Fwile 19:18 - Kazambale lé Sebe Sauunu 1979

¹⁸ Gakelebale zun kyɛ méléna, amalé kyɛgoi sɔɔla Sinai gɔ ta; kyɛgoi ’ko nwa bélé pɔrɔ bli kyɛgoi zo, ’té gɔ faa ma éé nyɔɔn‐an plɛplɛ.

Fwile 19:18 ပူးပေါင်းရင်းမြစ်များ

Wepélisiananu 11:5

Gakelebale zun yé é da, fla valé kɔn kiilii torole lé munu ke a dɔna bɛ, wo nagini lɛ.

Wepélisiananu 15:17

Dé yiri vɔ, gunu dɔra tiritiri, yé bé ye, kyɛ blɛn bɔra ana é goi nya, yé winu lé Abram wo fee bo bɛ, kyɛnéné vo giéna wo méléna.

Wepélisiananu 19:28

Yé é yuɛ vɔ sɔdɔm valé Gɔmɔɔ vazia, yé é yuɛ vɔ fɛna pɛblɛɛ faa la, yé é ana kyɛgoi ye nwana bélé ’furu blɛn lé kyɛgoi zo.

Néémi 9:13

I zun Sinai gɔ nwiin, i we fe wo lɛ lagi loru, yé i déretawe tegelenu koo, bélidɔwe boennu koo, weplalenu valé bélidɔwe sɔnné zimanu koo, i wo nɔ wo lɛ.

Lɛrɛvɔ Sɛbɛ 104:32

Dé é tɛrɛ nagini tɔɔn, ’té a ma a nyɔɔnna, Dé é bɛ mane gɔ blɛnnu ma tɔɔn, ’té kyɛgoi a bɔrɔana wo gi.

Lɛrɛvɔ Sɛbɛ 114:4

Gɔblɛnnu fɔrɔ bélé ’blagɔnénu zo, Gɔpanénu fɔrɔ bélé ’blanénu zo.

Lɛrɛvɔ Sɛbɛ 114:7

Tɛrɛoo, tɛrɛ, i ma ’é nyɔɔn Mizan ’lɛ ma. I ma ’é nyɔɔn Jakɔb lé Bale ’lɛ ma;

Lɛrɛvɔ Sɛbɛ 144:5

Gakelebale, ’i ilé lanu tua, yé ’i zun. ’I bɛ mane gɔblɛnnu ma yé kyɛgoinu é bɔra wo gi ma,

Lɛrɛvɔ Sɛbɛ 18:9

Kyɛgoi éé bɔraan a nyé gi, ’Té kyɛ lé éé fɛnu blé bɛ, éé bɔraan a ’léé; ’Té kyɛnyɛ éé bélian.

Lɛrɛvɔ Sɛbɛ 68:9

Tɛrɛ ma nyɔɔn, lanu fee gyɛ Bale ’lɛ. Sinai gɔ ma nyɔɔn Bale ’lɛ, Izraɛl lé Bale ’lɛ.

Lɛrɛvɔ Sɛbɛ 77:18

Latinu lɛɛ da fɔɔ yé wo bua soowɔla, Zagele banle zuogi éé goo wele nya latinu ta, Yé ile sawɔlɛnu si fɛfaana.

Lɛrɛvɔ Sɛbɛ 77:19

Ilé zagele banle vun we barikoko gi, Lɛɛ yuɛ wuovɔlenu tɛrɛ ta kini; Tɛrɛ gi tunu yé a manyɔɔn.

Fwile 19:13

Wo ’ka dan ’wo bɛ mane lɛ azan ma lo, naa, wo dan gɔlɛ vuli lɛ a va, dé ’bɛ kaan lo, wo dan a fɔn lɛ sawɔlɛ nya; dé é a mi nyaoo, dé é a wi nyaoo, é ’ka dan vo lɛ é yuɛma lo. Dé béli we, wo dan bié lɛ gɔ sɔnɔ.

