wepélisiananu 34:23

Wolé trubɛnu koo, wolé fuafɛnu koo, wolé winu faa koo, wo ’ka dan kɛlɛ lɛ kozé nya loo? We lé wa fe ko lɛ, ’ko a kɛlɛ tegele, yé wo nyana ko va.

JOB (Job) 31:1

An gi pa an yuɛ va do léé, Té an yuɛ dɔ blɛnzan ta lo we gi.

JOB (Job) 31:9

Dé le do an ’wuo sɛrɛ, Dé maa an bɔluzan na gini,

Lɛrɛvɔ Sɛbɛ 10:3

Naa, mi nyanénu woo ’wobo tɔ bɔa wolé blibɔmawe nya, Yé kyeenwozannu lé woo mi gya, woo Gakelebale sɔnɔan, ’té woo nyé yélié a ma.

Lɛrɛvɔ Sɛbɛ 119:36

An bli ’é bɔ ilé weplalenu ma ma, Té é bɔ tɔnɔ yele ma lo.

Wegɔnévɔlenu 4:23

’I yuɛ pa i bli va é mini fɛ bɛ faa ta; bélile ’wuo si ana, bɛwema.

Wegɔnévɔlenu 6:29

A zo duo lé éé kɛla mi lé é go é bɔluzan na vazia, a lɛ; mian é bɛ mane a ma, é ’ka dan vo lɛ é pla lo.

Bale Lé We Gifezan 4:8

Mi do a é do, ’té a lele do kpen ’ka lo; a be ’ka lo, yé a bwe ’ka lo, duowo alé nyanama ’ka nyaan lo, yé fuafɛnu ’ka a kaan lo. De lɛ lé an ke nyanama pana, yé an gi nanale nyané kɛla anboen lɛɛ? ’Bɛ a é ziin boawe valé wenaané nya.

Ézai 33:15

Mian alé tawobɛ ke tegele yé éé we drɔle fé, ’té éé nyé yélié tɔnɔfɛ lé wa yé gla nya, a ma, ’té éé sɔn vɔa blɛfɛ sile ma, é bɛ puole nya, yé éé tɔné lɛ taan minyɛzanawe lé wa glewo, a ’male ma, ’té éé sɔ buaan é yara léé, té é wenaané na ye lo, ’bɛzan lé.

Ézai 57:17

An bli fli wo ma yé maa wo bla wo bli blɛn lé we ma; an wɛwɛ lé we ma lé maa yɔɔ wo lee, yé bɔrɔvɔɔzan go élé blibɔmazi ta.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 5:8

Wa bélé wisoogɔnénu lé wo ke é buale, ’té woo vlanburuwo ’ko valé ’ko, wo zo. Wo faa do do a siaana ’wo bɔlu bɛ na zuo.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Abaku 2:9

Mi lé éé weple ma fɛnu tééan ébo zé nya, léé, é nyanana ’é kɛlɛ loru abo sile wenaané lee we ma bɛ, we tɔntɔn ’é bɔ ’bɛzan ma ma.

Matio 20:15

Fɛ lé é ke anzé nya ’naan, dé é sɔ an lɛ léé, maa kɛlɛ a nya fɛan zo, maa kɛla loo? Maa wezin kɛlɛ wo lɛ amalé i a maawona wo maa?

Matio 5:28

Naa, maa lé ka lɛ léé, miomian é yuɛ vɔ le do ta é bli bɔle a ma we gi, ’té é a gini é bli gi kwakwa.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

Kelewenu 20:33

An bli ’ka bɔ lɛ mi lé gɔɔli koo, alé kyan koo, alé sɔnu koo, wo do ma lo.

Kelewenu 5:4

Dé i ’ka kɔɔn féi ’ko dan lɛ lo, é ’ka ilé féi nya loo? Yé dé bé dan faa, ’té a ma gɔɔli ’ka izé nya loo? Mɛwemalé we ’ko zo dɔ i bli gii? I ’ka viéwo lɛ munu lɛ lo, i viéwo Kazambale ɛ lɛ.

Rom munu 13:9

Bélidɔwenu lé ke ’ko: té i le bɛ valé gɔné bɛ gini lo; té i mi gyɛ lo; té i kyeenwo lo; té i bli é bɔ fɛnu ma lo; yé dé a bɛ ana é ziin, ’bɛ koo, a faa lɛ a é sɔɔle dére ’ko nya, léé, ’i bɔluzan ’é sɔ i lɛ bélé biibozen zo.

Rom munu 7:7

Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

Éfez munu 5:3

Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Bélidɔwesɛbɛ Fiézan 5:21

Té i bli é bɔ i bɔluzan na ma lo; alé kɔn koo, alé féi koo, a wuogɔné koo, a wuole koo, alé diri koo, alé sokofale koo, dé é a alé fɛofɛan nya, té i bli é bɔ a do kpen ma lo.

Bélidɔwesɛbɛ Fiézan 7:25

Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Ébrunu 13:5

Té ka tawo gɔɔli sɔle ka lɛ yɛrama lo; fɛnu lé wo ke ka lee, ’wo fɛnu lɔrɔ si ka ma ma. Naa, Kazambale bozen a fe léé: Maa ’ka dan i vo lɛ é pla monomono lo; yé maa ’ka dan sɔn vɔ lɛ i ma pelo.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

1 Samuɛl 12:3

Maa lo. ’Maa an ma we fe Gakelebale valé alé nyɔnɔzénnwiinzan yara. Maa mi kyɛn lé dirigɔné sii? Maa mi kyɛn lé sokofale sii? Maa nyané pa mi kyɛn ta, yé maa we tɔntɔn kɛlɛ mi kyɛn lɛɛ? Maa blɛfɛ si mi kyɛn lee, an dɔle a zuo we gii? Maa dan a lɛgi nɔ lɛ.

1 Samuɛl 15:19

Mɛmalé i ’ka i tɔné dɔ lɛ Gakelebale dére lɛ loo? Mɛmalé i ’wii gulizarafɛnu ta yé i Gakelebale ’namawe kɛlɛɛ?