Fwile 19:4 - Kazambale lé Sebe Sauunu 1979

⁴ We lé maa kɛlɛ Éjipiti munu lɛ, yé maa ka si gola bɛanu la yé maa da ka nya an va fɛan zo ’ko, ka a ye.

Fwile 19:4 ပူးပေါင်းရင်းမြစ်များ

Ézai 40:31

Naa, munuan woo paan Gakelebale ta, éé wolé plɛplɛ taa paan é ziin. Woo sié bélé gola zo; Woo vlanburuwo yé koi ’ka wo gya lo, Woo tawoo yé wo wɔlɛi ’ka nyaan wo ma lo.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Malasi 2:10

Ko faa ti ’ka do loo? Bale do kpen‐an ko kɛlɛ loo? Mɛmalé ko yuɛi blan ko ke ma ko tinu lé gipawe sɛrɛle nyaa?

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

Bélidɔwesɛbɛ Fiézan 29:1

Gipawe lé Gakelebale a fe Moizi lɛ léé, ’é a kɛlɛ Izraɛl lé nénu va Moab tɛrɛ la, yee lé ke ’ko, naa, gipawe lé é a kɛlɛ Orɛb gɔ ma, ’bɛ kaan lo.

Bélidɔwesɛbɛ Fiézan 29:2

Moizi Izraɛlmunu faa laa, yé é lé wo lɛ léé: We faa lé Gakelebale a kɛlɛ ka yuɛ va Éjipiti tɛrɛ la, Faraɔn koo, a wuozannu faa koo, alé tɛrɛ faa koo, wo lɛ, ka ana ye.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Jozué 23:3

We faa lé Gakelebale, kalé Bale a kɛlɛ bɛnnu ’konu lɛ ka ’lɛ, ka a ye, naa, Gakelebale, kalé Bale é ka ma guli dan.

Wegɔɔnle 12:14

Wo gola blɛn bɛa fié nɔ lezan lɛ, a sile we gi yé é go ’élé fɛna bwi gi méné lee baa, ana lé wo fɛblele nɔ a lɛ lɛɛ yaa é buu.