Fwile 19:17

Moizi munu si sɔkɔndɔna, keele Kazambale nya we gi; yé wo dɔ gɔ nyana ma.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Fwile 24:17

Gakelebale lé fuasan lé ke gɔ nwiin, é a Izraɛl lé nénu yuɛ gi bélé kyɛ lé, éé fɛnu blé, a zo.

Fwile 3:2

Gakelebale lé lanje bɔra a va kyɛnéné gi, yiliné méléna. Moizi a nagini; yé bé ye, kyɛ a yiliné blena, ’té a yee ’ka zanaan lo.

Fwile 34:2

’Ibo ma’lɛrɛ tu kinile ’lɛ, yé bladi tutu i dan Sinai gɔ gié lɛ; i dan dɔ lɛ an ’lɛ gɔ nwiin.

Ézai 6:4

Wo dére duolinu vɔna manyɔɔn yé kɔn fan kyɛgoi nya.

Ézai 64:1

bélé yili gale lé a kyɛ bi, a zo, béli ’yi lé é ke flina bɔ gi, ’té éé bélié, a zo; ’té i nyanézannu é dan i tɔ dɔɔ lɛ, yé bɛnnu ma é dan nyɔɔn lɛ i ’lɛ.

Jérémi 4:24

Maa gɔblɛnnu nagini, yé wo ma nyɔɔn, Yé gɔpanénu faa ma nyɔɔn.

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.

Matio 24:7

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma, yé lɔrɔ é dan dɔ lɛ yé tɛrɛ ma é dan nyɔɔn lɛ fɛ kena.

Bélidɔwesɛbɛ Fiézan 33:2

É léma: Gakelebale si Sinai; É nwa Séii wolé we gi, Élé fuasan gɔɔn Paran gɔ la, É bɔra mi sauun kiɛre kiɛre méléna; Bélidɔwe lé é ke bélé kyɛ zo, é a pa wo lɛ zia é bɛ nya.

Bélidɔwesɛbɛ Fiézan 4:36

Kazambale a kɛlɛ léé, ka ’é dére ’ma la gi, we paale ka gi we ma; yé é a kɛlɛ léé, ka ’élé kyɛ blɛn ye tɛrɛ la, yé ka ’é dére ’ma wefena kyɛ méléna.

Bélidɔwesɛbɛ Fiézan 5:22

Dérenu lé Gakelebale a fe gɔ nwiin, wo lé ke bɛ; kyɛ koo, latinu koo, gunutinu koo, é a wo méléna, té éé we fé munu faa lɛ é dére plɛplɛ nya, yé é ’ka a bɛ fe lɛ lo. É wo gyɛ gɔlɛfen fié ta, yé é wo nɔ an lɛ.

Bélidɔwesɛbɛ Fiézan 5:4

Gakelebale we fe ka lɛ ka faa yuɛ va, ’té é a gɔ nwiin kyɛ méléna.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 12:18

Ka ’ka é bielé tɛrɛla gɔ lé mi a yé, ’té kyɛ éé blé a nwiin bɛ, a sɔnɔ lo; lati koo, gunutinu koo,

Ébrunu 12:26

Bale dére tɛrɛ ma nyɔɔn é vinin, yé sin é lé kaa lɛ léé, é dan fɛnu ma nyɔɔn lɛ é ziin gɔnɔ do, tɛrɛ saa kaan lo, la koo é ziin.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

Wegɔɔnle 15:8

Balebangikɔn lé fɛna sauun fan Kazambale ta kyɛgoi lé é ke alé fuasan valé alé plɛplɛ nya, a nya; yé mi do kpen ’ka bɔa wɔrale lɛ Balebangikɔn gi lo, fɔɔ yé lanje sɔrafié lé migyɛgyɛ sɔrafié lɛ é sɔɔ.

Wegɔɔnle 9:2

yé é a lɛ so. Kyɛgoi nwa guru ’ko gi, bélé ’furu blɛn lé kyɛgoi zo; yiri valé lagi gunu dɔra guru gi kyɛgoi nya.

Weblezannu 5:5

Gɔnu ma nyɔɔn Gakelebale ’lɛ, Yé Sinai boen koo, a ma nyɔɔn Gakelebale, Izraɛl zé Bale ’lɛ.