Fwile 18:7 - Kazambale lé Sebe Sauunu 1979

⁷ Moizi go é na ti si lɛ zia, yé é dia é bli la, yé é a tuu gyɛ. Wo wo ke sina laa, yé wo wɔra Moizi lé sɔkɔn wuo.

Fwile 18:7 ပူးပေါင်းရင်းမြစ်များ

Wepélisiananu 14:17

Abram si aan wo Kédɔlaomɛɛ valé é va minwiinzannu kelena guli nya, Sɔdɔm mununwiinzan bɔra keena a nya Savé lé gɔworona, yee lé é ke minwiinzan blɛn lé gɔworona nya.

Wepélisiananu 18:2

Abraam é yara nwa yé é a nagini; i yua, mi yaa a é dɔle alé fɛna sɔnɔ. É wo ye aan wo, é nwa élé sɔkɔn ’léé yé é go wo si lɛ zia vlan nya, yé é dia é bli la wo gane wuo.

Wepélisiananu 19:1

Woo lanje fiéo, wo bɔ Sɔdɔm nyanadi bléyi va; ’té Lɔt a é nyanale Sɔdɔm gɔrɔ ’léé. Lɔt wo ye aan wo, é nwa wo sile zia we gi, yé é dia é bli la wo ’lɛ.

Wepélisiananu 29:13

Laban é buru be Jakɔb tɔ ’ma aan wo tɔɔn, é go a va vlan nya yé é a tuu gyɛ yé é pwɛpwɛ vɔ a ma yé é da a nya élé kɔn’léé. Jakɔb é zuo wenu faa fe Laban lɛ,

Wepélisiananu 31:28

I ’ka boenwo zi nɔ lɛ an lɛ an we an benu valé an lunu va lo. Bé kɛlɛ ’tu nya.

Wepélisiananu 43:26

Jozɛfu bɔ an wo kɔn’léé, blannu lé wo da a nya, wa nɔ a lɛ. Yé wo dia ’wo bli la tɛrɛ va a ’lɛ.

Wepélisiananu 45:15

Yé é ’é bwenu faa tuu gyɛ wuvɔle nya. ’Bɛ zuo a bwenu vo glewona a va.

Wepélisiananu 46:29

Jozɛfu élé goro ganafɛ vɔ goro ma, yé é vɔ a gi yé é go Gozɛn, é ti Izraɛl si lɛ zia. É a ye tɔɔn, é a tuu gyɛ, yé é vɔ a bɔrɔ ma yé é mɔn wuvɔna kaii.

2 Samuɛl 11:7

Uri go David va yé Joab koo, munu koo, guli danle koo, David wo tawe laa a lee.

1 Minwiinzannu 2:19

Bat‐Sééba go minwiinzan Salomɔn va Adonija lé we fele a lɛ we gi. Minwiinzan nwa a sile zia we gi, yé é yia é bli la a ’lɛ, yé é nyana élé webleblin ta. Wo da blin nya minwiinzan bu zé nya, yé é nyana a bɛyila.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Fwile 18:6

Yé é we pa Moizi lɛ zia léé: Maa, i na ti Jétro, maa a dana i va, ko valé i na valé é be fiénu nya.

Fwile 33:7

Moizi sɔkɔn fwi yé é a dɔ sɔkɔnnu ma baa sɛ; é a laa, zén‐ékevasɔkɔn. Munu faa lé, woo we laan Gakelebale lee, woo goo zén‐ékevasɔkɔn lé ke sɔkɔnnu ma baa sɛ, ana.

Fwile 4:27

Gakelebale lé Arɔn lɛ léé: ’I go Moizi va nyéné saa lé fɛna. Arɔn go; wo kee Moizi nya Bale lé gɔ ma, yé é a tuu gyɛ.

Mi Nɔnɔle 22:36

Balak a ’ma léé, Balaam bɔ é pu, yé wo go a si lɛ zia fɔɔ Moab lé fla do lé é ke Aanɔn yuu gɔ la, Moab lé tɛrɛ glɛ mun ta, ana.

WENÉNÉ LÉ LUK A GYE (Évangile selon Luc) 7:45

I ’ka an tuu gyɛ lɛ lo, naa, aan wɔra aan wo kɔn gi, lezan ’ko ’ka daan lɛ pwɛpwɛ vɔle ma an gane ma lo.

Kelewenu 20:37

Yé wo faa zén wuvɔle va yé wo faa vɔ Pɔl bɔrɔ ma, ’té woo bɛ giéan a ma.

Kelewenu 28:15

Bwenu lé wo kolé we ’ma, wo si Rom yé wo da ko si lɛ zia fɔɔ Apius flɛi valé fɛana lé Otɛli yaa ke, ana. Pɔl wo ye aan wo, é Kazambale bɔ vɔ, yé a bli ta dɔ plɛplɛ.

Weblezannu 11:34

Jɛfeté nɔla élé kɔn ’léé Misipa. Yé bé ye, a lu da a si lɛ zia poo nya é lee, ’té éé néné boo. Alé né wɔlɛ do kpen lé; a be ’ka lo yé a lu bɛ ’ka lo.

1 Samuɛl 17:18

’i dirinyɔyiyɔɔ vu ’ko si é ziin wolé mi wuru soru palu nwiinzan zé nya. Dé i bwenu a drɔɔ, i dan a ye lɛ yé i dan wo tawe fe lɛ an lɛ tegele.

1 Samuɛl 17:22

David élé kɔné bɛ pa kɔné tabinzan lee yé é vlan buru fɛana lé wa guli bale plana, ana. É bɔ tɔɔn, é we é bwenu va yé wo ’wo ke zuo laa.