Fwile 2:23 - Kazambale lé Sebe Sauunu 1979

²³ ’Bɛ zuo namɔn yé Éjipiti mununwiinzan blɛn ga, ’té Izraɛl lé nénu éé dunnuan é ziin plale mi wuo we ma, ’té woo siaan. Siaa lé wa wona kɛlɛle luu gi we ma, wo nwa fɔɔ yé wo bɔ Kazambale va.

Fwile 2:23 ပူးပေါင်းရင်းမြစ်များ

Wepélisiananu 16:11

Gakelebale lé lanje lé a lɛ léé: Bé ye, i bɔn a i ma. I dan né ’ko yaa lɛ gɔné nya. Gakelebale i dére ’ma ilé kleblele gi, bɛwemalé bé tɔ pa Ismaɛl.

Wepélisiananu 4:10

Yé Gakelebale léé: Mɛ lé bé kɛlɛ bɛɛ? I zuané nyɛ a wuvɔna tɛrɛ gi bɛ, yé maa a ’ma an tɔné gi ’ko.

Néémi 9:9

I ko tranu lé kleblele ye Éjipiti tɛrɛ la, yé i wolé siaalenu ’ma Wɛyi Sɔɔn sɔnɔ.

JOB (Job) 35:9

Munu éé siaan yaamitazan kiɛre lé we ma, Woo wuvɔa glawe kɛlɛzannu kiɛre lé we ma;

Lɛrɛvɔ Sɛbɛ 102:1

Ba lé nyanéblezan a zoro, bléyian va lé a fuu si a ta, ’té éé nyanainya dére fé Gakelebale lɛ, yee lé.

Lɛrɛvɔ Sɛbɛ 102:2

Gakelebale, ’i tɔné dɔ anlé bazoro dére lɛ, Yé an siaale ’é bɔ i va ma.

Lɛrɛvɔ Sɛbɛ 12:5

Munu lé wo ke a fena léé: Ko plɛplɛ yé ko nɛnɛ ma, Ko a lɔluzannu nya, De ɛ dan pla lɛ ko nwiin? Gakelebale ’é wo nyaa ma.

Lɛrɛvɔ Sɛbɛ 18:6

Mipana balenu an yere, Gaséli vɔ an zi an tanyila.

Fwile 1:14

Wo wolé tɛrɛla lɔrɔ nyaa wo ma, bɔtɛrɛ valé briki lé nyanama tɔntɔn nya, ’bɛ valé féi nyanama faa nya; yé wo nyanama ’konu faa nɔ wo lɛ ’wo gi pɔnpɔn nya.

Fwile 4:19

Gakelebale we fe Moizi lɛ Madian tɛrɛ la yé é léé: ’I go, ’i nɔla i pai Éjipiti tɛrɛ la, naa, munu lé é sɔ wo lɛ léé, ’wo i gyɛ, wo faa ga.

Fwile 6:5

Izraɛl lé nénu lé Éjipiti munu wo kɛlɛ ’wo wuozannu nya, maa wolé dunnule ’ma, yé anlé gipawe sele dɔ an gi.

Fwile 6:9

Moizi we fe ’bɛ zo Izraɛl lé nénu lɛ. Naa, wolé nyanéblele kaii valé wolé nyanama plɛplɛ zi, wo tɔné ’wii ’té wo ’ka Moizi dére maan lo.

Fwile 7:7

Wo we fe Faraɔn lɛ bléyian va, ’té Moizi lɛɛ a yɔ ziɛn, yé Arɔn lɛɛ a yɔ ziɛn wɔlɛ yaa.

Ézai 19:20

’Bɛ é dan kɛlɛ lɛ tɔmase valé wenayefɛ nya lai sunyanu lé Gakelebale lɛ Éjipiti tɛrɛ la; wo dan siaa lɛ Gakelebale lɛ, klepawotazannu lé we ma, yé é dan wo siwegizan valé wo ta bélidɔzan pa lɛ wo lɛ zia.

Ézai 5:7

Lai sunyanu lé Gakelebale lé dɔrɔféi lé ke Izraɛlnu nya, Yé Juda munu a yiliné lé a we ke a lee, a nya. A bli a a lɛ kɔɔn léé, ’wo we drɔle kɛlɛ, naa, wo mi nyɛ zana; A bli a a lɛ kɔɔn léé, ’wo we tegele kɛlɛ, naa nyanéblezannu a siaana wo va.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Kelewenu 7:30

’Bɛ zuo lɛɛ yɔ fié, lanje do da a va Sinai gɔ lé bwi la, yiliné lé kyɛ ke a blena, alé kyɛnɛnɛ gi.

Bélidɔwesɛbɛ Fiézan 24:15

’I alé yi do do nyanama ma gɔɔli nɔ a lɛ yiri vɔle ’lɛ; naa, nyané a gyɛ yé é a élé gɔɔli yele lɛbɛnna. Dé ’bɛ kaan lo, é dan siaa lɛ Gakelebale lɛ i tɔ nya, yé i dan wenyané dɔ lɛ ibo nwiin.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

Weblezannu 4:3

Izraɛl lé nénu siaa Gakelebale lɛ, Jabɛn lé foliɛwɔlɛ goronu a wuru ziɛn yɔ soru, yé é nyané pa Izraɛl lé nénu ta é baba lɛɛ yɔ do gi, ’bɛzama.

1 Samuɛl 12:8

Jakɔb dale Éjipiti tɛrɛ la zuo, ka tinu siaa Gakelebale lɛ, yé Gakelebale Moizi valé Arɔn pa zia yé wo ka tinu si Éjipiti tɛrɛ la yé wo wo nyana fɛkona.

1 Samuɛl 9:16

Tɛlɛ, yiri ’ko nya, maa dan Bɛnjamɛn mi do pa lɛ i lɛ zia, yé i dan nyɔnɔ zén lɛ a nwiin anlé munu Izraɛl nwiinzan nya. É dan anlé munu si lɛ Filisitinu lee; naa, anlé munu lé siaale bɔ an va, amalé an yuɛ vɔ wo ta.