Fwile 20:12 - Kazambale lé Sebe Sauunu 1979

¹² I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Fwile 20:12 ပူးပေါင်းရင်းမြစ်များ

Wepélisiananu 48:12

Jozɛfu wo si é ti gane la, yé é dia é bli la tɛrɛ va a ’lɛ.

Wepélisiananu 50:12

Wo ti Jakɔb wo bélidɔ dérean nya, wa kɛlɛle lɛ sɔɔ yee ɛ zo.

1 Minwiinzannu 2:19

Bat‐Sééba go minwiinzan Salomɔn va Adonija lé we fele a lɛ we gi. Minwiinzan nwa a sile zia we gi, yé é yia é bli la a ’lɛ, yé é nyana élé webleblin ta. Wo da blin nya minwiinzan bu zé nya, yé é nyana a bɛyila.

2 Minwiinzannu 2:12

Élizé a naginina, ’té éé siaan: An tioo, an ti! Izraɛl lé goro valé alé wisoonu! Yé é ’ka a ye lɛ é dɛrɛ lo. É kun élé sɔnu ma yé é wo fia fié,

Fwile 21:15

Mi lé é é ti bla, taa, dé a bu léé, wo dan ga dɔ lɛ a nwiin.

Fwile 21:17

Mi lé é bale pa é ti valé é bu ma, wo dan ga dɔ lɛ a nwiin.

Wegɔnévɔlenu 15:5

’Tugyɛzan é é ti lé wepaale yé boawe nya, naa, mi lé éé weplale ’é lɛ nyi sié, éé we kɛla ’wuoatawe nya.

Wegɔnévɔlenu 17:6

Mi segelenu nénézinéné a ’wolé tɔkoro nya, yé né tinu a ’wolé nénu tɔbɔwe nya.

Wegɔnévɔlenu 20:20

Dé mi bale pa é ti valé é bu ma, alé kyɛbɔ é dan diri lɛ gunuti méléna.

Wegɔnévɔlenu 28:24

Mi lé éé kyeen woo é ti valé é bu ma yé é léé, wenyané ’ka ’bɛ nya lo, é a guruzanaagizan bɔluzan nya.

Wegɔnévɔlenu 3:16

Mɔnle tɛrɛ la a wedɔɔle bɛyi lee; fua valé tɔbɔle a a bɛbo lee.

Wegɔnévɔlenu 30:11

Migɔnɔ do ana yé woo bale paan ’wo ti ma, yé wo ’ka ’wo bu drɔɔ voo lo.

Wegɔnévɔlenu 30:17

Mi lé éé we nanaan é ti ma yé éé sɔn vɔa é bu lɛdɔle ma a ma, kanwéi é dan a yuɛ so lɛ a gi, yé gola lé nénu é dan a ble lɛ.

Jérémi 35:18

Yé Jérémi lé Rékab munu lɛ léé: Lai sunyanu lé Gakelebale, Izraɛl munu lé Bale léma: Ka ka ti Jonadab lɛdɔma, yé bélidɔwenu lé é a fe ka lɛ, ’bɛ valé wenu lé é a pla ka lɛ, ka wo kɛlɛ,

Jérémi 35:7

té ko kɔn dɔ monomono lo, té ko fɛwɔlɛ do kpen vɔ lo, té ko dɔrɔféi pa lo, té dɔrɔféi é kɛlɛ ko lee lo, naa, ’ko nyana sɔkɔnnu gi kolé tɛrɛla faa gi, léé, tɛrɛ lé ko ke a ta bɛn nya, yé ko mɔn ana.

Ézékiɛl 22:7

Bii fla ’ko méléna lé woo serele boo ’wo ti valé ’wo bu ma; woo kle paan bɛnnu ta, woo yaan ti valé bugalazannu valé gyɛzaralomu ta.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 19:32

Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Matio 19:19

’i ti valé i bu lɛdɔma, ’i bɔluzan lɔrɔ pa bélé biibozen zo, woo lé.

Maak 10:19

I bélidɔwenu dɔɔ: té i le bɛ gini lo, té i mi gyɛ lo, té i kyeenwo lo, té i viéwo mi ma lo, té i mi ta ble lo, i ti valé i bu lɛdɔma, woo lé.

Maak 7:10

Naa, Moizi a fe léé: ’I ti valé i bu lɛdɔma yé dé mian é bale pa é ti valé é bu ma, ’wo we lɛdɔ ’bɛzan gi a gyɛle nya ma.

WENÉNÉ LÉ LUK A GYE (Évangile selon Luc) 18:20

I bélidɔwenu dɔɔ: Té i le bɛ gini lo, té i mi gyɛ lo, té i kyeenwo lo, té i viéwo mi ma lo, i ti valé i bu lɛdɔma, woo lé.

Éfez munu 5:21

yé ’ka pla ka ke wuo Jézu Krist lee kanale nya ma.

Bélidɔwesɛbɛ Fiézan 11:8

Amalé, a sɔnnénu faa lé maa wo gɔɔn ka lɛ kyɔ, ’ka wo pa, yé ka plɛplɛ ye, yé tɛrɛ lé ka dan go lɛ a kɛlɛ lɛ kazé nya bɛ, yé ka bɔalɛ léé, ka a si,

Bélidɔwesɛbɛ Fiézan 11:9

yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 21:18

Dé mi do be a, yé é ’ka mi zin nya lo, yé é a wemaplɛplɛzan nya, dé é ’ka tɔné dɔa é ti valé é bu dére lɛ lo, dé wo we lɛdɔ a gi faa yé é ’ka wo lɛdɔama duowo lo,

Bélidɔwesɛbɛ Fiézan 25:15

Ilé kilo poa ’é kɛlɛ tegele ’kyɛ, yé ilé éfa ’é kɛlɛ tegele ’kyɛ, ka mɔnle we gi, tɛrɛ lé Gakelebale, kalé Bale a nɔ ka lɛ, a ta.

Bélidɔwesɛbɛ Fiézan 27:16

Mi lé é nyé yéli é ti valé é bu ma, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

Bélidɔwesɛbɛ Fiézan 32:47

Naa, é ’ka boadére nya ka vazia lo; ka vo é yuɛma we lé; ’bɛ nya lé kalé yinu é dan kɛlɛ lɛ kiɛre, tɛrɛ lé é dan kɛlɛ lɛ kazé nya, kalé Juudɛn kinile zuo, ana.

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:2

Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Kolɔs munu 3:20

’Kaa nénu, ’ka ti valé ’ka bu lɛdɔma we faa gi ma, naa, ’bɛ a wezin nya Mizan lé we gi.

RUT (Ruth) 3:6

É go ’sa sunwona yé we lé a zana bu a fe a lɛ é a faa kɛlɛ.

1 Samuɛl 22:3

David si ’bɛna yé é go Misipé, Moab tɛrɛ la. É lé Moab nwiinzan lɛ léé: Ilé zanté, ’i zi nɔ an ti valé an bu lɛ léé, wo nyana i va, fɔɔ yé we lé Bale é dan a kɛlɛ lɛ an lɛ yé maa a gi dɔɔ.