Fwile 19:6 - Kazambale lé Sebe Sauunu 1979

⁶ ka dan kɛlɛ lɛ an banbɛn nya, bɛn sauun nya. Dérenu lé i dan a fe lɛ Izraɛl lé nénu lɛ, wo lé ke bɛ.

Fwile 19:6 ပူးပေါင်းရင်းမြစ်များ

1 Minwiinzannu 3:8

Munu lé i wo si a va, munu kiɛre lé wo ’ka bɔa wo nɔnɔle lɛ wo kiɛre we ma lo, i wuozan a wo méléna.

1 Minwiinzannu 8:53

Mizan, Gakelebale, i wo si a va tɛrɛlamunu bɛnu faa méléna, ilé wo kɛlɛle ilé tɔnɔ nya we gi, bé fe fɛan zo i wuozan Moizi lɛ bléyian va lé i ko tranu si Éjipiti tɛrɛ la, a zo.

Minwiinzannu lé Wezuofe Sɛbɛ 17:22

Ilé munu Izraɛl dɔ gligli, léé, wo kɛlɛ ilé munu nya lɛɛfaama; yé bii, Gakelebale, i kɛlɛ wolé Bale nya.

Lɛrɛvɔ Sɛbɛ 114:2

’Té Juda kɛlɛ a nyanana gibɔle nya, ’Té Izraɛl kɛlɛ a wuo bɛn nya.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Fwile 22:31

’Ka kɛlɛ anzé munu sauunnu nya ma. Wi lé winu a ma mian bwi gi, té ka a ble lo. ’Ka a vuli blénnu lɛ.

Fwile 28:36

I dan kyan tegele gyɛ lɛ lɛlɛné, yé i dan a ta guru vɔ lɛ bélé bɛmazéné ta guru vɔle zo, léé, Gakelebale sauun zé lé.

Ézai 43:4

I wea an lee, I tɔ a é bɔle yé i sɔ an lɛ, Amalé maa munu nɔ i pa gi, Yé maa migɔnɔnu nɔ i vole é yuɛma we gi.

Ézai 61:6

Naa, ’kaa, wo dan ka laa lɛ Gakelebale banzannu, Wo dan tɔ pa lɛ ka ma léé, kolé Bale wuozannu; Ka dan bɛnnu lé fuafɛnu ble lɛ, Yé ka dan kabo tɔ bɔ lɛ wo tɔbɔfɛnu gi.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Ézai 66:21

Yé Gakelebale léé: Maa dan wo va mi kenu si lɛ Balebanzannu valé Lévinu nya.

Jérémi 13:11

Naa, woo kyɛsidi dɔa mi gyɛn fɛan zo bɛ, a zo lé an Izraɛl lé munu faa yere an ma, é valé Juda lé munu faa nya, léé, ’wo kɛlɛ anlé munu koo, an tɔ koo, an tɔbɔle koo, anlé fua koo, wo nya; naa, wo ’ka ’wo tɔné dɔ lɛ an lɛ pelo. Maa Gakelebale ɛ ke a fena.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Lévinu 19:2

Bé fe Izraɛl lé nénu faa lɛ léma: Maa Gakelebale, kalé Bale, maa a sauun, amalé ’ka kɛlɛ sauun.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Lévinu 21:23

Fɛ do bɔ a kɔlɛ ma, amalé té é go kɔnmikɛlɛsɔ vazia lo, té é bié balebanna sɔnɔ lo; té é anlé fɛna sauunnu kɛlɛ fɛ planu nya lo; naa, maa a Gakelebale nya; maa wo ’lɛ dɔ.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Mi Nɔnɔle 16:3

Wo nwa Moizi valé Arɔn ma, yé wo lé ’bɛnu lɛ léé: Kazé sɔ. Naa, munu faa a segele, yé Gakelebale a wo méléna. Mɛmalé ka kabo nwaan blɛn Gakelebale lé munu nwiin?

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

1 Korent munu 3:17

Dé mian é Kazambale kɔn guru zana a gi, Kazambale é dan ’bɛzan guru zana lɛ a gi. Kazambale kɔn a sauun, a nya lé ka ke.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Bélidɔwesɛbɛ Fiézan 28:9

Ka dan kɛlɛ lɛ munu lé Gakelebale wo pa é yɛrama ézé nya, wo nya, ébo ’nyɔɔn ka lɛ fɛan zo, a zo, ’té dé ka Gakelebale kalé Bale lé bélidɔwenu lɛdɔma yé ka tawo alé tawobɛ faa gi.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

1 Tɛsalɔnik munu 5:27

An we plaan ka lɛ Mizan tɔ nya léé, ’ka sɛbɛ ’ko ta fe bwenu faa yuɛ va.

1 Piɛri 2:5

ka é ziin, ka a gɔlɛ yuɛmalenu nya yé dé ka bié a va ka dan kɛlɛ lɛ lélikɔn valé Balebanmunu gɔnɔ sauun nya Bale banle we gi, lélifɛ lé é sɔ Kazambale lɛ Jézu lé we ma, a nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.