Fwile 18:25 - Kazambale lé Sebe Sauunu 1979

²⁵ Yé munu lé a yara a wo yara léé, wo wo dɔ minwiinzanu nya, Moizi wo si Izraɛl faa va, yé é wo dɔ mi wuru soru soru nwiinzannu koo, mi yɔ soru soru nwiinzannu koo, mi yɔ fié wɔlɛ vu vu nwiinzannu koo, mi vu vu nwiinzannu koo, wo nya.

Fwile 18:25 ပူးပေါင်းရင်းမြစ်များ

Wepélisiananu 47:6

Éjipiti tɛrɛ a i bɛ nya. Fɛ lé ana ke é zima é mini a pɔnénu ta, ’i ti valé i bwenu nyana ana ma. ’Wo nyana Gozɛn tɛrɛ la ma. Dé i gikinizannu ye wo va, ’i wo pla anlé trubɛnu nwiin.

2 Samuɛl 18:1

David ’é vamunu faa gié ’é ’lɛ, yé é mi wuru soru soru palu nwiinzannu valé mi yɔ soru soru palu nwiinzannu dɔ.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 18:24

Moizi é tɔné dɔ é na ti dére lɛ, yé we lé é a fe a lɛ é a faa kɛlɛ.

Mi Nɔnɔle 1:16

Munu lé wo wo laa léé, ’wo zén ékeva, wo lé ke bɛ; wa ’wo tranu gɔnɔ gi mi blɛnnu nya; wa Izraɛl mi baanu nwiinzannu nya.

Mi Nɔnɔle 1:4

É a lé bɛn do do gi mi do ’é pa ka va, mi lé é ke é tra lé kɔnzan nya, yee lé.

Mi Nɔnɔle 11:16

Gakelebale lé Moizi lɛ léé: ’I mi segele yɔ yaa wɔlɛ vu bié an punma, munu lé i wo dɔɔ mi segelenu nya munu va, ’té wa é plale munu nwiin; ’i go wo nya zén‐ékevasɔkɔn ’léé, yé wo dɔ ’bɛna i va.

Kelewenu 6:5

We ’ko sɔ zén‐ékevamunu faa lɛ, yé wo munu si a va; Léli Sauun vɔlazan Étiɛne lé alé blipale ke blɛn, yee a, Filip a, Prɔkɔɔ a, Nikanɔɔ a, Timɔn a, Paaménas a, Antiɔs mi Nikola lé é ke é vinin zi bɛ ta bazorozan nya, yee koo, woo lé wo wo si.

Bélidɔwesɛbɛ Fiézan 1:15

Yé maa mi blɛnnu si ka bɛn lɛgɔnɔ faa gi, ’té wa wedɔɔmunu nya, ’té munu wo dɔɔ, yé maa wo dɔ ka nwiin; maa wo kɛlɛ mi wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya, yé maa a se kɛlɛ wo lɛ ka bɛn lɛgɔnɔnu gi.