Fwile 2:24 - Kazambale lé Sebe Sauunu 1979

²⁴ Kazambale wolé dunnule ’ma yé gipawe lé é a kɛlɛ Abraam koo, Izak koo, Jakɔb koo, wo va, a sele dɔ a gi.

Fwile 2:24 ပူးပေါင်းရင်းမြစ်များ

Wepélisiananu 15:13

Yé Gakelebale lé Abram lɛ léé: ’I we ’ko dɔɔ ma, i kulunu é dan kɛlɛ lɛ bɛnnu nya, tɛrɛ lé é ’ka wozé nya lo, a ta. Wo dan kɛlɛ lɛ bɛnnu wuozannu nya, yé bɛnnu é dan yaa lɛ wo ta lɛɛ wuru fié gi.

Wepélisiananu 16:11

Gakelebale lé lanje lé a lɛ léé: Bé ye, i bɔn a i ma. I dan né ’ko yaa lɛ gɔné nya. Gakelebale i dére ’ma ilé kleblele gi, bɛwemalé bé tɔ pa Ismaɛl.

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

Wepélisiananu 18:18

Weboen lé, Abraam é dan kɛlɛ lɛ bɛn blɛn plɛplɛ nya. A pli zi lé tɛrɛ la bɛnnu faa drɔɔ é dan vo lɛ.

Wepélisiananu 22:16

yé é léé: I we ’ko kɛlɛ yé i ’ka i be wɔlɛ do kpen nyané kɛlɛ lɛ an lɛ lo, amalé maa, Gakelebale dére lé, maa anbo ’nyɔɔn léé,

Wepélisiananu 26:2

Gakelebale bɔra Izak va yé é léé: Té i zun Éjipiti tɛrɛ la lo; ’i nyana tɛrɛ lé maa dan a fe lɛ i lɛ, a ta.

Wepélisiananu 26:24

Gakelebale bɔra a va é béli yé é léé: Maa a i ti Abraam zé Bale nya. Té i kana lo ma, maa a i va. Maa dan i drɔɔ vo lɛ, yé maa dan i kulu kɛlɛ lɛ di an wuozan Abraam lé we ma.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

Wepélisiananu 35:11

Kazambale lé a lɛ léé: Maa a Plɛplɛfaazan Bale nya. ’I fan yé ’i kɛlɛ di ma. I dan bɛn do valé bɛn kiɛre yaa lɛ, yé i dan minwiinmunu yaa lɛ.

Wepélisiananu 35:12

Tɛrɛ lé maa a nɔ Abraam valé Izak lɛ, maa dan a nɔ lɛ i lɛ, yé maa dan tɛrɛ ’ko nɔ lɛ i kulunu lɛ, i zuo.

Wepélisiananu 8:1

Noé sele dɔ Kazambale gi. Bwigiwinu valé flawinu lé wo ke ’yitagoro gi a va, wo sele dɔ Kazambale gi. Kazambale fu gié tɛrɛ la, yé ’yinu dɔ flee.

2 Minwiinzannu 13:23

Naa, Gakelebale zin kɛlɛ wo lɛ yé a nyanai zén wo ta, yé é yara nɔla wo ta gipawe lé é a kɛlɛ Abraam koo, Izak koo, Jakɔb koo, wo va, a we ma. É ’ka a va léé, ’é wo kulu ga lo, yé fɔɔ kyɔ yi nya é ’ka sɔn vɔ lɛ wo ma lo.

Lɛrɛvɔ Sɛbɛ 102:2

Gakelebale, ’i tɔné dɔ anlé bazoro dére lɛ, Yé an siaale ’é bɔ i va ma.

Lɛrɛvɔ Sɛbɛ 102:20

Naa, Gakelebale a élé fɛna sauun lé é ke la gi loru baa bɛ, ana, ’Té éé tɛrɛ la naginian,

Lɛrɛvɔ Sɛbɛ 105:42

Naa, a dére ’lɛzan sele dɔ a gi, Yé a wuozan Abraam sele dɔ a gi.

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Lɛrɛvɔ Sɛbɛ 138:3

Yian nya lé maa i laa, i an dére ’ma, I an bli ta dɔ plɛplɛ, i an boen dɔ gligli.

Lɛrɛvɔ Sɛbɛ 22:24

Ka lé ka kanaan Gakelebale lee, ’ka a tɔ zin fe. Ka faa lé ka ke Jakɔb kulu nya, ’ka a tɔ zin bɔ. Ka faa lé ka ke Izraɛl kulu nya, ka ma ’é nyɔɔn a ’lɛ.

Lɛrɛvɔ Sɛbɛ 22:5

Ko tranu pa bii ɛ ta; Wo pa i ta yé i wo si munu lee.

Lɛrɛvɔ Sɛbɛ 79:11

Luunu lé dunnulenu ’é go fɔɔ ’é bɔ i va ma. Yé munu lé wa gona gana za ma, ’i wo si we gi i bɛ plɛplɛ nya.

Fwile 6:5

Izraɛl lé nénu lé Éjipiti munu wo kɛlɛ ’wo wuozannu nya, maa wolé dunnule ’ma, yé anlé gipawe sele dɔ an gi.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Kelewenu 7:34

Maa anlé munu lé nyané blele ye Éjipiti tɛrɛ la. Maa wolé dunnule ’ma, yé maa zun wo sile luubale gi we ma. Sin, ’i da yé maa i pa zia Éjipiti tɛrɛ la.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.