Fwile 20:11 - Kazambale lé Sebe Sauunu 1979

¹¹ Lanu valé é gifɛnu koo, tɛrɛ valé é tafɛnu koo, wɛyi valé é vafɛnu koo, Gakelebale wo kɛlɛ yi suiɛdo wuo, yé é flin a yi sɔrafiézan nya; bɛwemalé Gakelebale flinyi drɔɔ vo yé é a pa é yɛrama.

Fwile 20:11 ပူးပေါင်းရင်းမြစ်များ

Wepélisiananu 1:28

Kazambale wo drɔɔ vo, yé Kazambale lé wo lɛ léé: ’Ka né yaa, ’ka kɛlɛ kiɛre, ’ka fan tɛrɛ la yé ’ka pla a tafɛnu nwiin; wɛyi va pɔnu koo, lagi mianénu koo, wi faa lé éé giéan tɛrɛ la koo, ’ka pla wo nwiin.

Wepélisiananu 1:31

Yé fɛ faa lé Kazambale a kɛlɛ, é a faa nagini yé é a ye léé, a faa a é zima é baba. ’Bɛ zo lé nyanadi kɛlɛ yé bladi kɛlɛ; ’bɛ ɛ ke a yi suiɛdozan nya.

Fwile 31:17

We ’ko é dan kɛlɛ lɛ tɔmase nya maa valé Izraɛl lé nénu méléna, tɔmase lé éé mɔn‐o lɛɛfaama, a glɛ ’ka lo, a nya; naa, Gakelebale lanu valé tɛrɛ kɛlɛ yi suiɛdo gi, yé a yi sɔrafiézan nya é daan élé nyanama ma yé é flin, azama.

Fwile 8:22

Moizi léé: ’Bɛ zo we ’ka ana nyɛɛ lɛ lo; sarakanu lé ko dan wo bo lɛ Gakelebale, kolé Bale lɛ, é ’ka dan sɔ lɛ Éjipiti munu bli lɛ lo, azama. Dé ko Éjipiti munu lé balenu bo saraka nya wo yuɛ va, ’naan, wo ’ka dan gɔlɛ vuli lɛ ko va loo?

Fwile 9:29

Moizi lé a lɛ léé: Dé an si fla tɔɔn, maa dan an bɛnu nwa lɛ Gakelebale vazia, yé zagele ’ka dan ban lɛ é dɛrɛ lo, yé goowɔlɛlɛɛ ’ka dan da lɛ é dɛrɛ lo, ilé a gi dɔɔle we gi léé, tɛrɛ a Gakelebale zé nya.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Ézai 48:13

An bɛ tɛrɛ gane vɔ, An bɛyi ɛ lanu fwila, Maa wo laa tɔɔn, wo da.

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 20:7

Flɛyi yi vinin nya, ko zén ékeva Taboyi lé buru blele we ma. Pɔl léé, dé tu kini é dan go lɛ yé é vo we fena zuomunu lɛ, yé é mɔn élé we fena fɔɔ yé tu la pa.

Kelewenu 4:24

’Bɛnu a ’ma aan wo, wo faa ’wo dére bié Kazambale lɛ ékeva yé wo léma: Kozan, la koo, tɛrɛ koo, wɛyi koo, fɛ faa lé ke wo gi koo, bii ɛ wo kɛlɛ.

Bélidɔwesɛbɛ Fiézan 5:15

A sele ’é dɔ i gi léé, i a luu nya Éjipiti tɛrɛ la, yé ’yee Gakelebale, kalé Bale ka si ana é bɛ plɛplɛ soile nya; bɛwemalé Gakelebale, kalé Bale léé, ’i flinyi kɛlɛ.

Ébrunu 4:4

naa, Kazambale lé sɛbɛ yi sɔrafiézan lé we fe fɛdona ’ko zo, léé: A yi sɔrafiézan nya Kazambale flin élé nyanama ma. Yee kaan loo?

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;