Fwile 19:16 - Kazambale lé Sebe Sauunu 1979

¹⁶ A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Fwile 19:16 ပူးပေါင်းရင်းမြစ်များ

2 Samuɛl 22:10

É lanu tua yé é zun. Lati borozan a a gane wuo.

2 Minwiinmunu lé Wezuofe Sɛbɛ 5:14

Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.

JOB (Job) 38:25

De ɛ zi lɛ so lɛɛ giéna nyaa? Kyɛn ɛ zi plaan lɛɛ yuɛwuovɔle valé zagele banle lɛ

Lɛrɛvɔ Sɛbɛ 50:3

Kolé Bale a dana, é ’ka voo é tadɔle lo; Kyɛ a blena a ’lɛ, Lɛɛdafu plɛplɛ a zi lɛ sɔɔan.

Lɛrɛvɔ Sɛbɛ 77:18

Latinu lɛɛ da fɔɔ yé wo bua soowɔla, Zagele banle zuogi éé goo wele nya latinu ta, Yé ile sawɔlɛnu si fɛfaana.

Lɛrɛvɔ Sɛbɛ 81:8

Ilé kleblele gi i siaa, yé maa i si munu lee; Maa a zi pa zagele yɔɔna; Maa i gi dan Mériba lé ’yinu sɔnɔ. Ka ye do.

Lɛrɛvɔ Sɛbɛ 97:4

Alé lɛɛ yuɛwuovɔlenu éé tɛrɛ va kinié. Tɛrɛ ’bɛ ye tɔɔn, gligli zén a gi;

Fwile 19:11

’Wo ’wo ma’lɛrɛ yi yaazan lé we ma ma; naa, a yi yaazan nya, maa Gakelebale é dan zun lɛ munu faa yuɛ va Sinai gɔ nwiin.

Fwile 19:15

É lé munu lɛ léé: ’Kabo ma’lɛrɛ yi yaazan lé we ma; té ka yia le do kpen va lo.

Fwile 19:17

Moizi munu si sɔkɔndɔna, keele Kazambale nya we gi; yé wo dɔ gɔ nyana ma.

Fwile 19:9

Gakelebale lé Moizi lɛ léé: Maa dan da lɛ i va lati borozan gi, munu lé anlé wefele i lɛ ’male we gi yé wo bli é vo i lɛ yifaama. Moizi munu dére fe Gakelebale lɛ.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Fwile 20:21

Munu vo baa; naa, Moizi bié lati lé Kazambale ke a gi, a va.

Fwile 40:34

Yé lati bua zén‐ékevasɔkɔn ta, yé Gakelebale lé fuasan sɔkɔn fan.

Fwile 9:23

Moizi élé tawomayili soi lai zia; yé Gakelebale zagele ban, yé é goowɔlɛlɛɛ pa zia, ’té kyɛ éé dɔwoo tɛrɛ la. Gakelebale goowɔlɛlɛɛ da Éjipiti tɛrɛ la bélé lɛɛ zo.

Jérémi 5:22

Gakelebale léma: Ka ’ka kanaan an lee loo? Ka ma ’ka nyɔɔn‐an an ’lɛ loo? Maa ɛ wɛyi glɛ dɔ nyéné nya, a glɛ lé wɛyi ’ka bɔa a kinile lɛ monomono lo, yee lé. Dé é fɔrɔoo, plɛplɛ ’ka a lee lo, dé é gi gunu oo, é ’ka a kinié lo.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Bélidɔwesɛbɛ Fiézan 5:5

Maa dɔ Gakelebale valé kanu méléna, Gakelebale dére fele ka lɛ we gi; naa, ka a kanana kyɛ lee, yé ka ’ka gɔ gié lɛ lo, ’bɛzama. Gakelebale léé:

Ébrunu 12:21

Yé we lé é kɛlɛ wo yuɛ va bɛ, é a kana zén migiwe nya fɔɔ yé Moizi léé, ’bɛ kana blɛn valé gligli zén é gi.

Wegɔɔnle 1:10

Maa a ’bɛna aan wo, an si an pɔlɛ gi yé an nɔla miléli nya Mizan lé yi la, yé maa dére plɛplɛ do ’ma an zuo bélé béli dére zo yé é léma:

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 4:1

’Bɛ zuo, maa a nagini, ’té la lɛ a é sole. Dére lé maa a ’ma é vinin bélé béli vun zo, é we fe an lɛ yé é léma: ’I da loru ’ko, yé we lé é dan bɔ lɛ é voéla yé maa a nagɔɔn i lɛ.

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 8:5

Yé lanje lasikɔrɔ kyɛblégi kyanbɔ si, yé é a fan balebanna ta kyɛ nyɛ nya yé é a vuli tɛrɛ va. Yé dérenu we, ’té zagelenu éé baan, ’té lɛɛ éé yuɛ wuo vɔa, ’té tɛrɛ ma éé nyɔɔn‐an.